Ezai 29:1-24
29 “Ariɛli* i yako! Ariɛli klɔ mɔ Davidi boli i nanmue lɔ’n i yako!+Maan afuɛ’m be sin titi,maan cɛn dilɛ’m be blɛ’n+ ɔ sin yia nun titi.
2 Ń fá ɲrɛnnɛn ń yí iAriɛli su,+bé yó sɛ lɔ, yɛ bé yíngwlɛ lɔ,+yɛ ɔ́ káci min ɲrun kɛ Ɲanmiɛn i tɛ yiwlɛ’n i sin trɔwlɛ’n sa.+
3 Ń má bó nanmue ɔ bue kwlaa su,yɛ ń fá waka ń sísí ɔ wun,ń kplánkplán alɛ kunlɛ ninnge wie mun ɔ wun,+
4 bé wá kán ɔ ase,á ká asiɛ wun lɔ yɛ á íjɔ-ɔ,yɛ ndutre’n ti’n be su timan ndɛ nga a kan’n i kpa,ɔ nɛn’n fín asiɛ wun lɔ+kɛ sran nga i waan ɔ nin be nga be wuli’n be ijɔ’n i nɛn’n sa,bé tí ndɛ nga a kan’n kannganngan ndutre’n nun lɔ.
5 Ɔ kpɔfuɛ* kpanngban mun bé yó kɛ sanmlɛn mlɛnnɛnnɛn sa,+siefuɛ kpanngban mɔ be kle sran’m be ɲrɛnnɛn’n, bé yó kɛ ble wla mɔ aunmuan’n fɛ i kɔ’n sa,+sa sɔ’n ɔ́ ká lɛ jú kpɛ kunngba, ɔ́ fú ɔ nun.+
6 Zoova m’ɔ ti sonja’m be su kpɛn’n ɔ́ wá kpɛ́ i ɲin ɔ su lɔ,angblannan’n tɛ́, asiɛ’n kéje, yɛ nganniɛn dan kpa kun tɛ́,aunmuan’n fíta kekle kpa, seke’n tú, yɛ sin dan kun júe vlanwunvlanwun.”+
7 Ɔ maan nvlenvle kpanngban nga be nin Ariɛli be kun alɛ’n,+be kwlaa nga be nin i kun alɛ’n,alɛ ninnge fleinflein nga be kplankplannin be i wun’n,be kwlaa nga be fa ɲrɛnnɛn yi i su’n,bé káci kɛ laliɛ nun like annzɛ aolia nun like mɔ be wun i kɔnguɛ’n sa.
8 Ɔ́ yó kɛ sran kun mɔ awe kun i, mɔ kɛ ɔ́ cɛ́n laliɛ’n ɔ su di like’n sa,sanngɛ kɛ ɔ́ jáso’n awe kun i,ɔ́ yó kɛ sran kun mɔ nzuewe kun i, mɔ kɛ ɔ́ cɛ́n laliɛ’n ɔ su nɔn nzue’n sa,sanngɛ kɛ ɔ́ jáso’n w’a fɛ, yɛ nzuewe kun i.Nvlenvle kpanngban kwlaa nga be nin Siɔn Oka’n be kun alɛ’n,+sa sɔ’n yɛ ɔ́ jú be su-ɔ.
9 Maan amun nuan bo amun wun, yɛ maan ɔ bo amun nuan,+maan amun si amun ɲin, yɛ maan amun ɲin si,+b’a bo, sanngɛ nán duvɛn yɛ be nɔnnin-ɔn,be bo tanngan, sanngɛ nán nzan kekle yɛ be nɔnnin-ɔn.
10 Afin Zoova yoli maan amun a yo kɛ sran mɔ be su lafi kpa pɔɔ’n sa,+Ɲanmiɛn nuan ijɔfuɛ mun, ɔ katali amun ɲinma,+aolia nun like wunfuɛ mun, ɔ katali amun ti.+
11 Aolia nun like kwlaa nga á wún i’n, ɔ́ yó ɔ ɲrun kɛ fluwa kun mɔ be trɛli i nuan’n i ase’n i nun ndɛ’n sa.+ Kɛ be fa man sran kun m’ɔ si kanngan’n, mɔ be se kɛ: “Yaci, man ɔ nɛn’n su kanngan’n,” ɔ́ sé kɛ: “N kwlá kannganman, afin be kɛtɛli i nuan.”
12 Yɛ kɛ be fa fluwa’n be man sran kun m’ɔ siman kanngan’n, mɔ be se i kɛ: “Yaci kanngan nga nun’n,” ɔ́ sé kɛ: “N siman kanngan.”
