Jue Mun 34:1-22
Davidi i jue-ɔ, blɛ sɔ’n nun’n, ɔ yoli i wun kɛ ɔ kpɛnman su sa+ Abimelɛki i ɲrun. Ɔ maan Abimelɛki fuɛnnin i,yɛ i kusu ɔli-ɔ.
א [Alɛfu]
34 Ń mánmán Zoova blɛ kwlaa nun.
Ń fá min nuan’n ń mɛ́nmɛ́n i tititi.
ב [Bɛti]
2 Ń fá Zoova ń dí min nuan.+
Wun ase kanfuɛ’n tíe yɛ i klun jɔ́.
ג [Gimɛli]
3 Maan amun uka min naan e manman Zoova.+
Maan e mɛnmɛn i dunman’n likawlɛ.
ד [Dalɛti]
4 N srɛli Zoova, yɛ ɔ tɛli min su.+
Ɔ deli min ninnge kwlaa nga be kun min srɛ’n be nun.+
ה [E]
5 Be nga be kpɛli be ɲin i wun lɔ’n, be klun jɔli dan kpa,be ɲin kwlá guaman ase.
ז [Zayin]
6 Sran ng’ɔ leman wie’n kpan flɛ Zoova, yɛ ɔ tie.
Ɔ de i i ɲrɛnnɛn’n kwlaa nun.+
ח [Ɛti]
7 Zoova i anzi’n sasabe nga be sro i’n,+yɛ ɔ de be.+
ט [Teti]
8 Amun sa Zoova be nian naan amun wun kɛ ɔ ti kpa.+
Be nga be fiɛ i sin’n be liɛ su ti ye.
י [Yɔdu]
9 Amun sro Zoova, amun mɔ amun ti i sran mun’n.
Afin be nga be sro i’n, be mianman like fi wun.+
כ [Kafu]
10 Asɔmɔli gbanflɛn* mɔ be le wunmiɛn kpa bɔbɔ’n, awe kunnin be,sanngɛ be nga be kunndɛ Zoova’n, be su mianman like kpa fi wun.+
ל [Lamɛdi]
11 Min mma mun, amun bla, amun tie ndɛ nga n kan’n.
Ń má klé amun Zoova i srolɛ.+
מ [Memun]
12 ?Amun nun onin yɛ ɔ klo nguan’n niɔn?
?Wan yɛ ɔ klo kɛ ɔ́ cɛ́ nguan nun naan ɔ́ dí aklunjɔɛ-ɔ?+
נ [Nunnun]
13 Sɛ ɔ ti sɔ’n, nian ɔ wun su naan w’a kanman ndɛ tɛ,+yɛ nán laka sran.+
ס [Samɛki]
14 Yaci sa tɛ’n i yolɛ, yɛ yosa kpa.+
Mian ɔ ɲin naan a nin ɔ wiengu mun amun di anuansɛ titi.+
ע [Ayin]
15 Zoova fɛ i ɲin sie i sran kpa’m be su.+
Yɛ kɛ be kpan flɛ i kɛ ɔ uka be’n, ɔ sie i su tie.+
פ [Pe]
16 Sanngɛ Zoova nin be nga be yo sa tɛ’n be le i,naan ɔ́ núnnún be dunman’n asiɛ’n su.+
צ [Sade]
17 Sran kpa’m be kpan, yɛ Zoova tie.+
Ɔ de be be ɲrɛnnɛn’nkwlaa nun.+
ק [Kɔfu]
18 Zoova mantan be nga be awlɛn w’a kpɔtɔ be klun’n,+ɔ de be nga be akunndan’n w’a sanngan’n.*+
ר [Rɛsi]
19 Sa kekle sunman be tɔ sran kpa’n i su,+sanngɛ Zoova de i sa kwlaa sɔ’m be nun.+
ש [Sinin]
20 Ɔ sɛsɛ i owie’m be kwlaa,ba kun sa w’a buman.+
ת [Tavu]
21 Sa kekle nga bé tɔ́ klunwifuɛ’n su’n bé kún i,be nga be kpɔ sran kpa mun’n, bé bú be fɔ.
22 Zoova kpɔ i sufuɛ’m be ti,be nga be fiɛ i sin’n, be su buman be nun wie fi i fɔ.+
Ja ngua lɔ ndɛ mun
^ Annzɛ “asɔmɔli gbanflɛn mɔ be kɔmin nun ndrɛ’n ti vɔɔ’n.”
^ Annzɛ “be nga be sa sin w’a bubu be’n.”
