Zeremin 24:1-10
-
Figie mma kpakpa mun nin figie mma tɛtɛ mun (1-10)
24 Kpɛkun Zoova fali gbogbo nɲɔn mɔ figie mma o be nun’n, mɔ be jinjin Zoova i sua’n i ɲrun lɛ’n kleli min. Blɛ sɔ’n nun’n, nn Nebikadnezaa* m’ɔ ti Babilɔnin famiɛn’n w’a tra Zozakimun+ i wa Zekoniasi*+ m’ɔ ti Zida famiɛn’n nin Zida lɔ sran dandan mun, nin ajuin difuɛ mun, nin blalɛ bofuɛ mun* w’a ɔ. Ɔ fali be Zerizalɛmun lɛ ɔli Babilɔnin.+
2 Gbogbo kun nun figie mma liɛ’m be ti kpakpa ngunmin, be ti kɛ figie mma nga be dun mmua be ti’n sa. Sanngɛ gbogbo kunfuɛ’n i nun figie mma’m be ti tɛtɛ ngunmin, ɔ maan be kwlá diman.
3 Yɛ Zoova usali min kɛ: “?Zeremin, ngue yɛ a wun i-ɔ?” N tɛli su kɛ: “Figie mma mun-ɔn. Figie mma nga be ti kpakpa ngunmin’n, be liɛ’n be ti kpa dan. Sanngɛ figie mma nga be ti tɛtɛ ngunmin’n be ti tɛ dan, ɔ maan be kwlá diman.”+
4 Yɛ Zoova kannin ndɛ kleli min ekun-ɔn. Ɔ seli min kɛ:
5 “Zoova m’ɔ ti Izraɛli Ɲanmiɛn’n waan yoo: ‘Zidafuɛ nga be trali be ɔli’n, mɔ n fuannin be lika nga nun wa mɔ be ɔli Kaldefuɛ’m be mɛn’n nun lɔ’n, ń nían be lika kpa kɛ figie mma kpakpa nga mun sa.
6 Ń fá min ɲin ń síe be su naan ń yó be ye. Yɛ ń fá be ń sá be sin nvle nga nun wa.+ Ń kplán be kɛ sua sa yɛ n su bubuman be. Ń tá be kɛ waka sa yɛ n su tuman be bo.+
7 Yɛ ń mán be awlɛn kun naan be si min, naan be si kɛ Zoova yɛle min.+ Bé káci min nvle yɛ n kusu ń káci be Ɲanmiɛn.+ Afin bé fá be awlɛn’n kwlaa bé sá be sin bá min wun.+
8 “‘Sanngɛ figie mma nga be ti tɛtɛ ngunmin’n mɔ be ti tɛ dan’n ti’n be kwlá diman be’n,+ be su ndɛ nga Zoova kan’n yɛ: “Kɛ ngalɛ’n sa yɛ ń má bú Famiɛn Sedesiasi+ m’ɔ ti Zida famiɛn’n, nin i nvle’n nun sran dandan mun, nin Izraɛlifuɛ’m be onga nga be ka lika nga nun’n, nin be kwlaa nga be tran Ezipti’n niɔn.+
9 Sa sroesroe nga ń má fá yó be’n, ɔ́ yó asiɛ’n su famiɛn diwlɛ’m be kwlaa+ be ɲrɛnnɛn. Ń má yó maan lika kwlaa nga bé bó sánndi be nun’n,+ sran’m bé srí be, bé fá be dí flɛn, bé yó be finfin, yɛ bé fá be bó sannzan.+
10 Yɛ ń fá alɛ+ nin awe nin tukpacɛ m’ɔ sa ndɛndɛ’n+ ń klé be nun lele bé núnnún mlɔnmlɔn nvle nga n fa mannin be nin be nannan mun’n i nun.”’”
Ja ngua lɔ ndɛ mun
^ Annzɛ “Nebikadrezaa.” I klɛlɛ wafa kun ekun-ɔn.
^ Be flɛ i ekun kɛ Zozakinin nin Konia.
^ Be kwla se ekun kɛ “be nga be kplan talɛ dandan’m be fa sisi klɔ’m be wun’n.”
