Zeremin 3:1-25
3 Sran’m be usa kɛ: “?Sɛ yasua kun kɛn i yi bo naan bla sɔ’n kɔ, kpɛkun ɔ ko ja bian uflɛ’n, ɔ kwla ko fɛ i ekun?”?Amun a saciman nvle sɔ’n i kain kpa yɛ ɔ o lɛ-ɔ?+“A nin yasua kpanngban be boli tekle.+?Kpɛkun siɛn’n, ɔ waan á sá ɔ sin min wun wa?” Zoova yɛ ɔ kan sɔ-ɔ.
2 “Man ɔ ɲin su kpɔlɛ’m be ti su lɔ naan nian.?Nin yɛ yasua’m b’a kunndɛman wɔ-ɔ?A trannin akpɔ’m be nuan minndɛli be,kɛ be nga be wlanwlan sin aawlɛ flɛnnɛn’n nun’n sa.A fa ɔ tekle silɛ’n nin ɔ klunwi’nfa saci mɛn’n i kain.+
3 I sɔ’n ti yɛ be tanninnin nzue’n,+mɔ nzue kasiɛn ng’ɔ ko tɔ’n, ɔ tɔman kun-ɔn.A nian min kain* kɛ be bo bla m’ɔ bo tekle’n sa.A siman ɲannzuɛn mlɔnmlɔn.+
4 Kpɛkun a kpan se min kɛ:‘Min si, kɛ ɔ fɛ i min talua nun’n, janvuɛ nga n le i’n yɛle wɔ.+
5 ?Á fá sran kun i wun ndɛ síe ɔ klun sa trilili??Á fá min wun ya sa trilili?’Ɔ ndɛ nga a kan’n yɛ ɔ o lɛ-ɔ.Kusu nn klunwi sa kwlaa nga a kwla yo’n yɛ a yo i sa trilili-ɔ.”+
6 Famiɛn Zoziasi+ i blɛ su’n, Zoova seli min kɛ: “‘?A wunnin like nga Izraɛli m’ɔ ti bian kunndɛfuɛ’n yoli’n? Ɔ ɔli oka’m be kwlaa be ti su nglo lɔ, ɔ nin waka kwlaa nga be le nɲa kpanngban’n be bo ɔ ko boli tekle.+
7 Ɔ nin i sɔ ngba’n n seli i titi kɛ ɔ sɛ i sin min wun.+ Sanngɛ w’a baman. Yɛ Zida kusu, i ɲin ta i niaan bla m’ɔ yo ninnge mun gblɛ nun’n.+
8 Kɛ n wunnin i sɔ’n, n mannin Izraɛli m’ɔ ti kɛ bla kun m’ɔ kunndɛ bian i wun bo’n sa’n i yralɛ fluwa. Kpɛkun n kɛnnin i bo,+ i bian kunndɛlɛ’n ti.+ Sanngɛ srɛ w’a kunmɛn i niaan bla Zida m’ɔ yo ninnge mun gblɛ nun’n. I kusu ɔli ko boli tekle wie.+
9 Ɔ seli i wun kɛ tekle bolɛ’n timan like tɛ. I ti’n, ɔ sacili nvle’n, ɔ yoli kɛ bla m’ɔ kunndɛ bian i wun bo’n sa. Yɛle kɛ ɔ sɔli yɔbuɛ mun nin waka mun.+
10 Kannzɛ sa kwlaa sɔ’m be juli’n, i niaan bla Zida m’ɔ yo ninnge mun gblɛ nun’n, ɔ yoli kɛ ɔ sɛli i sin min wun wa sa, sanngɛ i awlɛn kwlaa nunman min su.’ Zoova yɛ ɔ kan sɔ-ɔ.”
11 Zoova seli min ekun kɛ: “Izraɛli m’ɔ ti kɛ bla kun m’ɔ kunndɛ bian i wun bo’n sa’n, ɔ kleli kɛ ɔ yo sa i nuan su tra Zida m’ɔ yo ninnge mun gblɛ nun’n.+
12 Kɔ ko kan ndɛ nga kle be nga be tran nglo lɔ lika’n nun’n:+
“‘ Zoova waan yoo: “Ee Izraɛli, ɲin keklefuɛ, sa ɔ sin.+ N su faman ɔ wun ya.*+ Afin e nin sran e nanti klanman.” Zoova yɛ ɔ kan sɔ-ɔ.’” ‘“N su faman sa n sieman min klun sa trilili.
13 Ɔ li di i nanwlɛ kɛ a yoli sa tɛ. Afin a yoli ɲin kekle Zoova m’ɔ ti ɔ Ɲanmiɛn’n i su. A kunndɛli aofuɛ mun* lelele waka kwlaa nga be le nɲa kpanngban’n be bo. Sanngɛ w’a tieman min nuan ndɛ’n.” Zoova yɛ ɔ kan sɔ-ɔ.’”
