Zeremin 9:1-26
9 Ee, sɛ ɔ ti kɛ min ti’n ti nzue’n,yɛ sɛ ɔ ti kɛ min ɲinma’m be ti nzue ti’n,+nn ń sún wia nun nin kɔnguɛmin nvle’n nunfuɛ nga be kunnin be’n be ti.
2 Sɛ ɔ ti kɛ n le sua kun aawlɛ flɛnnɛn’n nun lɔ sa’n,nn ń jáso min nvle’n nunfuɛ’m be wun wa ń kɔ́ be wun mmua kpa,afin be kwlaa be ti kɛ bla kun m’ɔ kunndɛ bian i wun bo’n sa,+be ti gblɛfuɛ.
3 Be taaman’n ti kɛ ta kun mɔ b’a tinngɛ nun’n sa.Ato ndɛ mun yɛ b’a gugu kɛ bé kán-ɔn. Gblɛ kpɛlɛ’n w’a yi nvle’n sa piɛ. Be diman nanwlɛ kun.+“Kɛ aliɛ cɛ́n m’ɔ́ sán’n, nn be klun yó wi trá laa’n.Be buman min akunndan.”+ Zoova yɛ ɔ kan sɔ-ɔ.
4 “Amun kwlakwla amun sasa amun wun amun wiengu lika,yɛ amun niaan’m be bɔbɔ’n, nán amun lafi be su,afin be kwlaa be kpɛ be wiengu bo waka,+yɛ amun wiengu’m be kwlaa be ti suɛn tɔnfuɛ.+
5 Sran kun jaso di i wiengu lufle,yɛ sran fi diman nanwlɛ.Ato ndɛ ngunmin yɛ ɔ o be nuan-ɔn.+Sa tɛ’n yɛ be kle be wun yalɛ be yo-ɔ.
6 A tran gblɛfuɛ’m be afiɛn.Be gblɛ’n ti’n, be kloman kɛ bé sí min.” Zoova yɛ ɔkan sɔ-ɔ.
7 I sɔ’n ti’n, Zoova m’ɔ ti sonja’m be su kpɛn’n waan yoo:“Ń yó maan bé kló, yɛ ń sá be ń nían.+Afin n yo min nvle’n i wa bla’n i sa fi-ɔ ɔ yoman ye kun.
8 Be taaman’n ti kɛ cua m’ɔ kun’n sa, gblɛ ndɛ yɛ be kan-ɔn.Be kan fɔundi ndɛ be kle be wiengu,kusu nn be awlɛn’n nun lɔ’n, be kunndɛ kɛ bé bú sɛ́ i ɲrun naan bé kún i.”
9 Zoova waan yoo: “?Ɔ fataman kɛ n usa be sa kwlaa sɔ’n i nun ndɛ??Ɔ fataman kɛ n tu min klunngbɔ nvle kɛ ngalɛ sa’n i su?+
10 Oka’m be ti’n, ń sún, yɛ ń fɛ́fɛ́.Nnɛn’m be didiwlɛ nga be o blo lɔ’n be ti’n, ń yí ngwlɛ.*Afin be wɔli be nun. Ɔ maan sran fi sinman lɔ kun.Yɛ be timan nnɛn’m bengan kun.Anunman nga be tu sin nglo lɔ’n nin blo nnɛn’m be wanndili. Be kwlaa be ɔli.+
11 Ń yó maan Zerizalɛmun káci yɔbuɛ kwle.+ Ɔ́ káci blo alua’m be lawlɛ.+Yɛ ń yó maan Zida klɔ’m bé tɔ́ srolo, sran fi su tranman be su.+
12 ?Wan yɛ ɔ si ngwlɛlɛ kpa m’ɔ kwla wun sa sɔ’n i wlɛ-ɔ??Wan yɛ Zoova bɔbɔ kannin ndɛ kleli i-ɔ? Sɛ sran tili i nuan nun ndɛ’n maan ɔ kan.?Ngue ti yɛ nvle’n w’a saci-ɔ??Ngue ti yɛ w’a wu kee kɛ aawlɛ flɛnnɛn wie samɔ sran fi sinman lɔ-ɔ?”
