Ezai 58:1-14
58 “Man ɔ nɛn’n su kpan kekle kpa! Yo sɔ kpa!Kpan kekle kɛ awɛ wie yɛ be su fita nun sa.Kan min nvle’n nunfuɛ’m be ɲin kekle’n i ndɛ kle be,+kan Zakɔbu i awlo’n nunfuɛ’m be sa tɛ mun be ndɛ kle be.
2 Be kunndɛ min cɛn kwlakwla,be waan kɛ be si min atin mun’n, ɔ yo be fɛ,be yo kɛ be ti nvle kun m’ɔ yo sa kpam’ɔ kacimɛn i sin simɛn i Ɲanmiɛn’n i mmla*mun’n sa.+Be se min kɛ maan n di jɔlɛ mun nanwlɛ su,ɔ waan be kunndɛ kɛ béfá be wun mántan Ɲanmiɛn sa:+
3 ‘?Ngue ti yɛ kɛ e ci nglɛmun’n, a wunmɛn i-ɔ?+?Ngue ti yɛ kɛ e yo e wun aunnvɔɛfuɛ’n, a faman ɔ ɲin sieman su-ɔ?’+Afin cɛn nga amun ci nglɛmun’n, amun bɔbɔ amun klunklo ninnge mun yɛ amun yo be-ɔ,amun kle amun junman difuɛ’m be yalɛ.+
4 Kɛ amun ci nglɛmun’n, i bo m’ɔ́ gúa’n yɛle ndɛnngan nin utre,amun fin amun wiengu acɔliɛ klunwi su.Amun kwlá ciman nglɛmun kɛ nga amun fa yo i andɛ yɛ’n sa naan b’a ti amun nɛn’n ɲanmiɛn su lɔ.
5 ?Nglɛmun cilɛ nga min klun jɔ su’n yɛle ngalɛ’n??Be wun aunnvɔɛ yolɛ’n,nin be ti mɔ be klu i kɛ ndɛma sa’n,ɔ nin bajɛ su lalɛ’n, nin nzuɛn nun lalɛ’n yɛ be flɛ i nglɛmun cilɛ’n niɔn??Nga amún yó i lɛ’n yɛ be flɛ i nglɛmun cilɛ mɔ Zoova i klun jɔ su’n niɔn?
6 Cɛcɛ, nglɛmun cilɛ nga min klun jɔ su’n yɛ:Ɔ fata kɛ be yi jrɔkɔ mɔ be fa ci sran mun klunwi su’n,be ɲannji kɔmin su waka’m be ɲanman mun,+be yaci ɲrɛnnɛnfuɛ’n i nun naan ɔ wɔ,+be bubu kɔmin su waka’m be kwlaa be nun.
7 Asa ekun’n, sran nga awe kun i’n, mɛn i ɔ kpanwun’n wie,+sran ng’ɔ ti yalɛfuɛ nin sran ng’ɔ leman lawlɛ’n, sike be ɔ sua’n nun,sran nga a wun i mɔ i wun ti kplɛn’n, mɛn i tralɛ,+yɛ nán kaci ɔ sin si ɔ niaan.
8 I liɛ’n, ɔ kannin’n ɔ́ kpája kɛ lika m’ɔ su cɛn’n sa,+á yó juejue ndɛndɛ kɛ like mma m’ɔ su fifi’n sa.Ɔ sa nuan su sɛsɛ yolɛ’n ɔ́ bó ɔ ɲrun atin,yɛ Zoova i aɲrunɲan’n sín ɔ sin lɔ ɔ́ sásá wɔ.+
9 Yɛ á wá flɛ́, kpɛkun Zoova tɛ́ ɔ su.Á wá kpán kúnndɛ ukalɛ, yɛ ɔ́ sé kɛ: ‘Min yɛ n wo yɛ!’Sɛ a yi nvlefuɛ’m be kɔmin su waka m’ɔ tin be su’n,yɛ sɛ a yaci ɔ sa mma’n i tinndinlɛ nin ndɛ tɛtɛ kanlɛ’n,+
10 sɛ a fa like nga ɔ bɔbɔ a klo i’n fa man sran nga awe kun i’n,+sɛ a man ɲrɛnnɛnfuɛ’n i like naan i ku yi’n,ɔ kannin’n kpája lika m’ɔ ti tuun’n nun,yɛ ɔ lika m’ɔ lu’n, ɔ́ kpája kɛ wia klengle’n nun’n sa.+
11 Zoova klé wɔ atin titi,yɛ asiɛ kee su bɔbɔ’n, ɔ́ yó maan ɔ ku yí.+Ɔ́ yó maan ɔ owie’m bé ɲán wunmiɛn,yɛ á wá yó kɛ fie klanman kun mɔ nzue tumansu’n sa,+á wá yó kɛ nzue ti mɔ i nun nzue’n wieman le’n sa.
12 Ɔ dunman nun ti’n, bé wá kplán lika mɔ be bubuli w’a cɛ’n be uflɛ,+ninnge nga be wlali be bo ase laa’n, á wá wlá be bo ase uflɛ ekun.+Bé wá flɛ́ wɔ kɛ talɛ nga b’a bubu’n* be ye siesiefuɛ,+bé wá flɛ́ wɔ kɛ atin nga be kwla tran be nuan’n be ye siesiefuɛ.
13 Sɛ Wunmiɛn-lolɛ-cɛn’n m’ɔ ti cɛn kun m’ɔ ti min liɛ klonglo’n i nun’n, w’a yoman ɔ bɔbɔ ɔ klunklo ninnge liɛ mun’n,+sɛ a bu Wunmiɛn-lolɛ-cɛn’n kɛ ɔ ti cɛn m’ɔ man aklunjɔɛ’n, naan ɔ ti cɛn kun m’ɔ ti Zoova liɛ klonglo’n, naan ɔ ti cɛn m’ɔ fata kɛ be bu i like cinnjin’n,+yɛ sɛ a bu i like cinnjin naan w’a yoman ɔ bɔbɔ ɔ klunklo ninnge liɛ mun, naan w’a kanman ndɛ ngbɛnngbɛn mun’n,
14 á wá dí aklunjɔɛ dan Zoova dunman nun,ń yó maan á wá fú asiɛ’n su lika nglonglo’m be su.+Yɛ ń yó maan á ɲán ɔ nannan Zakɔbu i aja like’n i su ye wie.*+Afin Zoova bɔbɔ yɛ ɔ kannin sɔ-ɔ.”
Ja ngua lɔ ndɛ mun
^ Annzɛ “sa nuan su sɛsɛ yolɛ.”
^ Ebr., “talɛ nun toklo’n.”
^ Annzɛ “á wá dí ɔ nannan Zakɔbu i aja wie.”
