Zeremin 46:1-28
46 Nvlenvle’m be su ndɛ nga Zoova kan kleli Zeremin m’ɔ ti i nuan ijɔfuɛ’n yɛ:+
2 Ezipti+ liɛ’n yɛ. Faraɔn Neko+ m’ɔ ti Ezipti famiɛn’n i sonja’m be su ndɛ-ɔ. Blɛ sɔ’n nun’n nn ɔ o Efrati’n i nuan lɛ, yɛ Nebikadnezaa* m’ɔ ti Babilɔnin famiɛn’n kwlɛli i Kaakemisi lɛ. Kɛ Zozakimun+ i wa Zoziasi yoli Zida famiɛn’n, i afuɛ nnan su’n, yɛ sa sɔ’n juli-ɔ. Ndɛ sɔ’n yɛ:
3 “Amun siesie amun ɲrɛn kanngan mun* nin amun ɲrɛn dandan munnaan amun wɔ alɛ’n i kunlɛ.
4 Nnɛn kpanngɔ su fufuɛ mun, amun tanndan amun nnɛn kpanngɔ mun naan amun fu be su.Amun ko jran amun jranwlɛ’m be nun, yɛ amun wla amun kpongbo kle mun.Amun si amun cua mun, yɛ amun wla like kokloko nga be fa kata be wue’n su’n.
5 ‘Ń nían-ɔn, be safuɲrɛn’m be su usu sa tututu. ?Ngue sa-ɔ?Be su wanndi kɔ. B’a kun be safuɲrɛn mun tɛtɛ kpa.Srɛ dan m’ɔ kun be’n ti’n, be su wanndi. Be safuɲrɛn’m be nianman be sin bɔɔ kaan sa.Ɲrɛnnɛn’n wo lika kwlaa.’ Zoova yɛ ɔ kan sɔ-ɔ.
6 ‘Be nga be wun kpɛ kpa’n be kwlá wanndiman. Yɛ safuɲrɛn’m be kwlá fiteman nun.Nglo lɔ lika’n nun’n, Efrati’n i nuan lɛ’n,be ja’n kplali, yɛ be tɔli.’+
7 ?Wan mun yɛ b’a di lika’n kɛ Nili’n sa-ɔ,kɛ nzue ba m’ɔ kpalo kɔ wa kɔ wa’n sa-ɔ?
8 Ezipti’n yɛ w’a di lika’n kɛ Nili Nzue’n+ sa-ɔ,ɔ waan nzue ba mun yɛ be su sonji kpuu-ɔ.Ɔ se kɛ: ‘Ń yí lika’n lele ń káta asiɛ’n su kplu.Ń núnnún klɔ’n nin i sufuɛ mun mlɔnmlɔnmlɔn.’
9 Nnɛn kpanngɔ mun, amun wɔ!Kakaklolo mun, amun wanndi ndɛndɛ kpa be wɔ!Maan safuɲrɛn mun be wɔ.Maan Kisifuɛ mun nin Putifuɛ mun mɔ be tra ɲrɛn nun’n+nin Ludimun+ mɔ be tra ta nun mɔ be to’n,*+ be wɔ.
10 “Cɛn sɔ’n ti e Min m’ɔ Sie Like Kwlakwla’n, Zoova m’ɔ ti sonja’m be su kpɛn’n i liɛ. Ɔ ti i klunngbɔ tulɛ cɛn. Ɔ́ wá tú i klunngbɔ i kpɔfuɛ’m be su. Tokofi’n kún be, yɛ i ku yí. Ɔ́ nɔ́n be mmoja’n lele i ku yí. Afin e Min m’ɔ Sie Like Kwlakwla’n, Zoova m’ɔ ti sonja’m be su kpɛn’n su wa yi tɛ* nglo lɔ lika’n nun, Efrati Nzue’n+ i nuan lɔ.
11 Ezipti i wa bla, wɔ mɔ a nin-a siman bian’n,kɔ Galaadi lɔ naan ko fa bomie ngo.+W’a yo ɔ wun ayre lele ngbɛn.Afin ɔ tukpacɛ’n leman ayre.+
12 Nvlenvle’m be tili i kɛ be guali ɔ ɲin ase.+Be tili ɔ kpanlɛ’n nvle wunmuan’n nun.Afin safuɲrɛn kun tu si i wiengu safuɲrɛn kun,kpɛkun be nɲɔn’n be tɔ lɔ.”
13 Nebikadnezaa* m’ɔ ti Babilɔnin famiɛn’n, m’ɔ́ fá alɛ wlá Eziptifuɛ’m be sin’n, i balɛ’n i su ndɛ nga Zoova kan kleli i nuan ijɔfuɛ Zeremin’n yɛ:+
14 “Amun kɛn i Ezipti lɔ. Amun bo i jɔ Migidɔlu+ lɔ.Amun bo i jɔ Nɔfu* nin Tapanɛsi+ lɔ.Amun se kɛ: ‘Amun jran amun jranwlɛ’m be nun, yɛ amun buabua amun wun be sie.Afin tokofi’n wá kún be kwlaa nga be mantan amun lɛ’n.
15 ?Ngue ti yɛ b’a wie amun safuɲrɛn’m be kun sɔ-ɔ?B’a ɲanman jranwlɛ,afin Zoova suli be bo yilibe ase.
16 Be diman be nga be ja kpla mɔ be tɔ’n be yalɛ.Be se be wiengu kɛ:“Maan e jaso. Maan e sa e sin e nvlefuɛ’m be wun lɔ nin e nvle’n nun lɔ,afin tokofi’n su kle e nun dan.”’
