Oze 2:1-23
2 “Maan amun se amun niaan bian’m be kɛ: ‘Min sran mun!’*+
Yɛ amun se amun aniaan bla’m be kɛ: ‘Ee, bla mɔ be sili be aunnvɔɛ’n!’*+
2 Maan amun se kɛ amun nin yoli sa tɛ, amun se kɛ ɔ yoli sa tɛ,afin ɔ timan min yi,+ yɛ n kusu n timɛn i wun.
Ɔ fata kɛ ɔ yaci tekle bolɛ,*yɛ ɔ fata kɛ ɔ yaci i wun bo bian kunndɛlɛ.*
3 Sɛ w’a yoman sɔ’n, ń yíyí i wun mlɔnmlɔn, yɛ i wun ká kplɛn kɛ i awuliɛ cɛn’n nun’n sa,ń yó maan ɔ́ káci kɛ aawlɛ flɛnnɛn sa,ɔ́ káci kɛ asiɛ kee sa,yɛ ń yó maan nzuewe kún i lele ɔ́ wú.
4 Yɛ n su simɛn i mma’m be aunnvɔɛ,afin be ti tekle bolɛ* nun ba mun.
5 Afin be nin’n boli tekle.*+
Bla m’ɔ wunnzɛli be’n, ɔ yoli ɲannzuɛn sa,+ afin ɔ seli kɛ:‘Ń má kɔ́ be nga b’a wu min ti kpo’n be sin,+be mɔ be man min kpanwun nin nzue’n,ɔ nin bua ndrɛ nin lɛn, nin ngo, ɔ nin nzan’n.’
6 I sɔ’n ti’n, ń má fá owieowie mun ń tánnin i atin’n,yɛ ń kplán yɔbuɛ talɛ kun i wun,naan w’a kwlá wunmɛn i atin’n.
7 Ɔ́ wánndi fúan be nga b’a wu i ti kpo’n, sanngɛ ɔ su toman be,+ɔ́ kúnndɛ be, sanngɛ ɔ su wunman be.
Kpɛkun ɔ́ sé kɛ: ‘Ń má sá min sin min wun klikli’n i wun lɔ,+afin blɛ sɔ’n nun’n, n wun min wun fɛ kpa tra dɔ nga su’n.’+
8 W’a wunmɛn i wlɛ kɛ min yɛ n mɛnnin i ble,+ nin duvɛn lɔflɛ, ɔ nin ngo’n niɔn,yɛ w’a wunmɛn i wlɛ kɛ min yɛ n mɛnnin i sika kpanngbannin sika ɔkwlɛ mɔ be fa suli Baali’n niɔn.+
9 ‘I sɔ’n ti’n, ń má sá min sin ń kó fá min ble’n ble kpɛlɛ blɛ’n nun,yɛ ń fá min duvɛn lɔflɛ’n viɲin tilɛ blɛ’n nun,+yɛ ń dé min bua ndrɛ’n nin min lɛn m’ɔ fata kɛ ɔ kɛtɛ i wun kplɛn’n su’n.
10 Siɛn’n, ń má yí i nvialiɛ nun lika’m be nglo be nga be klo i kpa’n be ɲrun,yɛ sran fi su demɛn i minsa nun.+
11 Ń má yó maan i aklunjɔɛ’n i kwlaa wíe,i cɛn dilɛ mun,+ i anglo le kun mun, i wunmiɛn-lolɛ-cɛn mun, ɔ nin i cɛn dilɛ blɛ’m be kwlaa bé wíe.
12 Ń má sáci i viɲin mun nin i figie waka m’ɔ kannin be ndɛ seli kɛ:
“Be ti min akatua, be nga b’a wu min ti kpo mun yɛ be fa mannin min-ɔn.”Ń má yó maan bé kácibo ble,yɛ blo nnɛn’m bé sáci be.
13 Ń má úsɛ i blɛ m’ɔ yili tɛ mannin Baali i nzɔliɛ ninnge mun’n+ i su sa,blɛ sɔ’n nun’n, ɔ wlɛwlɛli i nga mun, ɔ nin i wun klanman yolɛ ninnge mun, yɛ ɔ wanndi fuɛnnin i sran mɔ b’a wu i ti kpo’n,sanngɛ i wla fili min su.’+ Ndɛ nga Zoova kan’n yɛ ɔ o lɛ-ɔ.
