Sofonin 3:1-20
3 Ɲin keklefuɛ klɔ, klɔ fiɛn, klɔ mɔ i sufuɛ’m be kle sran’m be ɲrɛnnɛn’n, i yako!+
2 Be kan wie kleli i w’a faman,+ be tuli i fɔ w’a sɔman nun.+
W’a fɛmɛn i wla w’a guaman Zoova su,+ w’a fɛmɛn i wun w’a mɛntɛnmɛn i Ɲanmiɛn’n.+
3 I wlengbi’m be ti kɛ asɔmɔli mɔ be kpan’n sa.+
I jɔlɛ difuɛ’m be ti kɛ blo alua mɔ be di koniɛn kɔnguɛ’n sa,be yaciman owie bɔbɔ kun sa lɛ naan aliɛ cɛn su.
4 I Ɲanmiɛn nuan ijɔfuɛ’m be ɲin yiman sran, be yi be wiengu be man.+
I Ɲanmiɛn ɲrun jranfuɛ’m be yo Ɲanmiɛn i ninnge’m be finfin,+be diman mmla’n su.+
5 Zoova m’ɔ o klɔ’n nun’n, ɔ ti seinfuɛ.+ Ɔ yoman sa tɛ.
Aliɛ ba kwlaa nun’n, ɔ kan jɔlɛ ng’ɔ di be’n be ndɛ,+ɔ to fuanman le. Ɔ ti kɛ, kɛ aliɛ ko cɛn mɔ lika’n kpaja’n sa.
Sanngɛ sa tɛ yofuɛ’n i liɛ’n, ɔ siman ɲannzuɛn.+
6 “N nunnunnin nvlenvle mun. Be talɛ’m be cɔnjɔ su lika nga be ti nglonglo’n, be bubuli.
N sacili klɔ’m be nun akpɔ mun, ɔ maan sran fi w’a sinman be su kun.
Be klɔ’m be kali nvuɛn, yasua fi nunman be su kun, sran fi nunman be su kun.+
7 N seli kɛ: ‘Nga liɛ’n, saan á sró min yɛ á sɔ́ fɔ nga ń tú wɔ’n* nun.’+
Ɔ maan i tranwlɛ’n su bubuman.+
Sa kwlaa sɔ’m be ti’n, ɔ fata kɛ n usɛ i sa.*
Sanngɛ blɛ li yɛ be wun wa bliblili be sa tɛ yolɛ’n nun-ɔn.+
8 Zoova waan: ‘Ɔ maan tran minndɛ min.+
Tran minndɛ min lele cɛn nga ń jáso ń fɛ́n be bo ninnge mun’n.*
Afin ajalɛ nga m’an fa’n yɛle kɛ ń yíayía nvlenvle mun, ń tíantían famiɛn diwlɛ’m be nuan,naan ń fá min ya’n ń gúa be su, min ya’n m’ɔ jue kɛ sin sa’n, ń fɛ́ i kwlaa ń gúabe su.+
Afin min ya dan m’ɔ jue kɛ sin sa’n, ɔ́ dí asiɛ wunmuan’n.+
9 Yɛ ń káci sran’m be aniɛn’n, bé kán aniɛn kun m’ɔ ti sanwun’n.
I liɛ’n, be kwlakwla bé bó Zoova i dunman,yɛ be bo yó kun bé sú i.’+
10 Be nga be fin Etiopi lɔ nzue lika’m be nun’n,be nga be srɛ min’n, min sran mɔ be bo sanndili’n be wa bla’n, ɔ́ blɛ́ min like.+
11 A yoli ɲin kekle min su,+sanngɛ cɛn sɔ’n nun’n, ɔ ɲin su guaman ase.
Afin ń núnnún sran nga be o ɔ afiɛn mɔ be di be nuan dan’n.
Ɔ maan a su diman ɔ nuan oka m’ɔ ti min liɛ klonglo’n su kun mlɔnmlɔn.+
12 Sanngɛ ń mán be nga be ti wun ase kanfuɛ mɔ be yoman be wun dandan’n be atin kɛ be tran ɔ afiɛn,+yɛ bé kúnndɛ fiawlɛ Zoova i sin.*
13 Izraɛlifuɛ nga bé ká lɛ’n,+ be su yoman sa tɛ,+be su buaman ato, be su timan gblɛ ndɛ be nuan nun,bé dí like,* yɛ bé lá fɔuun. Sran fi su wlaman be ɲin nglonglo.”+
14 Siɔn i wa bla, kpan aklunjɔɛ kpanlɛ!
Izraɛli, kpan kwlalɛ kpanlɛ!+
Zerizalɛmun i wa bla,+ di aklunjɔɛ, maan ɔ klun jɔ dan kpa!
15 Fɔ nga Zoova sunnzunnin kɛ ɔ́ tú wɔ’n, ɔ su tumɛn i kun.+
Ɔ yoli maan ɔ kpɔfuɛ’n sɛli i sin.+
Zoova m’ɔ ti Izraɛli Famiɛn’n wo ɔ afiɛn.+
Srɛ su kunman wɔ ɲrɛnnɛn sa’n i lika kun.+
16 Cɛn sɔ’n nun’n, bé sé Zerizalɛmun kɛ:
“Siɔn, nán srɛ kun wɔ.+
Nán ɔ sa kan ase.
17 Zoova m’ɔ ti wɔ Ɲanmiɛn’n wo ɔ afiɛn.+
Ɔ le kwlalɛ kpa, ɔ́ dé wɔ.
Ɔ dunman nun’n, ɔ́ dí aklunjɔɛ dan kpa.+
I wla wá gúa ase, klolɛ m’ɔ klo wɔ’n ti.*
Ɔ ti’n, i klun jɔ́, yɛ ɔ́ kpán aklunjɔɛ kpanlɛ.
18 Ń yíayía be kwlaa nga b’a kwlá tranman ɔ cɛn dilɛ’m be bo mɔ be wla w’a bo be wun’n.+
B’a mantanman wɔ lɔ, afin i dunman nun’n, ɲannzuɛn kunnin be.+
19 Nian! Blɛ sɔ’n nun’n, min nin be kwlaa nga be kle ɔ yalɛ’n é yía nun,+ń dé sran nga i ja kun timan kpa’n,+ń yíayía be nga be bo sanndili’n.+
Ń yó maan bé mánmán be, yɛ bé bó be dunman fɛ
nvle nga be guali be ɲin ase nun’n i bue kwlaa su.
20 Blɛ sɔ’n nun’n, ń fá amun ń bá,blɛ sɔ’n nun’n, ń yíayía amun.
Ń má yó naan asiɛ’n sufuɛ’m be kwlaa be bo amun dunman fɛ, yɛ be kwlaa bé mánmán amun,+afin ń fá amun sran nga be trali be ɔli’n ń sá be sin amun ɲin bo lɛ,” ndɛ nga Zoova kan’n yɛ ɔ o lɛ-ɔ.+
Ja ngua lɔ ndɛ mun
^ Annzɛ “n tu i fɔ.”
^ Annzɛ “ngwlɛlɛ nga ń klé wɔ’n.”
^ Be kwla se ekun kɛ “ń jáso kɛ lalofuɛ sa’n.”
^ Ebr., “bé kúnndɛ fiawlɛ Zoova i dunman’n nun.”
^ Annzɛ “bé dídí.”
^ Ebr., “Ɔ́ trán diin i klolɛ’n nun.”
