Zozie 12:1-24
12 Mɛn’n i nun famiɛn nga Izraɛlifuɛ’m be kwlali be mɔ be fali be lika’n Zurdɛn’n i wia afiliɛ lɔ’n, mɔ be lika’n fɛ i Aanɔn Kongo’n*+ nun lɛ lele fa ju Ɛrmɔn Oka’n+ i wun lɔ’n, ɔ nin Araba i bue ng’ɔ o wia afiliɛ lɔ’n+ i kwlaa’n be yɛ:
2 Famiɛn Siɔn,+ ɔ ti Amɔɔfuɛ’m be famiɛn, ɔ trannin Ɛsbɔn. Ɔ sieli Aroɛɛ+ m’ɔ o Aanɔn Kongo’n*+ i nuan su lɔ’n, ɔ fɛ i kongo’n i afiɛn nin Galaadi mɛn’n i bue lele fa ju Zabɔku kongo m’ɔ ti Amɔnfuɛ’m be awɛ’n i su lɔ.
3 Asa ekun’n, ɔ sieli Araba’n lele fa juli Kinerɛti Jenvie’n*+ i wia afiliɛ lɔ, kpɛkun ɔ fɛ i lɛ lele juli Araba Jenvie’n, mɔ yɛle Jenvie ng’ɔ ti Njin Nzue Klakla’n i wia afiliɛ lɔ, Bɛti-Zesimɔti i bue liɛ’n su lɔ, ɔ nin Pisga oka’n+ i bo lɔ, ja ngua lɔ lika’n nun’n.
4 Asa ekun’n, Izraɛlifuɛ’m be fali Ɔgu+ m’ɔ ti Basan famiɛn’n i mɛn’n wie. Ɔ ti Refafuɛ’m be kasiɛn’m be nun+ kun, ɔ trannin Astarɔti nin Edrei.
5 Famiɛn Ɔgu sieli Ɛrmɔn Oka lika’n nin Saleka, ɔ nin Basan+ mɛn wunmuan’n lele fa juli Gesurifuɛ mun nin Maakatifuɛ’m+ be awɛ’n su lɔ, ɔ nin Galaadi’n i bue lele fa juli Famiɛn Siɔn m’ɔ ti Ɛsbɔn+ famiɛn’n i mɛn’n nun lɔ.
6 Moizi m’ɔ ti Zoova i sufuɛ’n ɔ nin Izraɛlifuɛ’m be kwlali be.+ I sin’n, Moizi m’ɔ ti Zoova i sufuɛ’n fali be mɛn’n mannin Ribɛninfuɛ mun, nin Gadifuɛ mun, ɔ nin Manase akpasua’n i bue kun nunfuɛ mun.+
7 Mɛn’n i nun famiɛn nga Izraɛlifuɛ’m be kwlali be Zurdɛn’n i wia atɔliɛ lɔ’n, be lika’n fɛ i Baali-Gadi+ m’ɔ o Liban+ Kongo’n nun lɔ’n su lele fa ju Alaki Oka+ m’ɔ kɔ Seii+ lɔ’n su. I sin’n, Zozie cɛcɛli be lika’n nun mannin Izraɛli akpasua mun, akpasua kun nin i liɛ.+
8 Lika sɔ’n yɛle okaoka lika’n, nin Sefela, nin Araba, nin oka’m be ndroliɛ mun, nin aawlɛ flɛnnɛn’n, nin Negɛbu.+ Ɔ ti Ɛtifuɛ mun, nin Amɔɔfuɛ mun,+ nin Kanaanfuɛ mun, nin Perizifuɛ mun,+ nin Ivifuɛ mun, nin Zebisifuɛ’m be mɛn. Famiɛn sɔ mun yɛ:
9 Zeriko famiɛn’n,+ Ai m’ɔ o Betɛli’n i wun lɔ’n i famiɛn’n,+
10 Zerizalɛmun famiɛn’n, Ebrɔn famiɛn’n,+
11 Zaamiti famiɛn’n, Lakisi famiɛn’n,
12 Eglɔn famiɛn’n, Gezɛɛ famiɛn’n,+
13 Debii+ famiɛn’n, Gedɛɛ famiɛn’n,
14 Ɔɔma famiɛn’n, Aradi famiɛn’n,
15 Libina+ famiɛn’n, Adulamun famiɛn’n,
16 Makeda+ famiɛn’n, Betɛli+ famiɛn’n,
17 Tapia famiɛn’n, Efɛɛ famiɛn’n,
18 Afɛki famiɛn’n, Lasarɔn famiɛn’n,
19 Madɔn famiɛn’n, Azɔɔ famiɛn’n,+
20 Simunrɔn-Merɔn famiɛn’n, Akisafu famiɛn’n,
21 Tanaki famiɛn’n, Megido famiɛn’n,
22 Kedɛsi famiɛn’n, Zɔkuneamun+ m’ɔ o Kaamɛli’n i famiɛn’n,
23 Dɔɔ famiɛn’n, m’ɔ o Dɔɔ okaoka lika’n+ nun lɔ’n, Goyimun m’ɔ o Gilgali’n i famiɛn’n,
24 Tiiza famiɛn’n. Famiɛn’m be kwlaa be ti ablasan-nin-kun (31).
Ja ngua lɔ ndɛ mun
^ Annzɛ “Aanɔn Nzue Ba’n.”
^ Annzɛ “Aanɔn Nzue Ba’n.”
^ Yɛle kɛ, Zenezarɛti nzue ba’n annzɛ Galile Jenvie’n.