14 ‘I sɔ’n ti’n, ń má yó naan ɔ fa min ndɛ’n su,ń má fɛ́ i ń kɔ́ aawlɛ flɛnnɛn’n nun lɔ,yɛ ń kán ndɛ’n naan ɔ wluwlu i wun.
15 Kɛ ɔ fɛ i blɛ sɔ’n nun’n, ń fɛ́ i viɲin fie mun ń mɛ́n i ekun,+yɛ ń fá Akɔɔ Kongo’n+ ń mɛ́n i, ɔ́ káci kɛ anuan kun m’ɔ fite like nga be wla o su’n i su’n sa.Ɔ́ tɛ́ min su lika sɔ’n nun lɛ kɛ i talua blɛ’n nun’n sa,kɛ blɛ m’ɔ fin Ezipti lɔ fiteli’n sa.+
16 Cɛn sɔ’n nun’n,á wá flɛ́ min kɛ min wun, a su flɛman min kɛ min min* kun.’ Ndɛ nga Zoova kan’n yɛ ɔ o lɛ-ɔ.
17 Ń má yó maan Baali i nzɔliɛ ninnge’m be dunman su trɛnmɛn i nuan nun kun,+yɛ be wla su kpɛnman be dunman’n su kun.+
18 Cɛn sɔ’n nun’n, e nin blo nnɛn mun,+ɔ nin nglo lɔ anunman mun nin nnɛn mɔ be cuɛn be wun ase’n é trá aenguɛ min nvlefuɛ’m be dunman nun.+Ń má yó maan ta’n nin tokofi’n, ɔ nin alɛ’n bé tú mɛn’n nun,+yɛ ń yó maan min nvlefuɛ’m bé lá* fɔuun.+
19 Ń má fá wɔ naan a kaci min yi tititi.Ń tá ɔ nda kɛ ń yó sa ng’ɔ ti kpa’n nin sa ng’ɔ ti i nuan su sɛsɛ’n ɔ lika,ń kló wɔ dan, yɛ ń sí wɔ aunnvɔɛ.+
20 Ń tá ɔ nda kɛ e nin wɔ é nánti klanman titi,kpɛkun saan á sí Zoova.’+
21 ‘Cɛn sɔ’n nun’n, ń tɛ́ su,ń tɛ́ ɲanmiɛn’n i su,yɛ ɲanmiɛn’n kusu ɔ́ tɛ́ asiɛ’n i su.’+ Ndɛ nga Zoova kan’n yɛ ɔ lɛ-ɔ.
22 Yɛ asiɛ’n tɛ́ ble’n nin duvɛn lɔflɛ’n, ɔ nin ngo’n be su,yɛ be kusu bé tɛ́Zizreɛli* su.+
23 Ń má lúa bla sɔ’n kɛ like mma sa asiɛ’n nun min bɔbɔ min liɛ,+yɛ bla mɔ b’a simɛn i aunnvɔɛ’n, ń má sí i aunnvɔɛ.*Ń má sé be nga be timan min nvle’n nunfuɛ’n* be kɛ: “Amun ti min nvle’n nunfuɛ,”+yɛ be kusu bé sé kɛ: “A ti e Ɲanmiɛn.”’”+
Ja ngua lɔ ndɛ mun
^ Annzɛ “bian kunndɛlɛ sukusuku.”
^ Ebr., “ɔ fata kɛ ɔ yi i wun bo bian kunndɛlɛ’n i wunflɛn’m be afiɛn.”
^ Annzɛ “bla nin bian kunndɛlɛ sukusuku, ɔ nin i wunsu ɲannzuɛn sa’m be yolɛ.”
^ Annzɛ “ɔ kunndɛli bian sukusuku (ɔ yoli i wunsu ɲannzuɛn sa mun).”
^ Annzɛ “min Baali.”
^ Annzɛ “bé trán.”
^ I bo’n yɛ: “Ɲanmiɛn wá lúa like.”
