Jue Mun 52:1-9
Ɔ ti jue tofuɛ’m be su kpɛn’n i liɛ. Maskili* su. Kɛ Doɛgi m’ɔ ti Edɔmunfuɛ’n, ɔ ko seli Saili kɛ Davidi ɔli Aimelɛki+ i sua’n nun lɔ’n, yɛ Davidi kpɛli jue sɔ’n niɔn.
52 ?Safuɲrɛn, ngue ti yɛ a fa sa tɛ nga a yo be’n fa di ɔ nuan-ɔn?+
Ɲanmiɛn i sran klolɛ dan’n ɔ́ ká lɛ tititi.+
2 Ɔ taaman’n, ɔ la kɛrazuaa sa,+ɔ sunnzun sa tɛ’n, yɛ i junman ng’ɔ di’n yɛle ato bualɛ’n.+
3 A klo sa tɛ’n tra sa kpa’n,a klo ato bualɛ’n tra ndɛ kpa kanlɛ’n. (Sela)
4 Wɔ mɔ ɔ taaman’n bua ato’n,a klo ndɛ kwlaa ng’ɔ kpɛ saɛ ba’n!
5 I sɔ’n ti’n, Ɲanmiɛn wá núnnún wɔ mlɔnmlɔn.+
Ɔ́ trá wɔ yɛ ɔ́ cúɛn wɔ ɔ tannin sua’n nun fíte.+
Ɔ́ tú ɔ bo be nga be o nguan nun’n be nun.+ (Sela)
6 Sran kpa’m bé wún sa sɔ’n, yɛ ɔ́ bó be nuan,+kpɛkun bé srí sa tɛ yofuɛ’n, bé sé kɛ:+
7 “Sran ng’ɔ faman Ɲanmiɛn yomɛn i fiawlɛ’n,+mɔ sanngɛ ɔ lafi i aɲanbeun ninnge kpanngban’m be su’n,+m’ɔ fɛ i wla gua i bɔbɔ i sa tɛ m’ɔ sunnzun kɛ ɔ́ yó’n be su’n,* yɛ ɔ o yɛ.”
8 Sanngɛ min liɛ’n, ń yó kɛ olivie waka wie m’ɔ le nɲa kpanngban’n sa Ɲanmiɛn i sua’n nun lɔ.
Ń fá min wla ń gúa Ɲanmiɛn i sran klolɛ dan’n+ su tititi.
9 Ń mánmán wɔ tititi, afin a fali ajalɛ.+
Ɔ sufuɛ kpa’m be ɲrun’n,ń fá min wla ń gúa ɔ dunman’n su,+ afin i sɔ yolɛ’n ti kpa.
