Ezai 62:1-12
-
Siɔn i dunman uflɛ’n (1-12)
62 Siɔn ti’n, n su muanman min nuan,+yɛ Zerizalɛmun ti’n, n su tranman diin,lele saan i sa nuan su sɛsɛ yolɛ’n w’a kpaja kɛ kannin kun m’ɔ kpaja kpa’n sa,+yɛ i delɛ’n w’a jue kɛ tɛ sa.+
2 “Ee, mmo bla, nvlenvle mun bé wún ɔ sa nuan su sɛsɛ yolɛ’n,+famiɛn’m be kwlaa bé wún ɔ aɲrunɲan’n,+bé wá fá dunman uflɛ béflɛ́ wɔ,+Zoova bɔbɔ yɛ ɔ́ klé dunman sɔ’n niɔn.
3 Á wá yó kɛ famiɛn kle klanman kun sa Zoova sa nun,á wá yó kɛ tannin tanmue nga famiɛn’m be fa cici be ti’n sa ɔ Ɲanmiɛn’n isa nun.
4 Be su flɛman wɔ kun kɛ bla mɔ be yacili i’n,+yɛ be su flɛman ɔ nvle’n kun kɛ nvle m’ɔ tɔli srolo’n.+Sanngɛ bé wá flɛ́ wɔ kɛ Bla m’ɔ yo maan min Klun Jɔ’n,+yɛ bé wá flɛ́ ɔ nvle’n kɛ Bla m’ɔ Jali Bian’n,afin ɔ dunman nun’n, Zoova i klun wá jɔ́,yɛ ɔ nvle’n ɔ́ wá yó kɛ bla m’ɔ jali bian’n sa.
5 Kɛ nga gbanflɛn kun fa ja talua m’ɔ nin-a simanbian sa’n,i wafa kunngba’n, ɔ mma mun yɛ bé wá já wɔ-ɔ.Kɛ nga bla nga be jɛli i’n ti’n, yasua ng’ɔ jali bla’n i klun jɔ’n sa’n,i wafa kunngba’n, ɔ dunman nun ti’n ɔ Ɲanmiɛn’n i klun wá jɔ́.+
6 Ee Zerizalɛmun, m’an sie klɔ sasafuɛ wie mun ɔ talɛ’m be su.Blɛ kwlaa nun’n, wia nun-o, kɔnguɛ-o, ɔ fataman kɛ be muan be nuan.Amun mɔ amun kan Zoova i ndɛ’n,nán amun lo wunmiɛn.
7 Nán amun yaci i diin, amun yo sɔ lele maan ɔ yo naan Zerizalɛmun taka kpa,lele maan ɔ yo naan be manman Zerizalɛmun asiɛ’n su.”+
8 Zoova fɛli i sa fama’n, i sa mɔ wunmiɛn o nun’n tali nda kun, i waan:“N su faman amun ninnge’m be su mma mun n manman amun kpɔfuɛ’m be kun kɛ be di,yɛ aofuɛ’m be su nɔnman amun duvɛn uflɛuflɛ mɔ amun fɛli i wun’n.+
9 Sanngɛ be nga be kpɛli ninnge mun’n, be yɛ bé dí-ɔ, yɛ bé mánmán Zoova.Yɛ be nga be yili duvɛn’n, bé nɔ́n i min awlo klun mɔ be ti min liɛ klonglo’nbe nun.”+
10 Amun sin, amun sin anuan’m be nun.Amun yi atin kun man nvlefuɛ mun.+Amun siesie akpɔ’n i ye, amun siesie i ye.Amun yiyi yɔbuɛ nga be o su’n.+Yɛ amun kplan nzɔliɛ like kun man nvlefuɛ mun.+
11 An nian! Ndɛ nga Zoova boli i jɔ lele fa juli asiɛ’n i tiwatiwa’m be su’n yɛ:“An se Siɔn i wa bla’n kɛ:‘Nian! Ɔ delɛ’n su ba.+Nian! Mo yolɛ like nga Ɲanmiɛn man’n ɔ o isa nun,yɛ akatua ng’ɔ man’n ɔ o i ɲrun.’”+
12 Bé wá flɛ́ be kɛ nvle m’ɔ ti Ɲanmiɛn liɛ klonglo’n, be mɔ Zoova kpɔli be ti’n,+yɛ bé wá flɛ́ wɔ kɛ Klɔ mɔ be Kunndɛ i’n, bé flɛ́ wɔ kɛ Klɔ mɔ b’a Yacimɛn i’n.+
