Ezai 27:1-13
27 Cɛn sɔ’n nun’n, Zoova wá fɛ́ i tokofi+ m’ɔ le wunmiɛn’n, m’ɔ ti dan’n, m’ɔ yo sro’n,kpɛkun ɔ́ fɛ́ i ɲin síe Leviatan* mɔ yɛle wuo mɔ i wun yo ndrɔn’n i su,ɔ́ fɛ́ i ɲin síe Leviatan mɔ yɛle wuo m’ɔ blibli nɔnngɔnnɔnngɔn’n i su,kpɛkun ɔ́ kún nnɛn sroesroe m’ɔ o jenvie’n nun’n.
2 Cɛn sɔ’n nun’n, amun to jue be mɛnmɛn i:*“Viɲin+ fie m’ɔ su mma kpanngban’n!
3 N bɔbɔ min Zoova yɛ nsɛsɛ i-ɔ.+N guɛ i su nzue blɛ kwlaa nun.+N sɛsɛ i kɔnguɛ nin wia nun,naan sran fi w’a sacimɛn i.+
4 Ya nunman min klun.+?Wan yɛ ɔ kwla fa owieowie mun nin ijre tɛtɛ mun jran min ɲrun alɛ kunlɛ nun-ɔn?Ń má tíatía be su, kpɛkun ń wɔ́ be kwlaa be nun likawlɛ.
5 Sran ng’ɔ kunndɛman kɛ i sɔ sa’n ju i su’n, maan ɔ wa tra min fiawlɛ lika’n i kekle kpa.Maan ɔ nin min e siesie e afiɛn,nanwlɛ, maan ɔ nin min e siesie e afiɛn.”
6 Cɛn nga bé bá lɛ’n be nun’n, Zakɔbu wá trá ndin kpa,Izraɛli wá bó nɲrɛ yɛ ɔ́ fɛ́fɛ́,+kpɛkun be su mma mun bé trú mɛn’n nun.+
7 ?Ɔ fata kɛ sran ng’ɔ su bo i’n, ɔ finfin i like??Ɔ fata kɛ be kun i kɛ be ng’ɔ kunnin be’n sa?
8 Á wá kpán kekle kpa, a nin i bé tú yɛ á fúɛn i.Wia afiliɛ lɔ aunmuan’n i cɛn’n nun’n, á wá fá ɔ aunmuan dan’n á fá fítɛ i kɔ́ mmua.+
9 Kɛ bé wá yáci Zakɔbu i fɔnlɛ’n bé cɛ́ i kɛngalɛ’n sa,+kpɛkun kɛ bé wá núnnún i sa tɛ’n, sa ng’ɔ́ wá jú’n yɛ:Ɔ́ wá fúfú tɛ yiwlɛ’n i yɔbuɛ’m be kwlaa be nunkɛ yɔbuɛ wie mɔ be timan kekleke’n sa,kpɛkun waka nga be sɔ be’n,* ɔ nin ansan yrawlɛ wie fi su kaman lɛ.+
10 Afin klɔ mɔ be sisili i wun’n, ɔ́ tɔ́ srolo.Nnɛn didiwlɛ’m bé ká lɛ ngbɛn, bé yó kɛ aawlɛ flɛnnɛn sa.+Lɔ yɛ nannin ba’n ɔ́ dídí-ɔ, kpɛkun lɔ yɛ ɔ́ lá-ɔ.Yɛ ɔ́ dí i sama mun.+
11 Kɛ i sama kanngan mun bé wá wú kee’n,bla’m bé bá, bé kpɛ́kpɛ́ be,kpɛkun bé fá trɔ́ sin.Afin nvle nga nunfuɛ’m be wunman sa wlɛ.+I sɔ’n ti yɛ be Yifuɛ’n su siman be aunnvɔɛ’n niɔn,sran ng’ɔ boli be’n ɔ su siman be aunnvɔɛ.+
12 Cɛn sɔ’n nun’n, kɛ ɔ fɛ i Nzue Ba’n* su lele m’ɔ́ fá jú Ezipti Kongo’n+ su lɔ’n, Zoova bó waka mun naan be su mma’m be gua. Ee, Izraɛlifuɛ mun, bé wá ísa amun kunngunngun.+
13 Cɛn sɔ’n nun’n, bé wá bó awɛ dan kun,+ kpɛkun be nga be su wu Asiri+ mɛn’n nun lɔ’n, ɔ nin be nga b’a bo b’a sanndi Ezipti mɛn’n+ nun’n bé bá, bé kóto Zoova i bo oka m’ɔ ti Ɲanmiɛn liɛ klonglo’n su, Zerizalɛmun lɔ.+
Ja ngua lɔ ndɛ mun
^ Nian Ndɛ’m be bo tulɛ lika’n nun lɔ.
^ Ɔ ti weiin kɛ Izraɛli ndɛ yɛ be kan-ɔn, be fɛ i sunnzun bla kun, kpɛkun be fɛ i sunnzun viɲin fie kun.
^ Nian Ndɛ’m be bo tulɛ lika’n nun lɔ.
^ Yɛle kɛ, Efrati.
