Ezai 17:1-14
17 Be kan ndɛ nga be wɔ Damasi:+“Amun nian! Damasi su yoman klɔ kun,ɔ́ wá káci yɔbuɛ kwle.+
2 Aroɛɛ+ i klɔ’m bé wá ká lɛ ngbɛn,bé káci nnɛn’m be lawlɛ,yɛ sran fi su wlaman be ɲin nglonglo.
3 Klɔ nga be wun ti sisiwa’n wie fi su tranman Efraimun lɔ,+yɛ Damasi su yoman famiɛn diwlɛ kun.+Yɛ be nga bé ká Siri lɔ’n be su ɲanman ɲrun kun,bé yó kɛ Izraɛlifuɛ mun sa,” Zoova m’ɔ ti sonja’m be su kpɛn’n yɛ ɔ kan sɔ-ɔ.
4 “Cɛn sɔ’n nun’n, Zakɔbu i aɲrunɲan’n ɔ́ kán ase,yɛ i wunnɛn m’ɔ o i wun’n,* ɔ́ wíewíe.
5 Ɔ́ yó kɛ blɛ mɔ like kpɛfuɛ’n ɔ kpɛ fie su ninnge m’ɔ tian be nuan’n sa,m’ɔ fɛ i sa kpɛkpɛ ble mma mun’n sa,ɔ́ yó kɛ sran m’ɔ wlanwlan Refafuɛ’m be Kongo’n+ nun naan ɔ́ ísa ninnge nga be kpɛli’n i ng’ɔ kali lɛ’n sa.
6 Ninnge nga be yacili be lɛ’n be ngunmin cɛ yɛ bé ká lɛ-ɔ,ɔ́ yó kɛ olivie waka mɔ be fa waka bo i mɔ i mma’m be gua’n sa,olivie mma mɔ b’a blo’n, be nun nɲɔn annzɛ nsan cɛ yɛ bé ká i sama m’ɔ o nglo kpa’n i su-ɔ,i sama nga mma o be su’n, be su mma nnan annzɛ nnun cɛ yɛ bé ká lɛ-ɔ,”+ Zoova m’ɔ ti Izraɛlifuɛ’m be Ɲanmiɛn’n yɛ ɔ kan sɔ-ɔ.
7 Cɛn sɔ’n nun’n, sran’n ɔ́ mɛ́n i ti’n su nían i Yifuɛ’n, i ɲinma nían Izraɛli Ɲanmiɛn m’ɔ ti Sanwun’n i siin.
8 Ɔ su nianman tɛ yiwlɛ+ m’ɔ fɛli i sa yoli be’n.+ Asa ekun’n, ɔ su nianman waka mɔ be sɔ be’n,* ɔ nin ansan yrawlɛ m’ɔ fɛli i sa yoli be’n.
9 Cɛn sɔ’n nun’n i klɔ mɔ be wun ti sisiwa’n, bé káci kɛ lika mɔ b’a yaci i bo’n nun lɔ’n sa,+bé káci kɛ waka sama kun mɔ b’a yaci i Izraɛlifuɛ’m be ɲrun’n sa,bé káci aawlɛ flɛnnɛn.
10 Afin ɔ wla fili Ɲanmiɛn+ m’ɔ ti ɔ defuɛ’n i su,ɔ wla w’a kpɛnman yɔbuɛ+ m’ɔ ti ɔ fiawlɛ’n i su,i sɔ’n ti’n, a di fie nglanman mun,yɛ a fa aofuɛ kun i waka’n* a ta nun.
11 Wia nun’n, a sisi ɔ fie’n i wun klanman cɛ,yɛ nglɛmun’n, a yo maan like nga a luali’n ɔ fifi,sanngɛ tukpacɛ’n ɔ nin be kplo nun ya m’ɔ wieman’n be cɛn’n nun’n, ninnge’m be kpɛlɛ blɛ’n nun’n, be su ɲanman like fi.+
12 An sie amun su! Sran kpanngban be talo woo,be keje kɛ jenvie’n sa.Nvlenvle’m be keje yekee,ɔ tɛ kɛ nzue wie m’ɔ sonji kekle kpa’n sa,
13 nvlenvle’m be kejelɛ’n ɔ tɛ kɛ nzue kpanngban sa,ɔ́ wá tú be fɔ, yɛ bé wánndi kɔ́ mmua,bé yó kɛ oka’m be su ble wla mɔ aunmuan’n fɛ i kɔ mmua’n sa,bé yó kɛ ijre wie mɔ seke’n su fɛ i kɔ’n sa.
14 Kɔnguɛ’n lika’n yó sro,yɛ kɛ aliɛ fá cɛ́n’n be nunman lɛ kun,be nga be saci e ninnge mun’n,ɔ nin be nga be fɛn e ninnge mun’n, kɛ be liɛ’n yó sa.
Ja ngua lɔ ndɛ mun
^ Ebr., “i nnɛn’n i lui’n.”
^ Nian Ndɛ’m be bo tulɛ lika’n nun lɔ.
^ Annzɛ “amuin kun.”
