Ezai 51:1-23
51 “Amun mɔ amun kunndɛ sa nuan su sɛsɛ yolɛ’n,mɔ amun kunndɛ Zoova’n, amun sie amun su be tie.Amun nian yɔbuɛ nga be kpukeli mɔ be fa sɛli amun’n,amun nian yɔbuɛ kpukewlɛ nga i nun yɛ be fali amun’n.
2 Amun nian Abraamun m’ɔ ti amun si’n,yɛ amun nian Sara+ m’ɔ wuli amun’n.Kɛ ń flɛ́ i’n, nn i kunngba yɛ ɔ o lɛ-ɔ,+n yrɛli i su, n yoli maan i osu’n trɛli.+
3 Zoova wá fɔ́nvɔ Siɔn.+Ɔ́ wá fɔ́nvɔ i lika nga be bubuli’n be kwlaa,+ɔ́ wá yó maan i aawlɛ flɛnnɛn’n ɔ́ yó kɛEdɛnin’n sa,+kpɛkun i lika kpɛtɛkplɛɛ’n ɔ́ yó kɛ Zoova i fie klanman’n sa.+Bo srolɛ nin aklunjɔɛ dilɛ’n trán lɔ,bé lá Ɲanmiɛn ase yɛ bé tó jue fɛfɛ mun.+
4 Ee, min sran mun, amun sie amun su min nuan bo,min nvle, sie ɔ su minnuan bo.+Afin ń má kpɛ́ mmla kun,+kpɛkun min sa nuan su sɛsɛ yolɛ’n, ɔ́ wá yó kɛ kannin sa nvlenvle’m be ɲrun.+
5 Min sa nuan su sɛsɛ yolɛ’n w’a mantan koko.+Min sran delɛ’n ɔ́ wáfíte su,+kpɛkun min sa’m bé dí nvlenvle’m be jɔlɛ.+Lika nga nzue bo sin yia be’n, bé wá fá be wla gúa min su,+yɛ bé mínndɛ min sa’n.*
6 Maan amun man amun ɲin su be nian ɲanmiɛn su lɔ,yɛ amun kan amun ti ase be nian asiɛ’n.Afin ɲanmiɛn su lɔ’n wá títí kɛ sin wunsre sa,kpɛkun asiɛ’n ɔ́ wá sáci kɛ tralɛ wie sa,i su sran’m bé wá wú kɛ wɛntɛnwɛntɛn mun sa.Sanngɛ delɛ nga ń má dé amun’n ɔ su yoman le kun liɛ, ń dé amun mlɔnmlɔnmlɔn,+yɛ min sa nuan su sɛsɛ yolɛ’n, ɔ su wieman le.+
7 Amun mɔ amun si sa nuan su sɛsɛ yolɛ’n, amun sie amun su,nvle mɔ min mmla’n* wo i awlɛn’n nun’n,+ sie ɔ su.Nán maan klɔklɔlɛ nga klɔ sran’m be klɔklɔ amun’n ti’n, srɛ kun amun,yɛ nán maan nzowa nga be kpɛ amun’n ti’n, amun wun usu amun.
8 Afin siwlisawla’m* bé wá dí be kɛ tralɛ wie sa,siwlisawla’m* bé wá dí be kɛ bua ndrɛ wie sa.”+Sanngɛ min sa nuan su sɛsɛ yolɛ’n, ɔ́ ká lɛ tititi,yɛ delɛ mɔ n de sran’n, ɔ́ yó blɛ kwlaa nunfuɛ’mbe liɛ.+
9 Ee, Zoova i sa, tinnge! Tinnge!Fa wunmiɛn’n wla ɔ wun kɛ tralɛ sa!+Tinnge kɛ nga a fa yoli i laa’n sa, kɛ nga a fa yoli i laa blɛ’n nun’n sa.?Nán wɔ yɛ a bubuli Raabu*+ nun’n niɔn??Nán wɔ yɛ a fitifitili jenvie’n nun nnɛn sroesroe’n niɔn?+
10 ?Nán wɔ yɛ a yoli maan jenvie mɔ i nun nzue’n sɔnnin mɔ i bo ti kploun’n, ɔ wieli nun’n niɔn?+?Nán wɔ yɛ a yoli maan jenvie’n i bunman’n ɔ kacili akpɔ mɔ be nga be kpɔli be ti’n, be sinnin su’n niɔn?+
11 Be nga Zoova kpɔli be ti’n bé wá sá be sin.+Bé wá kpán aklunjɔɛ kpanlɛ bé kɔ́ Siɔn,+aklunjɔɛ m’ɔ leman awieliɛ’n, ɔ́ yó kɛ famiɛn kle sa be ti su.+Bé bó sró yɛ aklunjɔɛ’n kún be kpo,kpɛkun awlabɔɛ’n nin fɛfɛlɛ’n bé wíe.+
12 “Min yɛ n fɔnvɔ amun-ɔn.+?Ngue ti yɛ srɛ kó kún amun klɔ sran m’ɔ́ wá wú’n i wun-ɔn?+?Ngue ti yɛ srɛ kó kún amun klɔ sran m’ɔ ti kɛ ijre sa m’ɔ́ wá glɔ́’n i wun-ɔn?