14 Zoova waan yoo: “Ba ɲin keklefuɛ mun, amun sa amun sin. Afin min yɛ m’an kaci amun min* kpakpafuɛ’n niɔn. Ń fá amun. Ń fá sran kun klɔ kun su, yɛ ń fá sran nɲɔn awlobo kun nun. Kpɛkun ń fá amun kɔ́ Siɔn.+
15 Ń fá kpɛnngbɛn nga be yo min klun sa’n* ń mán amun.+ Bé klé amun like. Yɛ bé klé amun ngwlɛlɛ.
16 Blɛ sɔ’n nun’n, amún sɔ́n kpanngbanngban, yɛ amún trɛ́ nvle sɔ’n nun.” Zoova yɛ ɔ kan sɔ-ɔ.+ “Be su boman ‘Zoova i aenguɛ’n i alaka’n’ i dunman kun. Ɔ su kpɛnman be klun. Be wla su kpɛnmɛn i su, be wla su lomɛn i. Yɛ be su yomɛn i uflɛ.
17 Blɛ sɔ’n nun’n, bé flɛ́ Zerizalɛmun kɛ Zoova i famiɛn bia.+ Nvlenvle’m be kwlaa be nunfuɛ’m be bo yó kun bé kó mánmán Zoova i dunman’n Zerizalɛmun lɔ.+ Be su yoman be bɔbɔ be klun akunndan tɛ’n i nuan su like kun.”
18 “Blɛ sɔ’n nun’n, Zidafuɛ mun nin Izraɛlifuɛ’m bé sán nun.+ Bé fín mɛn ng’ɔ o nglo lɔ lika’n nun’n i nun, kpɛkun mɛn nga n fa mannin amun nannan mun naan ɔ yo be aja like’n, bé wlú nun likawlɛ.+
19 Yɛ n seli min wun kɛ: ‘I nun mɔ n fali wɔ n sieli i ba yasua’m be nun’n, mɔ n fali asiɛ’n i klanman kpafuɛ’n n mannin wɔ’n, ɔ yoli min fɛ dan. Nvlenvle’m be nun lika klanman kpafuɛ’n* yɛ ɔ o lɛ-ɔ.’+ N buli i kɛ á flɛ́ min kɛ ‘Min Si’ naan a su kaciman ɔ sin siman min.
20 Ɔo Izraɛlifuɛ mun, kɛ nga bla kun kpɛ i wun’n* i bo waka, m’ɔ jaso i bo’n sa’n, i kunngba’n, amun kusu amun kpɛli min bo waka.’+ Zoova yɛ ɔ kan sɔ-ɔ.”
21 Be ti sran’m be ngan kpɔlɛ’m be ti su lɔ,yɛle Izraɛlifuɛ’m be sunlɛ’n ɔ nin be ngbata’n.Afin be yoli ninnge tɛtɛ mun.Be wla fili Zoova m’ɔ ti be Ɲanmiɛn’n i su.+
22 “Ba ɲin keklefuɛ mun, amun sa amun sin.Ń yó amun ayre. Ɔ maan amun su yoman ɲin keklefuɛ kun.”+“E yɛ e o yɛ. E bali ɔ sin.Afin Zoova, wɔ yɛ a ti e Ɲanmiɛn’n niɔn.+
23 Nanwlɛ, kpɔlɛ mun nin oyooyo nga be yo i oka’m be ti su lɔ’n ɔ ti ngbɛn.+Nanwlɛ, Zoova m’ɔ ti e Ɲanmiɛn’n, i yɛ ɔ ti Izraɛli i defuɛ’n niɔn.+
24 Sanngɛ kɛ ɔ fɛ i e talua nun’n, like kwlaa nga e nannan’m be dili junman naan b’a ɲɛn i’n, ɲannzuɛn like’n* dili.+Be bua mun-o, be boli mun-o, be nannin mun-o,be mma yasua mun-o, be mma bla mun-o, ɔ dili be kwlaa sekeseke.
25 Maan e la ɲannzuɛn’n nun,maan e fa e ɲannzuɛn’n e kata e wun.Afin e fɔnnin Zoova m’ɔ ti e Ɲanmiɛn’n i wun.+Kɛ ɔ fɛ i e talua nun lele andɛ’n, e bɔbɔ nin e si mun, e fɔnnin i wun.+Y’a faman Zoova m’ɔ ti e Ɲanmiɛn’n i nuanndɛ’n su.”
Ja ngua lɔ ndɛ mun
^ Ebr., “ngban’n su.”
^ Ebr., “N su yoman naan min ɲrun’n tɔ.”
^ Annzɛ “amuin mun.”
^ Be kwla se ekun kɛ “amun wun.”
^ Ebr., “be yo like nga min awlɛn o su’n.”
^ Ebr., “Nvlenvle’m be nun sonja mun.”
^ Ebr., “i janvuɛ’n.”
^ Annzɛ “amuin ng’ɔ fa ɲannzuɛn ba’n.”
