Mise 7:1-20
7 Ee, min yako! M’an yo kɛ sran m’ɔ
su kunndɛ viɲin mma di,annzɛ ɔ su kunndɛ figie mma nga i ɲin wo i sin’n, mɔ sanngɛ ɔ ɲanman wie’n sa,afin munngun nun waka mma’m be tilɛ blɛ’nw’a sin,yɛ b’a ti ng’ɔ kali’n.
2 Sran kpa’m b’a wie asiɛ’n su.
Ndɛnmanfuɛ nunman sran’m be nun kun.+
Be kwlaa be bu sa naan bé kún sran.+
Be tinuntinun be fa tɛ* be sua be bɔbɔ be niaan’n i wun aya.
3 Be sa’m be si sa tɛ’n iyo kpa.+
Wlengbi’n mian sran’m be kɛ be cɛ i like.
Jɔlɛ difuɛ’n se kɛ be tuɛ i kalɛ.+
Sran ng’ɔ le ɲrun’n, ɔ kan like nga i ɲin blo su’ni ndɛ,+yɛ be bo yo kun be yo i sɔ sa’n.
4 Be nun kpafuɛ’n ti kɛ owieowie sa.
Be nun seiin kpafuɛ’n ti kɛ owieowie mɔ b’a fa sisi like wun’n sa.
Ɔ klɔ sasafuɛ’m be cɛn’n ɔ́ jú, blɛ nga á wá kán sa nga a yoli’n i ndɛ’n ɔ́ jú.+
Blɛ sɔ’n nun’n, be su wunman like nga bé yó-ɔ.+
5 Nán lafi ɔ janvuɛ’n i su,annzɛ nán fa ɔ wla gua ɔ janvuɛ kpa wie su.+
Nian ndɛ nga a kan kle sran ng’ɔ la ɔ wun koko lɛ’n i su kpa.
6 Afin ba yasua’n kpɔ i si,ba bla’n jaso i nin wun,+yɛ talua’n jaso i sewi’n i wun.+
Sran kun i awlo’n nunfuɛ mun yɛ be ti i kpɔfuɛ-ɔ.+
7 Sanngɛ min liɛ’n, Zoova ɲrun yɛ min ɲin tá titi-ɔ.+
Ń trán ń mínndɛ Ɲanmiɛn m’ɔ de min’n.+
Min Ɲanmiɛn’n ɔ́ tíe min aniɛn’n.+
8 Ee, min kpɔfuɛ, nán ɔ klun jɔ min dunman nun.
Kannzɛ bɔbɔ n tɔli’n, saan ń jáso.
Kannzɛ bɔbɔ n tran aosin tuun nun’n, Zoova ɔ́ yó min kannin.
9 Sɛ Zoova fa ya’n ń trá min awlɛn
(Afin n yoli sa tɛ i ɲrun.)+
lele saan w’a kpli min ti yɛ w’a man min ndɛ fɛ.
Ɔ́ fá min fíte lika m’ɔ kpaja’n nun.
Ń má wún i sa nuan su sɛsɛ yolɛ’n.
10 Min kpɔfuɛ’n kusu ɔ́ wún i,yɛ ɲannzuɛn kún i, afin ɔ seli min kɛ:
“?Ɔ Ɲanmiɛn Zoova’n wo nin?”+
Ń fá min ɲinma ń níɛn i.
Blɛ sɔ’n nun’n, bé tíɛtíɛ i su kɛ akpɔ su nnɔtiɛ sa.
11 Ɔ́ wá yó yɔbuɛ talɛ’m be kplanlɛ cɛn.
Cɛn sɔ’n nun’n, bé tú awɛ’n bé kɔ́ siɛn.*
12 Cɛn sɔ’n nun’n, bé kɔ́ lele bé tó wɔ lɔ,bé fín Asiri, ɔ nin Ezipti klɔ’m be su,bé fɛ́ i Ezipti lɛ lele jú Nzue Ba’n* su lɔ.
Bé fín lika gbawun kun nun, bé fín jenvie’n nin okaoka’m be afiɛn’n lɔ bé bá.+
13 Yɛ mɛn’n tɔ́ srolo, i nun sran’m be dunman nun ti,like nga be yoli’n ti.
14 Fa ɔ kpɔnman’n kankan ɔ nvlefuɛ mun, fa kankan nnɛn mɔ be ti ɔ aja like’n,+mɔ be yacili be ngunmin bo’n nun lɔ’n, mɔ be yacili be waka mma fie kun i afiɛn lɔ’n.
Maan be didi Basan nin Galaadi+ lɔ kɛ laa’n sa.
15 “Ń má yó sa dandan mun ń mán wɔ,kɛ blɛ mɔ á fín Ezipti mɛn’n nun á fíte’n sa.+
16 Nvlenvle’m bé wún i, yɛ kannzɛ bɔbɔ be le wunmiɛn’n ɲannzuɛnkún be.+
Bé fá be sa bé káta be nuan’n su.
Be su’m be su timan sa kun.
17 Bé wá táfi ndutre’n kɛ wuo mun sa.+
Be ti kɛ asiɛ’n su nnɛn nga be cuɛn be wun ase’n sa’n, kɛ bé fín be fiawlɛ’m be nun bé fíte’n, bé úsu.
Kɛ bé kɔ́ e Ɲanmiɛn Zoova i ɲrun’n, srɛ kún be,srɛ kún be ɔ wun.”+
18 ?Wan yɛ ɔ ti Ɲanmiɛn kɛ wɔ sa
m’ɔ yaci i nvlefuɛ’m be onga’n*+ i sa tɛ’n cɛ, m’ɔ blu i fɔnlɛ’n su’n niɔn?+
Ɔ su faman ya sa tititi,afin ɔ klo sran dan.+
19 Ɔ́ wá sí e aunnvɔɛ+ ekun, ɔ́ wá kwlá e sa tɛ mun.
Á wá tó be sa tɛ’m be kwlaa yí i jenvie’n i bo mmua kpa lɔ.+
20 Á wá klé Zakɔbu kɛ a ti nanwlɛfuɛ,yɛ á klé Abraamun kɛ a klo i dan,kɛ nga a fa tali e nannan’m be nda laa’n sa.+
Ja ngua lɔ ndɛ mun
^ Annzɛ “lala.”
^ Be kwla se ekun kɛ “mmla’n ɔ́ kɔ́ mmua.”
^ Yɛle kɛ, Efrati.
^ Ebr., “i aja like’n i onga’n.”
