Ezai 49:1-26
49 Lika mɔ nzue bo sin yia be’n, maan amun sie amun su min nuan bo,nvlenvle mɔ be o mmua kpa’n, maan amun sieamun su.+Ka naan b’a wu min’n,* Zoova flɛli min.+Blɛ mɔ n wo min nin i ku sɛ nun lɔ’n, ɔ boli min dunman.
2 Ɔ yoli maan min nuan’n yoli kɛ tokofi m’ɔ la kpa’n sa,ɔ fali min fiɛli i sa’n ifɔnvɔ’n i bo.+Ɔ yoli maan n yoli kɛ ta mma pienbie wie sa.Ɔ fali min fiali i ta mma pata’n nun.
3 Ɔ seli min kɛ: “Ee Izraɛli, a ti min sufuɛ,+ɔ lika yɛ ń sín ń yí min aɲrunɲan’n i nglo-ɔ.”+
4 Sanngɛ n seli kɛ: “N kleli min wun yalɛ ngbɛn.N fali min wunmiɛn’n n dili junman ngbɛn, m’an ɲanman nun like fi.Sanngɛ sran ng’ɔ di min jɔlɛ’n yɛle Zoova,*min akatua’n wo min Ɲanmiɛn’n i sa nun.”+
5 Siɛn’n, Zoova m’ɔ yili min min nin i ku sɛ nun lɔ’n naan n yo i sufuɛ’n,ɔ seli min kɛ n fa Zakɔbu n sɛ i sin i wun,naan Izraɛlifuɛ’m be ti yiɛ i wun lɛ.+Ń má ɲán ɲrun Zoova ɲrun,yɛ min Ɲanmiɛn’n ɔ́ yó min wunmiɛn.
6 Kpɛkun ɔ seli min kɛ: “A ti min sufuɛ,n fali wɔ kɛ a man Zakɔbu i akpasua’m be su,naan a fa Izraɛlifuɛ nga be kali nguan nun’n sa be sin, sanngɛ nɛ́n i ngba-ɔ.N fali wɔ n mannin kɛ kannin sa naan a kpaja nvlenvle mun be su,+naan delɛ mɔ n de sran’n ɔ ju asiɛ’n i tiwatiwa’mbe su.”+
7 Zoova m’ɔ ti Izraɛli i Ti Kpɔfuɛ’n, Izraɛli Ɲanmiɛn m’ɔ ti Sanwun’n,+ ɔ se sran mɔ be yo i finfin’n,+ mɔ nvlefuɛ’m be kpɔ i’n, m’ɔ ti siefuɛ’m be sufuɛ’n i kɛ:“Min Zoova mɔ n ti nanwlɛfuɛ’n,+Izraɛli Ɲanmiɛn m’ɔ ti Sanwun’n, m’ɔ kpali wɔ’n,+ i dunman nun’n,famiɛn mun bé wá wún i yɛ bé jáso,kpɛkun sran dandan’m bé kóto.”
8 Ndɛ nga Zoova kan’n yɛ:“Aunnvɔɛ silɛ blɛ’n nun’n, n tɛli ɔ su,+yɛ delɛ cɛn’n nun’n, nukali wɔ.+N sasali wɔ titi naan ń fá wɔ ń mán naan a yo min nin nvlefuɛ mun e afiɛn aenguɛ,+naan nvle’n yo kpa ekun,naan be fa be aja like m’ɔ tɔli srolo’n,+
9 naan a se bisuafuɛ’m be kɛ: ‘Amun fite!’+Yɛ a se be nga be o aosin tuun’n nun’n+ kɛ: ‘Amun yi amun wun nglo!’Bé wá dídí akpɔ’m be nuan,be didiwlɛ lika’m bé trán atin’m be kwlaa be nuan.*
10 Awe su kunman be, yɛ nzuewe su kunman be,+lika m’ɔ lo’n annzɛ wia m’ɔ bo’n su kleman be yalɛ.+Afin Sran m’ɔ si be aunnvɔɛ’n ɔ́ wá klé be atin,+yɛ ɔ́ fá be kɔ́ nzue ti lika’m be nun.+
11 Ń yó maan min oka’m be kwlaa bé káci atin,yɛ min atin dandan’m bé yó nglonglo.+
12 Amun nian! Be fin mmua kpa yɛ be ba-ɔ,+amun nian, wie’m be fin nglo lɔ lika’n nun, yɛ wie’m be fin wia atɔliɛ lɔ lika’n nun,yɛ wie’m be fin Sinimun mɛn’n nun.”+
13 Ɲanmiɛn m’ɔ la nglo lɔ plaii, kpan aklunjɔɛ kpanlɛ, yɛ asiɛ, maan ɔ klun jɔ.+Maan oka’m be klun jɔ yɛ be bo sro.+Afin Zoova w’a fɔnvɔ i nvlefuɛ mun,+ɔ si i sran mɔ be kle be yalɛ’n be aunnvɔɛ.+
14 Sanngɛ Siɔn kɛn i titi kɛ:“Zoova w’a yaci min,+ Zoova i wla w’a fi min.”+
15 ?Bla kun i wla kwla fi i wa m’ɔ mɛn i wunflɛn’n,annzɛ ɔ su simɛn i klun ba’n i aunnvɔɛ?Kannzɛ bɔbɔ bla sɔ’m be wla fi be mma’m be su’n, sanngɛ min liɛ’n, min wla su fiman ɔ su le.+
16 Nian! N klɛli ɔ dunman’n min sa klun.Ɔ wun talɛ’m be o min ɲrun titi.
17 Ɔ mma’m be wun blibli be kɛ bé sá be sin.Be mɔ be bubuli wɔ mɔ be sacili wɔ’n, bé wá sá be sin bé kɔ́.
