Ezai 54:1-17
54 “Mmo bla, wɔ mɔ ɔ klun ti kpan’n, mɔ a nin-a wuman ba le’n, kpan aklunjɔɛ kpanlɛ!+Wɔ mɔ ba wulɛ aklunya nin-a tɔman ɔ su le’n,+ maan ɔ klun jɔ, yɛ kpan aklunjɔɛ kpanlɛ,+afin bla nga be yacili i’n, i mma’m be sɔnnintra bla ng’ɔ le bian’n i mma liɛ mun.”+ Ndɛ nga Zoova kan’n yɛ ɔ o lɛ-ɔ.
2 “Yo ɔ tannin sua’n i lika’ni dan.Trɛtrɛ ɔ tannin sua dan’n i tannin mun be nun.+Nian nun yo i dan, cuɛncuɛn ɔ tannin sua’n i ɲanman’m be nun,yɛ yo naan ɔ tannin sua’n i kpɛngbɛ’m be jran cinnjinnjin.+
3 Afin á wá sú ɔ awɛ mun kɔ́ fama su nin bɛ su.Ɔ osu’n nunfuɛ’m bé fá nvlenvle mun yó be liɛ,yɛ bé trán klɔ mɔ be tɔli srolo’n be nun.+
4 Nán srɛ kun wɔ,+ afin a su wunman ɲannzuɛn.+A su wunman ɲannzuɛn, afin be su guaman ɔɲin ase.Ɔ wla wá fí ɲannzuɛn mɔ a wunnin i ɔ talua nun’n su,i nun mɔ á dí angbeti’n, ɲannzuɛn nga a wunnin i’n, ɔ wla su kpɛnmansu kun.”
5 “Afin ɔ Yifuɛ Dan’n+ ti kɛ ɔ wun* sa,+i dunman’n yɛle Zoova m’ɔ ti sonja’m be su kpɛn’n,Izraɛli Ɲanmiɛn m’ɔ ti Sanwun’n yɛ ɔ ti ɔ Ti Kpɔfuɛ’n niɔn.+Bé wá flɛ́ i asiɛ wunmuan’n i Ɲanmiɛn.+
6 Kɛ Zoova flɛ́ wɔ́’n, nn a ti kɛ bla kun mɔ b’a yaci i ngunmin mɔ i wla w’a bo i wun dan’n sa,+a ti kɛ bla kun mɔ be jɛli i i talua nun mɔ i sin’n, be kacili be sin be sili i’n sa.” Ndɛ nga ɔ Ɲanmiɛn’n kan’n yɛ ɔ o lɛ-ɔ.
7 “Afin n yili ɔ blo blɛkpe kan,sanngɛ ń má sí wɔ aunnvɔɛ dan, yɛ ń fá wɔ ń sá min sin.+
8 Ya dan mɔ n fali’n ti’n, n fali min ɲrun’n n fiali ɔ wun blɛ wie nun,+sanngɛ min sran klolɛ dan m’ɔ wieman le’n ti’n, ń má sí ɔ aunnvɔɛ.”+ Ndɛ nga Zoova m’ɔ ti ɔ Ti Kpɔfuɛ’n,+ ɔ kan’n yɛ ɔ o lɛ-ɔ.
9 “Sa nga be ju’n be ti kɛ Nowe blɛ su liɛ’n sa min ɲrun.+Kɛ nga n fa tali nda Nowe blɛ su kɛ nzue’n ɔ su kataman asiɛ’n su kun’n sa’n,+i wafa kunngba’n, ń tá nda kɛ n su faman ɔ wun ya kun, yɛ n su tuman ɔ fɔ kun.+
10 Afin oka’m be kwla jaso be osu’n nun,yɛ kpɔlɛ’m be kwla keje,sanngɛ min sran klolɛ dan’n su tuman ɔ su le,+asa kusu’n, min fɔundi aenguɛ’n su saciman.”+ Ndɛ nga Zoova m’ɔ si wɔ aunnvɔɛ’n ɔ kan’n yɛ ɔ o lɛ-ɔ.+
11 “Ee, bla m’ɔ o ɲrɛnnɛn nun,+ wɔ mɔ aunmuan dan’n fa wɔ kɔ’n, mɔ sran fi fɔnvɔman wɔ’n,+n su siesie ɔ yɔbuɛ mun, yɛ ń fá laso ń wláwlá be afiɛn naan be jran cinnjinnjin,yɛ n su fa safii ń wlá ɔbo ase.+
12 Ń má fá ribi ń fá yó ɔ talɛ’n i ti su lɔ’n,ń fá yɔbuɛ mɔ be bo mianmian’n* ń fá yó ɔ anuan mun,yɛ ń fá yɔbuɛ kpakpa mun ń yó ɔ awɛ’m be kwlaa.
13 Zoova wá klé ɔ mma’m be kwlaa be like,+yɛ fɔundi nga ɔ mma’m bé wá dí’n, ɔ́ yó dan.+
14 Á jrán cinnjin sa nuan su sɛsɛ yolɛ’n nun.+A nin yalɛ klelɛ’n amun afiɛn wá tí nun kpa fuun,+a su sroman like fi, yɛ like fi su kunman ɔ srɛ,afin ɔ su mantanman wɔ koko.+
15 Sɛ sran kun waan ɔ nin wɔ bé kún’n,Nán min yɛ ń mɛ́n i wun atin-ɔn.Sran kwlaa ng’ɔ fa alɛ wla ɔ sin’n ɔ́ tɔ́, ɔ dunmannun ti.”+
16 “Nian! Min yɛ n yili ajuin difuɛm’ɔ fita sɛnmlɛn’n su’n niɔn,kpɛkun ɔ yi alɛ kunlɛ ninnge mun.Asa ekun’n, min yɛ n yili sran m’ɔ saci like’n niɔn, naan ɔ saci like.+
17 Alɛ kunlɛ ninnge kwlaa nga be yi i kɛ bé fá yó ɔ like yaya’n, ɔ su yoman ɔlike fi,+sran kwlaa ng’ɔ fa wɔ kɔ jɔlɛ difuɛ’m be ja su’n, bé bú ndɛ’n bé yí i su.Zoova i sufuɛ’m be aja like’n yɛ ɔ o lɛ-ɔ,yɛ be sa nuan su sɛsɛ yolɛ’n fin min.” Ndɛ nga Zoova kan’n yɛ ɔ o lɛ-ɔ.+