13 Zoova tɛli su kɛ: “Kɛ mɔ be kpaloli mmla nga* n fa mannin be’n, mɔ b’a diman su’n, mɔ be ɲin w’a yiman min’n, i ti-ɔ.
14 Like nga be awlɛn’n suli be bo kɛ be yo’n yɛ be yoli-ɔ.+ Be sɔli Baali, kɛ nga be si mun be fa kleli be’n sa.+
15 I sɔ’n ti’n, Zoova m’ɔ ti sonja’m be su kpɛn’n, m’ɔ ti Izraɛli i Ɲanmiɛn’n waan yoo: ‘Ń má yó maan sran nga’m bé dí ijre wiwi’n, yɛ bé nɔ́n nzue nga be guali nun ayre tɛ’n.+
16 Ń yó maan bé bó sánndi nvle nga be bɔbɔ nin be si’m b’a siman be’n be nun.+ Yɛ ń yó maan tokofi kun sú be su lele ń núnnún be sekeseke.’+
17 Zoova m’ɔ ti sonja’m be su kpɛn’n waan yoo:‘Amun fa ngwlɛlɛ be nanti.An sunman sran naan be ko flɛ bla nga be yi ngwlɛ’n*+ naan be bla.Amun ko flɛ bla nga be si ngwlɛ yi kpa’n naanbe bla.
18 Maan be bla ndɛndɛ naan be man be nɛn’n su be sun kekle kpa man e.I liɛ’n, e ɲinmuɛn nzue gúa,nzue fín e ɲinma bui’n nun sónji.+
19 Afin be ti sran’m be sunlɛ Siɔn lɔ:+“Ɲrɛnnɛn dan kpa tɔli e su.e ɲin guali ase dan,afin e tuli e nvle’n nun, kpɛkun be bubuli e sua mun sekeseke.”+
20 Bla mun, amun sie amun su be tie ndɛ nga Zoova kan’n.Maan ndɛ ng’ɔ fin i nuan fite’n ɔ wlu amun su’n nun.Amun fa sunlɛ nga be kle amun mma bla mun.Yɛ amun fa ngwlɛ yilɛ* nga be kle amun wiengu.+
21 Afin wie’n bali. Ɔ wluli e fenɛtri’m be nun.Ɔ wluli e fiawlɛ lika’m be nunnaan ɔ́ fá e mma kanngan nga be o akpɔ’m be su’n,ɔ nin gbanflɛn nga be o lika gbawun’m be nun’n.’+
22 Se be kɛ: ‘Zoova waan yoo:“Sran nga’m be fuɛn’m bé gúa kɛ b’a gua angrɛ fie’n nun sa.Ɔ́ yó kɛ ble nga ble kpɛfuɛ’n w’a kpɛ m’ɔ guɛ i sin’n sa,sran fi su isaman be.”’”+
23 Zoova waan yoo:“Nán maan ngwlɛlɛfuɛ’n fɛ i ngwlɛlɛ’n di i nuan.+Nán maan sran ng’ɔ le wunmiɛn’n fɛ i wunmiɛn’n di i nuan.Yɛ nán maan aɲanbeunfuɛ’n fɛ i aɲanbeun’n di i nuan.”+
24 “Sanngɛ sran ng’ɔ́ dí i nuan’n, maan ɔ fa like yɛ’n ɔ di i nuan:Yɛle kɛ ɔ ti akunndanfuɛ, naan ɔ si min,+naan ɔ si kɛ Zoova yɛle min, naan n yi i nglo kɛ n klo sran, naan n yo sa ng’ɔ ti su’n nin sa ng’ɔ ti kpa’n asiɛ’n su,+afin ninnge sɔ mun yɛ n klo be yolɛ-ɔ.”+ Zoova yɛ ɔ kan sɔ-ɔ.
25 Zoova waan yoo: “Amun nian! Blɛ kun wá jú’n ń úsa be kwlaa nga be wlali be klɛn’n, kusu nn b’a wlaman be klɛn’n,+
26 nin Ezipti,+ nin Zida,+ nin Edɔmun,+ nin Amɔnfuɛ mun,+ nin Moabu,+ ɔ nin be kwlaa nga be kpɛkpɛli be srɔ su ndrɛ mɔ be tran aawlɛ flɛnnɛn’n nun lɔ’n be sa.+ Afin nvlenvle’m be kwlaa be ti kɛ sran mɔ b’a wlaman be klɛn’n sa. Yɛ Izraɛlifuɛ’m be kwlaa be ti kɛ sran mɔ b’a wlaman be awlɛn’n i klɛn’n sa.”+
Ja ngua lɔ ndɛ mun
^ Annzɛ “ń tó sɛ jue.”
^ Annzɛ “like nga n kle mɔ.”
^ Annzɛ “be to sɛ jue’n.”
^ Annzɛ “sɛ jue.”
