Mise 3:1-12
3 N seli kɛ: “Amun mɔ amun ti Zakɔbu i su kpɛn’n,yɛ amun mɔ amun ti Izraɛli nvle’n i siefuɛ’n,+ amun yaci, amun sie amun su be tie.
?Nán amun yɛ ɔ fata kɛ amun si sa nuan su sɛsɛ yolɛ’n niɔn?
2 Sanngɛ amun kpɔ sa kpa’n,+ yɛ amun klo sa tɛ’n,+amun yi min sran’m be kplo’n yɛ amun yi nnɛn m’ɔ o be owie’m be wun’n.+
3 Asa ekun’n, amun di min sran’m be nnɛn’n,+yɛ amun yi be kplo’n,amun bubu be owie’m be nun, amun fufu be nun+
kɛ like mɔ be tɔnnin i sɛ kun* nun’n sa, kɛ nnɛn m’ɔ o like tɔnlɛ sɛ kun nun’n sa.
4 Blɛ sɔ’n nun’n, bé kpán flɛ́ Zoova kɛ ɔ uka be,sanngɛ ɔ su tɛman be su.
Blɛ sɔ’n nun’n, ɔ́ fɛ́ i ɲrun’n fía be wun,+be klunwi ayeliɛ’n ti.+
5 Ɲanmiɛn nuan ijɔfuɛ’m be yo maan min sran’m be fa atin uflɛ su,+be fa be je’n be ka,*+ kpɛkun be kpan se kɛ: ‘Fɔundi!’+
Sanngɛ sɛ sran faman like wlaman be nuan nun’n, be fa alɛ wlɛ i sin. Ɔ maan Ɲanmiɛn nuan ijɔfuɛ sɔ’m be su ndɛ nga Zoova kan’n yɛ:
6 ‘Amun liɛ’n, lika’n sán,+ amun su wunman like aolia nun,+saan lulɛ cɛ yɛ lika’n lú amun su-ɔ, amun su yiman wunnzue.
Wia’n tɔ́ Ɲanmiɛn nuan ijɔfuɛ’m be su,yɛ wia nun’n, lika’n lú tuun be su.+
7 Be nga be wun ninnge mun aolia nun’n bé wún ɲannzuɛn,+yɛ wunnzue yifuɛ’m be sa sin búbú be.
Be kwlakwla bé káta be nuan wun ndrɛ’n su,*
afin Ɲanmiɛn su tɛmanbe su.’”
8 Sanngɛ n liɛ’n, Zoova i wawɛ’n mannin min tinmin,nin sa nuan su sɛsɛ yolɛ, nin wunmiɛn,naan n kan Zakɔbu i ɲin kekle yolɛ’n nin Izraɛli i sa tɛ’n be ndɛ n kle be.
9 Amun mɔ amun ti Zakɔbu i awlo’n su kpɛn’n,yɛ amun mɔ amun ti Izraɛli nvle’n i siefuɛ’n,+Mɔ amun kpɔ sa nuan su sɛsɛ yolɛ’n, mɔ amun bli like kwlaa ng’ɔ ti seiin’n,+ amun yaci, an tie ndɛ nga,
10 amun mɔ amun fa sran kunlɛ’n fa kplan Siɔn’n, mɔ amun fa sa tɛ yolɛ’n fa kplan Zerizalɛmun’n.+
11 Be wlɛ i ɲrun dinfuɛ’m be sa bo like yɛ be di jɔlɛ-ɔ,+be mɛn i Ɲanmiɛn ɲrun jranfuɛ’m be like yɛ be kle like-ɔ,+be mɛn i Ɲanmiɛn nuan ijɔfuɛ’m be sika yɛ be yi wunnzue-ɔ.+
Sanngɛ be fa be wla gua Zoova su,* be se kɛ:
“?Zoova nunman e sin ti-ɔ?+
Sa tɛ fi su ɲanman e.”+
12 Ɔ maan ɔ dunman nun ti’n,bé tútú Siɔn i kacɛ kɛ fie wie su sa,Zerizalɛmun káci yɔbuɛ kwle,+yɛ oka nga Sua’n wo su’n,* ɔ́ káci kɛ kpɔlɛ kun m’ɔ o bo wie nun’n sa.*+
Ja ngua lɔ ndɛ mun
^ Annzɛ “like tɔnlɛ sɛ mɔ i nuan’n ti dan’n.”
^ Be kwla se ekun kɛ “kɛ be ɲan like be kpisa’n.”
^ Annzɛ “bé káta be nuan’n su.”
^ Annzɛ “be waan be fa be wla gua Zoova su.”
^ Annzɛ “Ɲanmiɛn sua’n i oka’n.”
^ Annzɛ “kɛ bo’n nun lɔ lika nglonglo mun sa.”
