Jue Mun 27:1-14
Davidi i jue-ɔ.
27 Zoova ti min kannin+ nin min defuɛ.
?Wan yɛ n te sro i ekun-ɔn?+
Zoova ti kɛ fiawlɛ kun m’ɔ sasa min nguan’n sa.+
?Wan wun yɛ srɛ kún min ekun-ɔn?
2 Kɛ sa tɛ yofuɛ’m be tɔli min su kɛ bé dí min nnɛn’n,+min ɲrun tanndanfuɛ mun, nin min kpɔfuɛ mun yɛ be ja kplali yɛ be tɔli-ɔ.
3 Sɛ sonja’m be bo sin yia min bɔbɔ’n,srɛ su kunman min.+
Kannzɛ bɔbɔ be fa alɛ be wla min sin’n,min wun su usuman min.
4 N srɛli Zoova i like kun,like sɔ’n yɛ ń kúnndɛ-ɔ.
Yɛle kɛ blɛ mɔ min ɲin o su’n, ń trán Zoova i sua’n nun titi,+naan ń nían Zoova m’ɔ yo ɲɛnmɛn’n,naan ń níɛn i sua’naklunjɔɛ su.+
5 Afin ɲrɛnnɛn blɛ’n nun’n, ɔ́ fá min fía i lika’n nun.+
Ɔ́ fá min fía i tannin sua m’ɔ ti fiawa kpa’n nun.+
Ɔ́ fá min síe yɔbuɛ kun su nglo.+
6 Siɛn’n, min ti’n wo min kpɔfuɛ mɔ be bo sin yia min’n be ti su nglo,ń yí tɛ i tannin sua’n nun lɔ, yɛ ń kpán aklunjɔɛ kpanlɛ.
Ń tó jue* ń mánmán Zoova.
7 Ee Zoova, kɛ n kpan flɛ wɔ’n, tie.+
Si min aunnvɔɛ yɛ tɛmin su.+
8 Min awlɛn’n nun lɔ’n, min wla kpɛnnin su kɛ a seli kɛ:
“Amun kunndɛ min ɲrun’n.”
Ee Zoova, ɔ ɲrun’n yɛ ń kúnndɛ-ɔ.+
9 Nán fa ɔ ɲrun’n fia min wun.+
Nán fa ya fuan ɔ sufuɛ’n.
Wɔ yɛ a ti min ukafuɛ’n niɔn.+
Min Ɲanmiɛn, wɔ mɔ a ti min defuɛ’n, nán yi min ase, nán yaci min.
10 Kannzɛ bɔbɔ min si nin min nin be yi min blo’n,+Zoova bɔbɔ fá min síe.+
11 Ee Zoova, kle min wɔ atin’n,+min kpɔfuɛ’m be ti’n, fa min sin sa kpa’n iatin’n su.
12 Nán fa min wla min kpɔfuɛ’m be sa nun,+afin lalofuɛ atofuɛ wie’m b’a jaso min wun,+yɛ be kan ndɛ ya su be fa wlanwlan min.
13 ?Sɛ n lafiman su kɛ Zoova yí i klun ufue’n i nglo min lika’n,nn min liɛ yó sɛ mɛn’n nun?*+
14 Fa ɔ wla’n gua Zoova su,+yo yakpafuɛ yɛ tra ɔ awlɛn.+
Ɛɛn, fa ɔ wla’n gua Zoova su.
Ja ngua lɔ ndɛ mun
^ Annzɛ “Ń bó miziki.”
^ Be kwla se ekun kɛ “N si kpa kɛ saan ń wún Zoova i klun ufue’n mɛn’n nun.”
