Zozie 15:1-63
15 Lika nga be fa mannin*+ Zida akpasua’n m’ɔ ti be awlobo’m be liɛ’n, ɔ fɛ i Edɔmun+ awɛ’n su lɛ, Zinnin aawlɛ flɛnnɛn’n nun lɛ lele ju Negɛbu i tiwa ng’ɔ o ja ngua lɔ’n su.
2 Be awɛ ng’ɔ o ja ngua lɔ’n, ɔ bo i bo Jenvie ng’ɔ ti Njin Nzue Klakla’n+ i tiwa’n su lɛ, ɔ bo i bo ja ngua lɔ, kɛ nga nzue’n bli kolongo lɛ’n.
3 Awɛ’n jra ngua lɔ kɔ Akrabimun kpɔlɛ’n+ su lɔ, ɔ sin Zinnin i wun lɔ, kpɛkun ɔ fɛ i ngua lɔ kɔ Kadɛsi-Baanea,+ ɔ sin Ɛzrɔn i wun lɛ kɔ Adaa, yɛ ɔ bli kɔ Kaaka.
4 Kpɛkun ɔ sin Azmɔn+ lɛ kɔ Ezipti Kongo’n+ nun lɔ, awɛ’n wie Jenvie’n* su. Be ja ngua lɔ awɛ’n yɛ ɔ o lɛ-ɔ.
5 Wia afiliɛ lɔ awɛ’n fɛ i Jenvie ng’ɔ ti Njin Nzue Klakla’n su lele ju Zurdɛn’n i tiwa lɔ.+ Yɛ nglo lɔ lika’n nun’n, awɛ’n sin Zurdɛn’n i tiwa lɔ, kɛ nga jenvie’n bli kolongo lɛ’n.
6 Awɛ’n fu kɔ Bɛti-Ogla,+ yɛ ɔ sin Bɛti-Araba+ i nglo lɔ lika’n nun, ɔ fu kɔ Ribɛnin i wa Boanin i yɔbuɛ’n+ su lɔ.
7 Awɛ’n fu kɔ Debii, Akɔɔ Kongo’n+ i wun lɔ, kpɛkun ɔ bli sin nglo lɔ lika’n nun kɔ Gilgali+ m’ɔ o Adumimun kpɔlɛ’n i ɲrun ndɛnman su lɛ’n su lɔ, kongo’n i ngua lɔ lika’n nun. Awɛ’n sin An-Semɛsi+ nzue ti’m be wun lɛ, yɛ ɔ wie An-Rɔgɛli+ lɛ.
8 Awɛ’n fu kɔ Inɔmun i Wa’n i Kongo’n su lɔ,+ kpɛkun ɔ ju Zebisifuɛ’n+ i oka’n i bo lɔ, ngua lɔ lika’n nun, yɛle kɛ Zerizalɛmun.+ Kpɛkun awɛ’n sin oka ng’ɔ o Inɔmun Kongo’n i ɲrun ndɛnman su wia atɔliɛ lɔ’n su, ɔ o Refafuɛ’m be Kongo’n i tiwa lɔ, nglo lɔ lika’n nun.
9 Awɛ’n fɛ i oka’n i ti su lɛ lele fa ju Nɛfutoa nzue ti’m+ be su lɔ, yɛ ɔ kɔ lele ju klɔ nga be o Efrɔn oka’n su’n be wun lɔ. Awɛ’n sin Baala, yɛle kɛ Kiriati-Zearimun.+
10 Awɛ’n fɛ i Baala i wia atɔliɛ lɔ, ɔ bli kɔ Seii Oka’n su lɔ, kpɛkun ɔ sin nglo lɔ lika’n nun Zearimun Oka’n i bo lɛ, yɛle kɛ Kesalɔn, ɔ jra kɔ Bɛti-Semɛsi,+ yɛ ɔ sin Timina+ i wun lɛ.
11 Kpɛkun awɛ’n ju Ekrɔn+ oka’n i bo lɔ, nglo lɔ lika’n nun, ɔ ju Sikerɔn, yɛ ɔ sin Baala Oka’n i wun lɛ kɔ Zabneɛli, awɛ’n wie jenvie’n su lɛ.
