Jue Mun 136:1-26

  • Zoova i sran klolɛ dan’n wieman le

    • Ɔ fali ngwlɛlɛ yili ɲanmiɛn’n nin asiɛ’n (5, 6)

    • Faraɔn wuli Jenvie Ɔkwlɛ’n nun (15)

    • Ɲanmiɛn i wla fiman be nga be wla w’a bo be wun’n (23)

    • Ɔ man ninnge nga be o nguan nun’n be aliɛ (25)

136  Amun la Zoova i ase, afin ɔ ti kpa,+i sran klolɛ dan’nwieman le.+  2  An la ɲanmiɛn’m be Ɲanmiɛn’n+ i ase,afin i sran klolɛ dan’n wieman le.  3  An la miɛn’m be Miɛn’n i ase,afin i sran klolɛ dan’n wieman le.  4  I kunngba cɛ yɛ ɔ yo abonuan sa dandan mun-ɔn,+afin i sran klolɛ dan’n wieman le.+  5  Ɔ fali ngwlɛlɛ yili ɲanmiɛn su lɔ’n,+afin i sran klolɛ dan’n wieman le.  6  Ɔ trɛli asiɛ’n nun nzue’n su,+afin i sran klolɛ dan’n wieman le.  7  Ɔ yili ninnge dandan mɔ be kpaja’n,+afin i sran klolɛ dan’n wieman le.  8  Ɔ yili wia’n naan ɔ kpaja wia’n nun,+afin i sran klolɛ dan’n wieman le.  9  Ɔ yili anglo’n nin nzraama mun naan be kpaja kɔnguɛ,+afin i sran klolɛ dan’n wieman le. 10  Ɔ kunnin Ezipti lɔ ba klikli mun,+afin i sran klolɛ dan’n wieman le. 11  Ɔ yili Izraɛlifuɛ mun be afiɛn fiteli,+afin i sran klolɛ dan’n wieman le, 12  Ɔ fɛli i sa mɔ wunmiɛn o nun’n,+ i sa m’ɔ tinngɛli nun’n yɛ ɔ fa yoli sɔ-ɔ,afin i sran klolɛ dan’n wieman le. 13  Ɔ kpacili Jenvie Ɔkwlɛ’n nun nɲɔn,+afin i sran klolɛ dan’n wieman le. 14  Ɔ yoli maan Izraɛlifuɛ’m be sinnin i afiɛn,+afin i sran klolɛ dan’n wieman le. 15  Ɔ toli Faraɔn nin i sonja mun yili i Jenvie Ɔkwlɛ’n nun,+afin i sran klolɛ dan’n wieman le. 16  Ɔ kleli i sran mun be atin aawlɛ flɛnnɛn’n nun lɔ,+afin i sran klolɛ dan’n wieman le. 17  Ɔ kunnin famiɛn dandan mun,+afin i sran klolɛ dan’n wieman le. 18  Ɔ kunnin famiɛn mɔ be le kwlalɛ’n,afin i sran klolɛ dan’n wieman le, 19  Ɔ kunnin Siɔn+ m’ɔ ti Amɔɔfuɛ’m be famiɛn’n,afin i sran klolɛ dan’n wieman le. 20  Ɔ kunnin Ɔgu+ m’ɔ ti Basan famiɛn’n,afin i sran klolɛ dan’n wieman le. 21  Ɔ fali be lika’n mannin naan ɔ yo aja like,+afin i sran klolɛ dan’n wieman le. 22  Ɔ fa mannin Izraɛli m’ɔ ti i sufuɛ’n naan ɔ yo i aja like,afin i sran klolɛ dan’n wieman le. 23  Blɛ mɔ e wla boli e wun’n, i wla kpɛnnin e su,+afin i sran klolɛ dan’n wieman le.+ 24  Ɔ deli e titi e kpɔfuɛ’mbe sa nun,+afin i sran klolɛ dan’n wieman le. 25  Ɔ man ninnge kwlaa nga be o nguan nun’n be aliɛ,+afin i sran klolɛ dan’n wieman le. 26  An la Ɲanmiɛn m’ɔ o nglo lɔ’n i ase,afin i sran klolɛ dan’n wieman le.

Ja ngua lɔ ndɛ mun

ƝANMIƐN NDƐ’N—MƐN UFLƐ BIBLU’N
Jue Mun 136
Wawle
Kanngan Biblu’n nun ɛntɛnɛti su
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt b. 40