13 ?Ngue ti yɛ ɔ wla fi Zoova m’ɔ ti ɔ Yifuɛ’n,+m’ɔ tinngɛli ɲanmiɛn m’ɔ la nglo lɔ plaii’n nun,+ m’ɔ wlali asiɛ’n i bo ase’n i su-ɔ?Cɛn kwlakwla’n, srɛ kun wɔ sran ng’ɔ kle ɔ ɲrɛnnɛn’n i wun, ya dan m’ɔ fa’n ti,kɛ wienun-ɔn ɔ kwla nunnun wɔ sa.?Siɛn’n, sran ng’ɔ kle wɔ ɲrɛnnɛn’n i ya dan’n ɔ o nin?
14 Sran nga w’a klu jrɔkɔ’n i bo’n, ɔ́ wá ɲɛ́n i ti icra’n,+ɔ su wuman, yɛ ɔ su jraman kunman’n nun lɔ,i sa su mianman aliɛ wun.
15 N ti ɔ Ɲanmiɛn Zoova,min yɛ n man jenvie’n su kpɛkun n kejekeje i nun nzue’n niɔn.+Min dunman’n yɛle Zoova m’ɔ ti sonja’m be su kpɛn’n.+
16 Ń má fá min ndɛ’n ń wlá ɔ nuan,yɛ ń fá min sa’n i fɔnvɔ’n ń káta ɔ su,+naan ń tínngɛ ɲanmiɛn m’ɔ la nglo lɔ plaii’n nun, yɛ ń wlá asiɛ’n i bo ase,+kpɛkun ń sé Siɔn kɛ: ‘A ti min nvle.’+
17 Ee Zerizalɛmun, tinnge! Tinnge! Jaso!+Wɔ mɔ a nɔnnin ya klowa ng’ɔ o Zoova i sa nun’n i nun’n, jaso!A nɔnnin klowa’n nun,a nɔnnin like ng’ɔ o klowa’n nun mɔ yo maan be bo tanngan’n i kwlaa.+
18 I mma ng’ɔ wuli be’n be nun wie fi nunman lɛ naan w’a kle i atin,yɛ i mma ng’ɔ tali be’n be nun wie fi w’a trɛmɛn i sa.
19 Sa nɲɔn nga mun be tɔli ɔ su.?Wan yɛ ɔ́ wá sí ɔ aunnvɔɛ-ɔ?Nunnunlɛ nin sacilɛ, ya nin tokofi’n!+?Wan yɛ ɔ́ fɔ́nvɔ wɔ-ɔ?+
20 Ɔ mma’m be ɲrun w’a blu.+Be lala anngɔnda’m be kwlaa be su,be ti kɛ blo bua mɔ w’a tɔ lala nun’n sa.Zoova fɛli i ya dan’n utuli be su, ɔ Ɲanmiɛn’n tulibe fɔ.”
21 Ee, bla m’ɔ o ɲrɛnnɛn nun mɔ w’a bo’n, mɔ sanngɛ nán duvɛn yɛ ɔ nɔnnin’n,yaci, sie ɔ su tie ndɛ nga.
22 Ndɛ nga ɔ Min Zoova, ɔ Ɲanmiɛn m’ɔ kpli i nvlefuɛ’m be ti’n ɔkan’n yɛ:“Nian! Ń má dé ɔ sa nun klowa ng’ɔ yo maan be bo tanngan’n,+ń má dé klowa’n, ń má dé min ya klowa’n,a su nɔnman nun kun le.+
23 Ń má fá wlɛ́ i be mɔ be kle ɔ ɲrɛnnɛn’n be sa nun,+be mɔ be se wɔ kɛ: ‘La naan e nanti ɔ su’n!’I sɔ’n ti’n, a yoli maan ɔ wiasin’n kacili kɛasiɛ’n sa,ɔ kacili kɛ akpɔ sa yɛ be nanti su-ɔ.”
Ja ngua lɔ ndɛ mun
^ Annzɛ “min tinmin’n.”
^ Annzɛ “min like klelɛ’n.”
^ Kakaa kun-ɔn. Ɔ ti kɛ abɛbɛ sa, yɛ ɔ saci ninnge mun.
^ Be kwla se ekun kɛ “kakaa mun.”
^ Nian Ndɛ’m be bo tulɛ lika’n nun lɔ.
