Zakari 10:1-12
10 “Amun srɛ Zoova naan nzue tɔ munngun nun.
Zoova yɛ ɔ yo maan nzue’n mlan m’ɔ tɔ dan’n niɔn,i yɛ ɔ yo maan nzue’n tɔ man be-ɔ,+i yɛ ɔ yo maan fie su ninnge’m be fifi mɔ sran kwlaa ɲan wie’n niɔn.
2 Afin amuin ba* nga be sɛli be’n, be kannin ato ndɛ,yɛ wunnzue yifuɛ’m be wunnin aolia nun like m’ɔ timan nanwlɛ’n,be kan laliɛ finfin’m be ndɛ,be waan bé fɔ́nvɔ sran mun, sanngɛ ɔ yoman ye.
I sɔ’n ti yɛ bé wá wlánwlán kɛ bua sa’n niɔn,bé wá fɛ́, afin be leman sunianfuɛ.
3 M’an fa bua sunianfuɛ’m be wun ya dan kpa,yɛ be nga be dun nvlefuɛ’m be ɲrun mmua mɔ be kle be yalɛ’n,* ń má úsa be like nga be yo’n i su sa.
Afin Zoova m’ɔ ti sonja’m be su kpɛn’n w’a kpɛ i ɲin i bua fa’n su,+ w’a kpɛ i ɲin Zida i awlo’n su,yɛ w’a yo maan b’a yo kɛ i nnɛn kpanngɔ m’ɔ le ɲrun alɛ kunlɛ nun’n sa.
4 Sran cinnjin kpafuɛ’n* fin i,siefuɛ m’ɔ suan sran bo’n* fin i,alɛ kunlɛ ta’n fin i,i wun lɔ yɛ junman sunianfuɛ’m* be kwlaa be fin-ɔn, be kwlaa be fite likawlɛ.
5 Yɛ bé káci kɛ safuɲrɛn sa,alɛ kunlɛ nun’n, bé tíatía akpɔ’n su nnɔtiɛ’n nun.
Bé wá kún alɛ, afin Zoova o be sin,+yɛ nnɛn kpanngɔ su fufuɛ mun be ɲin gúa ase.+
6 Ń má yó maan Zida i awlo’n ɔ́ ɲán kwlalɛ,yɛ ń dé Zozɛfu i awlo’n.+
Ń má fá be ń sá be sin be mɛn’n nun,afin ń má sí be aunnvɔɛ.+
Yɛ bé yó kɛ n nin-a yiman be blo le sa,+afin n ti be Ɲanmiɛn Zoova, yɛ ń má tɛ́ be su.
7 Efraimunfuɛ’m bé káci kɛ safuɲrɛn m’ɔ le wunmiɛn kpa’n sa,be klun jɔ́ kpa kɛ b’a nɔn duvɛn sa,+be mma’m bé wún i sɔ’n yɛ be klun jɔ́,be klun jɔ́ Zoova dunman nun.+
8 ‘Ń má bó feliman ń flɛ́ be, yɛ ń yía be likawlɛ,afin ń má kpɔ́ be ti,+ yɛ bé sɔ́n,bé sɔ́n titi.
9 Ń má sánndi be nvlenvle’m be nun kɛ like mma sa,sanngɛ bé wlá kpɛ́n min su lika mmua’m be nun,be nin be mma mun bé ɲán wunmiɛn ekun, yɛ bé sá be sin.
10 Ń má fá be Ezipti mɛn’n nun ń bá,ń yíayía be, yɛ ń fá be Asiri lɔ ń bá,+ń má fá be ń kɔ́ Galaadi+ nin Liban mɛn’n nun,yɛ lika’n su juman be.+
11 Kɛ ɔ́ sín jenvie’n nun’n i wla bó i wun,yɛ kɛ ɔ o jenvie’n nun’n ɔ́ kwlá jenvie m’ɔ bo’n.+
Nili Nzue’n i bo’n kwlaa wú kee.
Asiri i wun tulɛ’n ɔ́ kán ase,yɛ Ezipti i kpɔnman’n kɔ́.+
12 Ń má yó maan Zoova ti’n bé ɲán kwlalɛ,+yɛ bé nánti i dunman nun,’+ ndɛ nga Zoova kan’n yɛ ɔ o lɛ-ɔ.”
Ja ngua lɔ ndɛ mun
^ Annzɛ “awlo amuin mun.” Ebr., “terafimun mun.”
^ Ebr., “boli yasua mun.”
^ Ebr., “Sua fleiin m’ɔ o talɛ’n i cɔnjɔ’n su’n.” I sɔ’n kle kɛ sran’n ti cinnjin yɛ ɔ le ɲrun, kpɛnngbɛn kun-ɔn.
^ Ebr., “kpɛngbɛ’n,” i sɔ’n kle kɛ ɔ suan sran bo, siefuɛ kun-ɔn.
^ Annzɛ “junman su kpɛn mun.”
