Zeremin 15:1-21
15 Yɛ Zoova seli min kɛ: “Kannzɛ bɔbɔ Moizi nin Samiɛli be jran min ɲrun wa’n,+ n su siman nvle nga nunfuɛ’m be aunnvɔɛ. Fa be jaso min ɲin bo lɛ. Maan be wɔ.
2 Yɛ sɛ be usa ɔ kɛ: ‘?E wɔ nin?’ tɛ be su kɛ: ‘Zoova waan yoo:“Be ng’ɔ fata kɛ tukpacɛ tɛ kun be’n, ɔ́ kún be.Be ng’ɔ fata kɛ be fa tokofi kun be’n, bé fá tokofikún be.+Be ng’ɔ fata kɛ awe kun be’n, awe’n kún be.Yɛ be ng’ɔ fata kɛ be tra be wɔ’n, bé trá be kɔ́.”’+
3 “Zoova waan yoo: ‘Ń má fá ɲrɛnnɛn nnan* ń yí be su.+ Bé fá tokofi kún be, alua’m bé cúɛn be fuɛn mun, yɛ anunman nin blo nnɛn mun bé dí be, kpɛkun bé núnnún be.+
4 Kpɛkun like nga ń má fá yó be’n, ɔ́ yó asiɛ’n su famiɛn diwlɛ’m be kwlaa be ɲrɛnnɛn,+ sa nga Ezekiasi i wa Manase m’ɔ ti Zida famiɛn’n yoli i Zerizalɛmun lɔ’n ti.+
5 ?Ee Zerizalɛmun, wan yɛ ɔ́ sí ɔ aunnvɔɛ-ɔ??Wan yɛ ɔ́ kókó wɔ-ɔ??Wan yɛ ɔ́ jrán úsa ɔ osu-ɔ?’
6 Zoova waan yoo: ‘A jasoli min sin.+A kacili ɔ sin sili min titi.*+I sɔ’n ti’n, ń tínndin minsa’n ń fá tú ɔ fɔ, yɛ ń núnnún wɔ.+M’an si ɔ aunnvɔɛ* wie pɛ.
7 Ń kpája be nun kɛ be fa kpaja ble* nun klɔ’m be anuan’m be nun’n sa.Ń yó maan be mma’m bé fí be sa.+Ń núnnún min nvle’n nunfuɛ mun,afin be waan be yaciman be sa tɛtɛ’m be yolɛ.+
8 Ń yó maan be angbeti bla’m bé sɔ́n trá jenvie nuan aunɲan’n.Ń yó maan like sacifuɛ’n ɔ́ wá tɔ́ be su mindi su, ɔ́ tɔ́ niɛn mun nin bakanngan’m be su.Ń yó maan be wun ká lɛ úsu be sa tututu, yɛ be wawɛ’n tɔ́ blo.
9 Bla ng’ɔ wuli ba nso’n w’a fɛ kpa.Ɔ lo wunmiɛn-ɔn, ɔ jraman kun.I wia’n w’a tɔ, kusu nn lika’n te kpaja,ɔ maan i ɲin guali ase, yɛ ɔ wunnin ɲannzuɛn.’*‘Yɛ be osu kan nga be ka lɛ’n,ń fá be ń wlá be kpɔfuɛ’m be sa nun naan be fa tokofi kun be.’ Zoova yɛ ɔ kan sɔ-ɔ.”+
10 Ee, n wo afɛ nun-o! ?Min mmo, ngue ti yɛ a wuli min-ɔn?+Kɛ n wo min liɛ sa’n, nvlefuɛ’m be kwlaa be nin min kan ndɛnngan kpɛkun be nin min di utre.M’an boman sran fi bosia, yɛ m’an usaman sran fi bosia.Ɔ nin i sɔ’n ngba’n be kwlaa be bo min sannzan.