17 Lɛ’n, be kpan seli kɛ:‘Faraɔn m’ɔ ti Ezipti famiɛn’n tru ngbɛnw’a kwlá yoman like fi, kusu nn ɔ ɲɛnnin i wun alaje.’*+
18 ‘Famiɛn’n mɔ i dunman’n yɛle Zoova m’ɔ ti sonja’m be su kpɛn’n waan yoo: ‘N kan min bɔbɔ mɔ n wo lɛ tititi’n.Ɔ́* bá kɛ Tabɔɔ+ mɔ i ti’n tra okaoka’m be su’n sa,nin Kaamɛli+ mɔ i ti’n tra jenvie’n su’n sa.
19 Talua, wɔ mɔ a tran Ezipti’n,wla ɔ trɔ mun naan kɔ.Afin Nɔfu* i nun wá yó sro.Bé wɔ́ nun* yɛ sran fi su tranman su kun.+
20 Ezipti’n ti kɛ nannin talua klanman kun sa,sanngɛ tuin* wie’m bé fín nglo lɔ lika’n nun bé wá kɛ́kɛ́ i.
21 Sonja bɔbɔ nga be ko fali be’n mɔ be tannin be kalɛ’n, be ti kɛ nannin ba nga b’a cɛn luklɔɔ’n sa.Be kusu be cuɛnnin be wun, yɛ be kwlaa be wanndili.B’a ɲanman jranwlɛ,+afin be ɲrɛnnɛn klelɛ cɛn’n w’a ju.Blɛ ng’ɔ fata kɛ be kan sa nga be yoli’n i su ndɛ’n w’a ju.’
22 I tɛlɛ ng’ɔ tɛ’n ɔ waan wuo wie yɛ ɔ su wanndi-ɔ.Afin be nga be su i su’n be timan aɔwi. Kpɛliɛ o be sa nun,ɔ waan sran mɔ be su kpɛ waka’n* sa.
23 Kannzɛ ɔ ti bo mɔ be wlu nun ɔ wluman’n, sanngɛ bé búbú i nun waka’m be kwlaa.Afin be sɔnnin tra lalo mun. Be ka be-ɔ, ɔ yoman ye.’ Zoova yɛ ɔ kan sɔ-ɔ.
24 ‘Ezipti i wa bla’n i ɲingúa ase.Bé fɛ́ i wlá be nga be o nglo lɔ lika’n nun’n be sa nun.’+
25 “Zoova m’ɔ ti sonja’m be su kpɛn’n, m’ɔ ti Izraɛli Ɲanmiɛn’n waan yoo: ‘Ń má kpɛ́ min ɲin Amɔn+ m’ɔ ti No*+ lɔ amuin’n, nin Faraɔn, nin Ezipti, nin i amuin mun,+ nin i famiɛn mun be su lɔ naan ń klé be ɲrɛnnɛn. Ń klé Faraɔn nin be kwlaa nga be fa be wla guɛ i su’n be ɲrɛnnɛn.’+
26 Ń fá be ń wlá be nga be kunndɛ kɛ bé kún be’n be sa nun, ń fá be ń wlá Nebikadnezaa* m’ɔ ti Babilɔnin famiɛn’n+ nin i sonja’m be sa nun. Sanngɛ i sin’n, sran’m bé wá trán su ekun kɛ laa’n sa.’ Zoova yɛ ɔ kan sɔ-ɔ.+
27 ‘Sanngɛ min sufuɛ Zakɔbu, nán srɛ kun wɔ.Ee Izraɛli, nán ɔ wunusu wɔ.+Afin ń kó dé wɔ mɛn ng’ɔ o mmua lɔ’n nun.Ń kó dé ɔ osu’n nunfuɛ mun nvle nga be o nunkɛ bisuafuɛ sa’n i nunlɔ ń bá.+Zakɔbu sɛ́ i sin, yɛ ɔ́ wá trán lɛ fɔuun, be su klemɛn i yalɛ kun.Sran fi su wlɛmɛn i ɲin nglonglo.+
28 Min sufuɛ Zakɔbu, nán srɛ kun wɔ, afin n jin ɔ sin,’ Zoova yɛ ɔ kan sɔ-ɔ.‘Nvle nga n yoli maan a bo sanndili be nun’n, ń núnnún be kwlaa,+sanngɛ ɔ liɛ’n, n su nunnunman ɔ wie.+Ń tú ɔ fɔ kɛ ng’ɔ nin ifata’n sa.+N su yaciman ɔ lɛ. Saan ńtú ɔ fɔ.’”
Ja ngua lɔ ndɛ mun
^ Annzɛ “Nebikadrezaa.” I klɛlɛ wafa kun ekun-ɔn.
^ Blɛ sunman’n, ta tofuɛ mun yɛ be tra ɲrɛn kanngan’m be nun-ɔn.
^ Ebr., “be fa be ja sie su’n.”
^ Annzɛ “ɔ́ kún be lelele.”
^ Annzɛ “Nebikadrezaa.” I klɛlɛ wafa kun ekun-ɔn.
^ Annzɛ “Mɛnfisi.”
^ Ebr., “ɲannin blɛ ng’ɔ ti su’n.”
^ Yɛle kɛ, sran ng’ɔ́ wá kwlá Eziptifuɛ mun’n.
^ Annzɛ “Mɛnfisi.”
^ Be kwla se ekun kɛ, “Ɔ́ tɔ́ srolo.”
^ Ɔnsiɛn dandan nga be ka tɛtɛ kpa’n.
^ Annzɛ “be su isa waka.”
^ Yɛle kɛ, Tebɛsi.
^ Annzɛ “Nebikadrezaa.” I klɛlɛ wafa kun ekun-ɔn.
