Jue Mun 20:1-9
-
Ɲanmiɛn deli i famiɛn m’ɔ kpɛli i’n
-
Be lafi kakaklolo nin nnɛn kpanngɔ’m be su, ‘sanngɛ e liɛ’n, Zoova i dunman yɛ e bo-ɔ’ (7)
-
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
20 Ɲrɛnnɛn blɛ nun’n, maan Zoova tɛ ɔ srɛlɛ’n su.
Maan Zakɔbu i Ɲanmiɛn’n i dunman’n sasa wɔ.+
2 Kɛ ɔ o lika m’ɔ ti i liɛ klonglo’n nun lɔ’n, maan ɔ uka wɔ,+yɛ kɛ ɔ o Siɔn lɔ’n, maan ɔ suan ɔ bo.+
3 Maan i wla kpɛn like kwlaa nga a fa mɛn i’n su.
Maan ɔ sɔ tɛ nga kɛ bé yí’n be yra nnɛn’n i kɔlikɔli’n mɔ a yi mɛn i’n i nun klanman. (Sela)
4 Maan ɔ fa ɔ awlɛn su like man wɔ,+yɛ maan like kwlaa nga a sunnzun’n* ɔ yo ye.
5 Sa nga a yo be fa de e’n ti’n, é kpán aklunjɔɛ kpanlɛ.+
É mán e flanga’m be su e Ɲanmiɛn’n i dunman nun.+
Maan Zoova yo like kwlaa nga a srɛ i’n man wɔ.
6 Siɛn’n, n si kɛ Zoova de i sran m’ɔ kpɛli i’n.+
Ɔ o ɲanmiɛn m’ɔ ti i liɛ klonglo’n su lɔ ɔ tɛ i srɛlɛ’n su,ɔ fɛ i sa fama’n fa yo sa dandan wie mun fa de i.+
7 Wie’m be lafi kakaklolo’m be su, wie’m be kusu be lafi nnɛn kpanngɔ’mbe su,+sanngɛ e liɛ’n, e bo e Ɲanmiɛn Zoova i dunman.+
8 Be glɔli, yɛ be tɔli,sanngɛ e liɛ’n, e jasoli, yɛ e ɲannin wunmiɛn ekun.+
9 Ee Zoova, de famiɛn’n!+
Cɛn nga e kpan flɛ i kɛ ɔ uka e’n, ɔ́ tɛ́ e su.+
Ja ngua lɔ ndɛ mun
^ Annzɛ “ɔ afɔtuɛ’n.”