11 Zoova waan yoo: “Ń yó ɔ ye sakpasakpa.Ɲrɛnnɛn blɛ nun’n, saan ń kpáta ɔ kpɔfuɛ’n,awlabɔɛ blɛ nun’n, ń kpɛ́tɛ i kɛ ɔ yaci ɔ lɛ.
12 ?Blalɛ ng’ɔ fin nglo lɔ lika’n nun’n,sran kun kwla bubu i sɔ blalɛ’n nin aaba’n be nun?
13 Sa tɛtɛ kwlaa nga a yoli be ɔ akpasua’m be kwlaa be su’n ti’n,ń yó maan bé wá fɛ́n amun aɲanbeun ninnge mun nin amun ninnge kpakpa mun.+ Ń fá mán be ngbɛn.
14 Ń fá be mán ɔ kpɔfuɛ munnaan be fa be wɔ nvle kun mɔ a simɛn i’n nun.+Afin min ya’n w’a sɔ sin kun nuan,naan ɔ yra amun.”+
15 Ee Zoova, a si min su sa’n,maan ɔ wla kpɛn min su, fa ɔ ɲin sie min su.Tu min klunngbɔ’n be nga be kle min yalɛ’n be su.+Nán tra ɔ awlɛn be wun, ɔ timɛn i ti’n ń wú.*Nian, ɔ ti yɛ be gua min ɲin ase sɔ-ɔ.+
16 Ee Zoova, Ɲanmiɛn m’ɔ ti sonja’m be su kpɛn’n,kɛ n wunnin ɔ ndɛ mun’n, n dili be.+Yɛ ɔ ndɛ’n ti’n, n bo sroli, yɛ min klun jɔli,afin ɔ dunman’n o min su.
17 E nin be nga be klo cɛn dilɛ’n e tranman naan é kán ngowa.+Kɛ mɔ ɔ sa’n wo min su’n ti’n, n tran min liɛ ngunmin,afin a yoli maan m’an fa ya dan kpa.*+
18 ?Ngue ti yɛ min wunnɛn ya’n kanman ase mɔ min kannin’n leman ayre-ɔ?Nán wulɛ yɛ kannin’n ko wu-ɔ.?Á káci kɛ nzue ti mɔ be bu i kɛ nzue o nun, kusu nn like fi nunman nunmɔ be kwlá lafiman su’n sa?
19 I sɔ’n ti’n, Zoova waan yoo:“Sɛ a sa ɔ sin’n ń yó ɔ juejue,yɛ á jrán min ɲrun.Sɛ a sie like ng’ɔ ti nanndoliɛ’n nin finfin like’n be ngunminngunmin’n,á káci min nuan ijɔfuɛ.*Saan bé kpɛ́ be ɲin ɔ wun wa,sanngɛ ɔ liɛ’n a su kpɛman ɔ ɲin be wun lɔ.”
20 Zoova waan yoo: “Ń yó ɔ kɛ aaba talɛ dan wie sa sran nga’m be afiɛn.+Be nin wɔ bé kún,sanngɛ be su kwlaman wɔ,+afin n jin ɔ sin naan ń úka wɔ, naan ń dé wɔ.
21 Ń dé wɔ klunwifuɛ’m be sa nun,yɛ ń dé wɔ be nga be siman sran aunnvɔɛ’n be sa nun.”
Ja ngua lɔ ndɛ mun
^ Be kwla se ekun kɛ “fɔ tulɛ wafawafa nnan.” Ebr., “awlobo nnan.”
^ Be kwla se ekun kɛ “A nanti kɔ ɔ sin titi.”
^ Annzɛ “W’a yo min nsisɔ.”
^ Annzɛ “ɔɔzu.”
^ Be kwla se ekun kɛ “i ɲin guali ase yɛ i akunndan’n sanngannin.”
^ Ebr., “nán fa min kɔ.”
^ Annzɛ “ndɛ nga n kan’n ɔ ti be ijɔlɛ ngunmin.”
^ Annzɛ “á káci kɛ min nuan sa.”