13 Zoova se kɛ: “Nvle nga nunfuɛ’m be nuan nun ngbɛn yɛ be fa be wun be mantan min-ɔn,be nuan bui su yɛ be bu min sran-ɔn,+sanngɛ be awlɛn nunman min su kaan sa.Yɛ srolɛ mɔ be sro min’n, ɔ taka klɔ sran’m be mmla mɔ be kleli be’n be su.+
14 I sɔ’n ti’n, min yɛ ń má yó abonuan sa wie mun ekun ń mán nvle nga nunfuɛ mun-ɔn,+ń má yó abonuan sa kpanngban,ɔ maan be ngwlɛlɛfuɛ’m be ngwlɛlɛ’n ɔ́ wíe,yɛ be akunndanfuɛ’m be sa wlɛ wunlɛ’n ɔ́ fía.”+
15 Be nga be yo like kwlaa nga be kwla yo naan bé fá ninnge nga be sunnzun kɛ bé yó’n* bé fía Zoova wun’n, be yako!+Be yo be ninnge mun lika tuun nun,kpɛkun be se kɛ: “?Wan yɛ ɔ wun e-ɔ??Wan yɛ ɔ si like nga e yo’n niɔn?”+
16 Nian kɛ amun a kpɛ ninnge’m be wun-ɔn!?Sɛ wufuɛ’n ɔ nin ufa’n be ti kun?+?Like nga be yili’n ɔ kwla kan sran ng’ɔ yili i’n i ndɛ se kɛ:“W’a yiman min”?+?Like nga be yoli’n ɔ kwla kan sran ng’ɔ yoli i’n i ndɛ se kɛ:“Ɔ wunman sa wlɛ”?+
17 Ɔ ka kan’n, Liban’n wá káci waka mma fie,+yɛ waka mma fie’n ɔ́ wá káci kɛ bo sa.+
18 Cɛn sɔ’n nun’n, sutrefuɛ’m bé wá tíe fluwa’n i nun ndɛ’n,yɛ aɲinsifuɛ’m bé wún ase, bé fín aosin tuun’n nin lika m’ɔ lu tritri’n nun bé fíte.+
19 Wun ase kanfuɛ’m be klun wá jɔ́ dan kpa Zoova dunman nun,yɛ sran’m be nun yalɛfuɛ mun, be klun wá jɔ́, Izraɛli Ɲanmiɛn m’ɔ ti Sanwun’n i dunman nun.+
20 Afin siefuɛ m’ɔ kle sran’m be ɲrɛnnɛn’n ɔ su tranman lɛ kun,nuan difuɛ’n i liɛ wíe,yɛ bé wá kún be kwlaa nga be wiengu’m be tɛ yolɛ akunndan yɛ be bu i sa trilili’n,+
21 sran sɔ’m be bua ato be fa ndɛ’n yi be wiengu’m be su,be sua sran m’ɔ kpli be ti’n* i bo aya klɔ’n i anuan’n nun,+yɛ be kan ndɛ ngbɛnngbɛn mun naan b’a diman sran kpa’n i ndɛ nanwlɛ su.+
22 I sɔ’n ti’n, ndɛ nga Zoova m’ɔ kpɔli Abraamun+ i ti’n, ɔ kɛn i Zakɔbu i awlo’n su’n yɛ:“Zakɔbu su wunman ɲannzuɛn kunyɛ i ɲrun’n su kpaman fuai kun.*+
23 Afin kɛ ɔ́ wá wún i mma mun,mɔ be ti min sa nuan like’n i afiɛn’n,+bé wá mánmán min dunman’n.Nanwlɛ, bé wá mánmán Zakɔbu i Ɲanmiɛn m’ɔ ti Sanwun’n,yɛ be ɲin wá yí Izraɛli Ɲanmiɛn’n kpa.+
24 Be nga be ɲin ti kekle’n bé wá wún sa wlɛ,be nga be ijɔ be konviabo’n bé wá kplín su kɛ be kle be like.”
Ja ngua lɔ ndɛ mun
^ Atrɛkpa i bo’n yɛ: “Ɲanmiɛn i tɛ yiwlɛ’n i sin trɔwlɛ’n.” Ɔ ti weiin kɛ Zerizalɛmun ndɛ yɛ be kan-ɔn.
^ Ebr., “Aofuɛ.”
^ Annzɛ “afɔtuɛ’n.”
^ Ebr., “sran ng’ɔ tu be fɔ’n.”
^ Yɛle kɛ, i sa sin m’ɔ bubu i’n i ti yɛ i ɲrun kpa fuaii’n niɔn.
