Jue Mun 39:1-13
Ɔ ti jue tofuɛ’m be su kpɛn’n i liɛ. Zeditɛn*+ su. Davidi i jue’mbe nun kun-ɔn.
39 N seli kɛ: “Ń nían min wun su,naan m’an faman min taaman’n m’an yomansa tɛ.+
Kɛ klunwifuɛ’n wo lɛ’n,ń fá like ń káta min nuan’n su.”+
2 M’an ijɔman yɛ n trannin diin.+
M’an ukeman min nuan m’an kanman sa ng’ɔ ti kpa bɔbɔ’n i ndɛ,sanngɛ min afɛ’n yoli dan.
3 Min awlɛn’n beli* min klun.
Kɛ ń bú akunndan’n,* nn sin’n júe.
Kpɛkun min taaman’n seli kɛ:
4 “Ee Zoova, uka min naan n si min agualiɛ,ɔ nin min cɛn’m be nuan,+naan n wun kɛ min nguan ɲanman’n ti tika.*
5 Nanwlɛ, a yoli maan min cɛn’m b’a sɔnman,+yɛ min nguan ɲanman’n timan like fi ɔ ɲrun.+
Nanwlɛ, maan klɔ sran kun tran fɔun nun sɛ, ɔ timan like fi, sanngɛ ɔ ti aunmuan ngbɛn.+ (Sela)
6 Nanwlɛ, klɔ sran’n wlanwlan kɛ fɔnvɔ sa.
Ɔ wanndiwanndi ngbɛn.
Ɔ tiantian aɲanbeun ninnge’m be nuan, sanngɛ ɔ siman sran ng’ɔ́ wá dí su’n.+
7 ?Ee Zoova, siɛn’n, ngue su yɛ n kwla fa min wla’n n gua-ɔ?
Ɔ kunngba cɛ ɔ su yɛ n fa min wla’n n gua-ɔ.
8 De min min fɔnlɛ’m be kwlaa be nun.+
Nán yaci sinnglinfuɛ’n i lɛ naan ɔ yo min finfin.
9 M’an ijɔman,m’an kwlá ukeman min nuan,+afin sa sɔ’n fin ɔ bɔbɔ.+
10 Yi ɲrɛnnɛn nga a fa yili min su’n.
M’an fɛ, afin ɔ sa’n su ti min.
11 Sran ng’ɔ fɔn’n, a tu i fɔ fa tinngɛ i,+a saci ninnge nga i awlɛn wo su’n, kɛ siwlisawla’n* fa yo’n sa.
Nanwlɛ, klɔ sran’n ti aunmuan ngbɛn.+ (Sela)
12 Ee Zoova, tie min srɛlɛ’n,sie ɔ su tie kpanlɛ mɔ n kpan flɛ wɔ kɛ a uka min’n.+
Nán ɔ ɲin kpa min ɲinmuɛn nzue’n su.
Afin ɔ ɲrun’n aofuɛ ngbɛn yɛle min,+n ti ajalɛ tufuɛ, n su sin kɔ, kɛ min nannan’m beliɛ’n sa.+
13 Yaci min kannglɛ kpɛlɛ naan n ɲan wunmiɛn ekun,ka naan m’an wu naan b’a wunman min osu kun.”
Ja ngua lɔ ndɛ mun
^ Nian Ndɛ’m be bo tulɛ lika’n nun lɔ.
^ Ebr., “loli fiaan.”
^ Annzɛ “Kɛ ń fɛ́fɛ́’n.”
^ Annzɛ “naan n wun kɛ n cɛman.”
^ Kakaa kun-ɔn. Ɔ ti kɛ abɛbɛ sa, yɛ ɔ saci ninnge mun.
