Jue Mun 79:1-13
Azafu i jue-ɔ.+
79 Ee Ɲanmiɛn, nvlenvle’m b’a fa ɔ aja like’n,+b’a yo sua m’ɔ ti ɔ liɛ klonglo’n i finfin.+
B’a yo maan Zerizalɛmun klɔ’n w’a kaci yɔbuɛ kwle.+
2 Be fali ɔ sufuɛ’m be fuɛn mun be mannin anunman nga be tu sin nglo lɔ’n, naan ɔ yo be aliɛ.
Be fali ɔ sufuɛ kpa mun be nnɛn’n mannin asiɛ’n su blo nnɛn mun.+
3 Be guali be mmoja’n i ase kɛ nzue sa, Zerizalɛmun klɔ’n i wun,yɛ sran fi nunman lɛ kun naan w’a sie be.+
4 Y’a kaci finfinfuɛ e mantanfuɛ’m be ɲrun,+be nga be o e wun lɛ’n be sri e, yɛ be yo e finfin.
5 ?Ee Zoova, á fá ya lele jú cɛn benin? ?Á fá ya sa tititi?+
?Ɔ ya’n júe kɛ sin sa lele cɛn benin?+
6 Fa ɔ ya’n guɛ i nvle nga be siman wɔ’n,ɔ nin famiɛn diwlɛ nga be boman ɔ dunman’nbe su.+
7 Afin be nunkunnin Zakɔbu,yɛ be nunnunnin i nvle’n mlɔnmlɔnmlɔn.+
8 Nán fa e nannan’m be fɔnlɛ mun gua e su,+si e aunnvɔɛ ndɛndɛ,+afin y’a tɔ dan.
9 Ee Ɲanmiɛn, wɔ mɔ a ti e defuɛ’n, uka e,+ɔ dunman m’ɔ ti dan’n ti.
De e, yɛ yaci e sa tɛ mun cɛ e,* ɔ dunman’n ti.+
10 I liɛ’n, nvlenvle’m be su seman kɛ: “?Be Ɲanmiɛn’n wo nin?”+
E ɲin bo lɛ’n, maan nvlenvle’m be si kɛ
a tuli ɔ sufuɛ nga be kunnin be’n be klunngbɔ.+
11 Tie bisuafuɛ’n i kplinlɛ’n,+fa ɔ tinmin dan’n* fa sasa* be nga be buli be fɔ kɛ be kun be’n.+
12 Yi sa nga e mantanfuɛ’m be yoli’n i wunsu kpɛ nso man be.+
Afin Zoova, be kpɛli ɔ nzowa.+
13 I liɛ’n, e mɔ e ti ɔ sran mun’n, mɔ e ti ɔ nnɛn didiwlɛ nun nnɛn’n,+é lá wɔ ase tititi.
Yɛ é mánmán wɔ blɛ kwlaa nun.+
