Mise 6:1-16
6 Amun yaci, amun tie ndɛ nga Zoova kan’n.
Jaso naan kpli ɔ ti oka’m be ɲrun,yɛ maan kpɔlɛ’m be ti ɔ nɛn’n.+
2 Oka mun, amun tie jɔlɛ nga Zoova di’n,asiɛ’n i bo ase mɔ be wlali’n, wɔ mɔ a ti takawa kpa’n, tie,+afin ndɛ o Zoova nin i nvle’n nunfuɛ’m be afiɛn,ɔ nin Izraɛli yɛ be le ndɛ’n niɔn:+
3 “?Min nvle, ngue yɛ n yoli wɔ-ɔ?
?Ngue nun yɛ n kleli ɔ yalɛ-ɔ?+
Sa nga n yoli’n, kan.
4 N fali wɔ Ezipti mɛn’n nun n fiteli,+n kpɔli ɔ ti kanga sua’nnun lɔ,+n fali Moizi, nin Aarɔn, ɔ nin Miriamun dunnin ɔ ɲrun mmua.+
5 Min nvle, yaci, maan ɔ wla kpɛn like nga Famiɛn Balaki m’ɔ ti Moabu famiɛn’n waan ɔ́ yó’n su,+ɔ nin ndɛ nga Beɔɔ i wa Balaamun kannin fa tɛli i su’n su,+(Maan ɔ wla kpɛn sa ng’ɔ juli Sitimun+ nin Gilgali+ be afiɛn’n nun’n su.)
i liɛ’n, á sí sa kpakpa nga Zoova yo be’n.”
6 ?Ngue yɛ ń fá bá Zoova i ɲrun-ɔn?
?Ngue yɛ ń fá kóto Ɲanmiɛn m’ɔ o nglo lɔ’n i bo-ɔ?
?Nnɛn nga be fa yi tɛ nga kɛ bé yí’n be yra nnɛn’n i kɔlikɔli’n yɛ ń fá bɛ́ i ɲrun-ɔn?
?Nannin ba mɔ b’a ɲan afuɛ kun’n yɛ ń fá bɛ́ i ɲrun-ɔn?+
7 ?Bua ɲin akpi kpanngban’n i ti yɛ Zoova i klun jɔ́-ɔ?
?Ngo kpanngban’n i ti yɛ i klun jɔ́-ɔ?+
?Ɲin kekle m’ɔ yoli’n ti’n, ń fá min wa yasua klikli’n ń mán?
?Yɛ min sa tɛ’n ti’n, ń fá min klun ba’n ń mán?+
8 Ee, klɔ sran, Zoova kannin sa ng’ɔ ti kpa’n i ndɛ kleli wɔ.
?Ngue yɛ ɔ kunndɛ kɛ a yo-ɔ?
Like kunngba ng’ɔ kunndɛ’n yɛle kɛ a yo sa i nuan su sɛsɛ,+ a klo seiin nantilɛ’n,+yɛ a kan ɔ wun ase+ naan a nin ɔ Ɲanmiɛn’n be nanti!+
9 Zoova i nɛn’n tɛ klɔ’n nun,be nga be ti ngwlɛlɛfuɛ’n bé wá sró ɔ dunman’n.
Amun fa amun ɲin sie i kpɔnman’n, ɔ nin sran ng’ɔ sieli i’n be su.+
10 ?Ninnge nga klunwifuɛ’n ɲannin be klunwi yolɛ nun’n, be te o i sua’nnun lɔ?
?Yɛ efa* m’ɔ diman nanwlɛ’n m’ɔ ti like tɛ’n ɔ te o i sua’n nun?
11 ?Sɛ toe nga be diman nanwlɛ’n be o min sa nun’n, n kwla se kɛ min nzuɛn’n ti kpa?*
?Sɛ jayɔbuɛ nga be o min pata’n nun’n be diman nanwlɛ’n, n kwla se kɛ min nzuɛn’n ti kpa?+
12 Afin i aɲanbeunfuɛ’m be ti nzaje sa yofuɛ dan,i nunfuɛ’m be bua ato,+be taaman m’ɔ o be nuan nun’n ɔ laka sran.+
13 “Ɔ maan ń má fín ɔ like, i osu’n tú kannin,+ń má yó maan á tɔ́ srolo ɔ sa tɛ’m be ti.
14 Á wá dí like sanngɛ ɔ ku su yiman,like fi su tranman ɔ klun lɔ.+
Like nga a fa’n, a su kwlá fa kɔman,yɛ like nga a fa kɔ’n, ń fá mán ɔ kpɔfuɛ mun.
15 Á wá lúa like, sanngɛ a su kwlá timan,á yí olivie mma ngo, sanngɛ a su kwlá faman ngo sɔ’n yoman like,á yí duvɛn lɔflɛ, sanngɛ a su kwlá nɔnman duvɛn.+
16 Afin amun fa Ɔmri i nzuɛn’n, yɛ amun nian Akabu+ i awlo’n nunfuɛ’m be ayeliɛ’n su,kpɛkun amun fa be afɔtuɛ’m be su.
I sɔ’n ti’n, ń má yó maan kɛ sran’m bé wún amun’n, srɛ kún be,yɛ ń má yó maan kɛ sran’m bé wún i nunfuɛ mun’n, bé bó feliman.+
Yɛ nvlenvle’m bé yó amun finfin.”+
