Ezai 12:1-6
12 Cɛn sɔ’n nun’n, saan á sé kɛ:“Ee, Zoova, nja kwla,afin kannzɛ bɔbɔ a fali min wun ya’n,sanngɛ ɔ ya’n kannin ase blɛblɛblɛ, yɛ a fɔnvɔli min.+
2 An nian! Ɲanmiɛn ti min defuɛ.+Ń láfi i su, yɛ srɛ su kunman min,+afin Ya* Zoova yɛ ɔ ti min wunmiɛn nin min tinmin’n niɔn,yɛ w’a kaci min defuɛ.”+
3 Aklunjɔɛ su’n, amún kósa nzuenzue ti nga delɛ’n fin be’n be nun.+
4 Cɛn sɔ’n nun’n, amún wá sé kɛ:“Amun la Zoova i ase, amun bo i dunman’n,amun kan sa ng’ɔ yoli be’n be ndɛ kle sran mun!+Amun se kɛ i dunman’n ti dan.+
5 Amun to jue* be manman Zoova,+ afin ɔ yoli sa dandan mun.+Maan be kan kle asiɛ wunmuan’n sufuɛ mun naan be si sɔ.
6 Wɔ mɔ a tran Siɔn lɔ’n,* kpan aklunjɔɛ kpanlɛ,bo sro,afin Izraɛli Ɲanmiɛn m’ɔ ti Sanwun’n, m’ɔ o amun afiɛn’n, ɔ ti dan.”
Ja ngua lɔ ndɛ mun
^ “Ya” ti Zoova i dunman’n i flɛlɛ kpe’n.
^ Annzɛ “Amun bo miziki.”
^ Ebr., “Bla m’ɔ tran Siɔn lɔ’n,” ɔ ti be kwlaa nga be tran Siɔn lɔ’n be nzɔliɛ.