12 Wia atɔliɛ lɔ awɛ’n yɛle Jenvie Dan’n*+ nin i nuan su lɔ lika’n. Zida i mma’m be awlobo’m be lika liɛ’n i wun awɛ’n yɛ ɔ o lɛ-ɔ.
13 Zozie mannin Zefine i wa Kalɛbu+ i lika liɛ’n Zida i mma’m be nun, kɛ nga Zoova kan kleli Zozie’n sa. Yɛle kɛ ɔ fali Kiriati-Aaba mɔ yɛle Ebrɔn’n+ mɛnnin i (Aaba ti Anaki i si).
14 Ɔ maan Kalɛbu fuannin Anaki i mma+ nsan mun: Sesai, Aiman, nin Talmai,+ be ti Anaki i mma mun.
15 I sin’n, ɔ ɔli kpɛkun ɔ nin Debii+ lɔfuɛ’m be ko kunnin alɛ. (Laa’n, Debii i dunman’n yɛle Kiriati-Sefɛɛ.)
16 I sin’n, Kalɛbu seli kɛ: “Sran ng’ɔ tɔ Kiriati-Sefɛɛ klɔ’n su naan ɔ fa klɔ’n, ń fá min wa bla Aksa ń mɛ́n i naan ɔ yo i yi.”
17 Kpɛkun Kenazi i wa+ Ɔtiniɛli+ m’ɔ ti Kalɛbu i niaan bian’n, ɔ fali klɔ’n. Ɔ maan Kalɛbu fɛli i wa bla Aksa+ mɛnnin i naan ɔ yo i yi.
18 Kɛ talua’n kɔ́ Ɔtiniɛli i awlo lɔ’n, ɔ jrɛnnin i wun kɛ ɔ se i si* naan ɔ mɛn i fie kun. I sin’n, talua’n fin i aflunmun’n su jrali.* Kalɛbu usɛli i kɛ: “?Ngue yɛ a kunndɛ kɛ n yo man wɔ-ɔ?”+
19 Ɔ tɛli i su kɛ: “Yaci, cɛ min like kun naan n wun kɛ ɔ klun jɔ min wun. Afin ngua lɔ* asiɛ’n i bue nga a fa mannin min’n ɔ ti lika kee. Fa Gulɔti-Maimun* man min wie.” Ɔ maan ɔ fali Nglo lɔ Gulɔti’n nin Ngua lɔ Gulɔti’n mɛnnin i.
20 Zida akpasua’n i aja like liɛ’n yɛ ɔ o lɛ-ɔ, awlobo kun nin i liɛ.
21 Zida akpasua’n i tiwa lɔ klɔ nga be o Edɔmun+ awɛ’n i wun lɔ ja ngua lɔ’n, be yɛ: Kabizeɛli, Edɛɛ, Zagii,
22 Kina, Dimona, Adada,
23 Kedɛsi, Azɔɔ, Itinan,
24 Zifi, Telɛmun, Bealɔti,
25 Azɔɔ-Adata, ɔ nin Keriɔti-Ɛzrɔn, yɛle kɛ Azɔɔ,
26 Amamun, Sema, Molada,+
27 Azaa-Gada, Ɛsmɔn, Bɛti-Pelɛti,+
28 Azaa-Siali, Beɛ-Seba,+ Biziotia,
29 Baala, Imun, Ezɛmun,
30 Ɛltoladi, Kesili, Ɔɔma,+
31 Ziklagi,+ Madmana, Sansana,
32 Lebaɔti, Silimun, Ainin, ɔ nin Rimɔn.+ Klɔ dandan’m be kwlaa be ti ablaɔn-nin-ngwlan (29), yɛ klɔ kanngan wie’m be mantan be.
33 Sefela’n+ nun lɔ klɔ mun yɛ: Ɛstaɔlu, Zora,+ Asna,
34 Zanoa, An-Ganimun, Tapia, Enamun,
35 Zaamiti, Adulamun,+ Soko, Azeka,+
36 Saaraimun,+ Aditaimun, ɔ nin Gedera nin Gederotaimun.* Klɔ dandan’m be ti blu-nin-nnan (14), yɛ klɔ kanngan wie’m be mantan be.