18 Man ɔ ɲin su naan nian ɔ wun lɛ.Be kwlaa be ti w’a yia likawlɛ.+Be su ba ɔ sin.Zoova waan: “N wo lɛ sakpa,á fá be kwlaa á wláwlá ɔ wun kɛ be fa be wun klanman yolɛ ninnge mun be wlawla be wun’n sa,yɛ á fá be cící ɔ wun kɛ bla mɔ be su fɛ i atɔnvlɛ’n sa.
19 Kannzɛ bɔbɔ be sacili ɔ lika mun naan be tɔli srolo’n, naan ɔ mɛn’n sacili’n,+sanngɛ siɛn’n, ɔ́ wá yó kaan dan ti’n, be nga be tran lɔ’n be su sɔnman nun,+yɛ be nga be mɛn wɔ gla’n+ bé wá kɔ́ mmua.+
20 Kɛ ɔ mma’m bé wú’n, ba nga bé wá wú be be sin’n, bé wá sé wɔ kɛ:‘Lika nga ti kaan dan, ɔ juman e.Man e lika naan e tran nun.’+
21 Yɛ á wá sé ɔ klun lɔ kɛ:‘?Wan yɛ ɔ wuli ba nga mun-ɔn?Afin n ti bla kun mɔ i mma’m b’a wu-ɔ, yɛ min klun ti kpan,be trali min ɔli nvle uflɛ nun, yɛ be wlali min bisua.?Ɔ maan wan yɛ ɔ tali ba nga mun-ɔn?+Afin be kwlaa be yacili min kunngba.+?Ɔ maan nin yɛ ba nga mun be fin-ɔn?’”+
22 Ndɛ nga e Min Zoova m’ɔ Sie Like Kwlakwla’n kan’n yɛ:“An nian! Ń má mán min sa’n su ń klé nvlenvle mun,yɛ ń mán min nzɔliɛ like’n* su ń klé nvlefuɛ mun.+Bé wá fá ɔ mma yasua mun be sa su* bé bá,yɛ bé fá ɔ mma bla mun bé bó be wati.+
23 Famiɛn’m bé wá nían ɔ su,+yɛ be mma bla’m bé wá nían ɔ lika.Bé kóto ɔ bo yɛ bé útu be ɲin ase,+kpɛkun bé táfi ɔ ja wun ndutre’n,+kpɛkun á wá wún i wlɛ kɛ min yɛ n ti Zoova’n niɔn,be nga be fa be wla gua min su’n, be su wunman ɲannzuɛn.”+
24 ?Kɛ safuɲrɛn kun tra sran mun’n, be kwla de be i sa nun??Annzɛ kɛ siefuɛ m’ɔ kle sran’m be ɲrɛnnɛn’n ɔ tra sran mun wla be bisua’n, be kwla de be?
25 Sanngɛ ndɛ nga Zoova kan’n yɛ:“Be nga safuɲrɛn’n trali be wlali be bisua bɔbɔ’n, bé wá dé be i sa nun,+yɛ bé wá dé be nga siefuɛ m’ɔ kle sran’m be ɲrɛnnɛn’n trali be’n.+Be nga be tanndan ɔ ɲrun’n, ń tánndan be ɲrun wie,+Kpɛkun ń dé ɔ mma mun.
26 Ń yó maan be nga be kle ɔ ɲrɛnnɛn’n, bé dí be bɔbɔ be nnɛn’n,bé nɔ́n be bɔbɔ be mmoja’n, yɛ ɔ́ bó be kɛ b’a nɔn duvɛn fɛfɛ wie sa.Kpɛkun sran’m be kwlaa bé wún i wlɛ kɛ min yɛ n ti Zoova’n niɔn,+n ti ɔ Defuɛ+ nin ɔ Ti Kpɔfuɛ,+n ti Zakɔbu i Ɲanmiɛn m’ɔ le tinmin kpa’n.”+
Ja ngua lɔ ndɛ mun
^ Ebr., “Kɛ n wo min nin ku sɛ nun lɔ’n.”
^ Ebr., “Zoova wá dí min ndɛ’n klanman.”
^ Be kwla se ekun kɛ “bé trán kpɔlɛ’m be kwlaa be wun.”
^ Ebr., “be wue nun.”
^ Annzɛ “waka m’ɔ ti nzɔliɛ like’n.”