37 Zenan, Adasa, Migdali-Gadi,
38 Dilean, Mizpe, Zɔkuteɛli,
39 Lakisi,+ Bɔzkati, Eglɔn,
40 Kabɔn, Lamamun, Kitilisi,
41 Gederɔti, Bɛti-Dagɔn, Naama, ɔ nin Makeda.+ Klɔ dandan’m be ti blu-nin-nsiɛn (16), yɛ klɔ kanngan wie’m be mantan be.
42 Libina,+ Etɛɛ, Asan,+
43 Ifta, Asna, Nezibu,
44 Keila, Akizibu, ɔ nin Maresa. Klɔ dandan’m be ti ngwlan, yɛ klɔ kanngan wie’m be mantan be.
45 Ekrɔn nin i wun lɛ klɔ dandan mun,* ɔ nin klɔ kanngan nga be mɛntɛn i’n,
46 ɔ fɛ i Ekrɔn i wia atɔliɛ lɔ, Asdɔdu i wun lɔ lika’n kwlaa, ɔ nin klɔ kanngan nga be mantan be’n.
47 Asdɔdu+ nin i wun lɛ klɔ dandan mun,* ɔ nin klɔ kanngan nga be mɛntɛn i’n. Gaza+ nin i wun lɛ klɔ dandan mun, ɔ nin klɔ kanngan nga be mɛntɛn i’n lele fa ju Ezipti Kongo’n nun lɔ, Jenvie Dan’n* nin i nuan su lɔ lika’n.+
48 Okaoka lika’n, Samiri, Zatii,+ Soko,
49 Dana, Kiriati-Sana, yɛle kɛ Debii.
50 Anabu, Ɛstemo,+ Animun,
51 Gosɛnin,+ Olɔn nin Gilo.+ Klɔ dandan’m be ti blu-nin-kun (11), yɛ klɔ kanngan wie’m be mantan be.
52 Arabi, Duma, Esan,
53 Zanimun, Bɛti-Tapua, Afeka,
54 Umta, Kiriati-Aaba, yɛle kɛ Ebrɔn,+ ɔ nin Ziɔɔ. Klɔ dandan’m be ti ngwlan, yɛ klɔ kanngan wie’m be mantan be.
55 Maɔn,+ Kaamɛli, Zifi,+ Zuta,
56 Zizreɛli, Zɔkudeamun, Zanoa,
57 Kainin, Gibea, ɔ nin Timina.+ Klɔ dandan’m be ti blu, yɛ klɔ kanngan wie’m be mantan be.
58 Aluli, Bɛti-Zii, Gedɔɔ,
59 Maarati, Bɛti-Anɔti, Ɛltekɔn. Klɔ dandan’m be ti nsiɛn, yɛ klɔ kanngan wie’m be mantan be.
60 Kiriati-Baali, yɛle kɛ Kiriati-Zearimun,+ ɔ nin Raba. Klɔ dandan’m be ti nɲɔn, yɛ klɔ kanngan wie’m be mantan be.
61 Aawlɛ flɛnnɛn’n nun lɔ klɔ mun: Bɛti-Araba,+ Midinin, Sekaka,
62 Nibisan, Njin Klɔ, ɔ nin An-Gedi.+ Klɔ dandan’m be ti nsiɛn, yɛ klɔ kanngan wie’m be mantan be.
63 Zebisifuɛ+ nga be tran Zerizalɛmun+ lɔ’n, Zida yasua’m b’a kwlá fuanman be.+ Ɔ maan andɛ nin andɛ’n Zebisifuɛ’m be nin Zidafuɛ mun yɛ be tran Zerizalɛmun lɛ-ɔ.
Ja ngua lɔ ndɛ mun
^ Annzɛ “be tuli i wun fɔtɔ be mannin.”
^ Yɛle kɛ, Jenvie Dan’n, mɔ be flɛ i ekun kɛ Mediterane’n.
^ Yɛle kɛ, Mediterane’n.
^ Yɛle kɛ, Kalɛbu.
^ Be kwla se ekun kɛ “kɛ ɔ o i aflunmun’n su’n ɔ boli ndɛ.”
^ Annzɛ “Negɛbu.”
^ I bo’n yɛ: “Nzue Lika.”
^ Be kwla se ekun kɛ “Gedera nin i bua tawlɛ mun.”
^ Annzɛ “klɔ nga be bo sin yiɛ i’n.”
^ Yɛle kɛ, Mediterane’n.
^ Annzɛ “klɔ nga be bo sin yiɛ i’n.”