Zozie 16:1-10
16 Kpɛkun lika nga be tuli i wun fɔtɔ+ mannin Zozɛfu i mma mun’n,+ ɔ fɛ i Zurdɛn’n m’ɔ o Zeriko i wun lɛ’n su lele kɔ Zeriko i wia afiliɛ lɔ nzue ti’m be su lɔ. Ɔ fɛ i aawlɛ flɛnnɛn’n m’ɔ o Zeriko lɛ’n su lele fa ju Betɛli+ lɔ okaoka lika’n nun lɔ.
2 Ɔ fɛ i Betɛli m’ɔ o Lizi i wun lɛ’n su lele kɔ Aakifuɛ’m be awɛ ng’ɔ o Atarɔti lɔ’n su,
3 kpɛkun ɔ jra kɔ Zaflɛtifuɛ’m be awɛ’n su lɔ wia atɔliɛ lɔ, ɔ ju Bɛti-Orɔn ng’ɔ o Ngua Lɔ’n+ nin Gezɛɛ+ lɔ, yɛ ɔ wie jenvie’n su.
4 Ɔ maan Manase nin Efraimun mɔ be ti Zozɛfu i mma mun’n+ be fali be lika liɛ’n.+
5 Efraimun i mma’m be lika nga be cɛcɛli nun mannin be awlobo mun’n i awɛ’n yɛ: Be lika’n i wia afiliɛ lɔ awɛ’n yɛle Atarɔti-Adaa,+ ɔ kɔ lele ju Bɛti-Orɔn ng’ɔ o Nglo Lɔ’n+ su.
6 Awɛ’n ju jenvie’n su lɔ. Mikimetati+ o nglo lɔ lika’n nun, yɛ awɛ’n bli sin wia afiliɛ lɔ kɔ Tana-Silo, kpɛkun ɔ sin wia afiliɛ lɔ kɔ Zanoa.
7 Ɔ fɛ i Zanoa lɛ jra kɔ Atarɔti nin Naara, ɔ ju Zeriko,+ kpɛkun ɔ kɔ Zurdɛn’n su lɔ.
8 Awɛ’n fɛ i Tapia+ lɛ sin kɔ wia atɔliɛ lɔ, ɔ ju Kana Kongo’n nun lɔ, yɛ ɔ wie jenvie’n+ su. Efraimun akpasua’n i aja like liɛ’n yɛ ɔ o lɛ-ɔ, awlobo kun nin i liɛ.
9 Efraimun i osu’n nunfuɛ’m be klɔ dandan’m be wie o Manase i lika liɛ’n nun.+ Yɛ klɔ kanngan wie’m be mantan be.
10 Sanngɛ b’a fuanman Kanaanfuɛ nga be tran Gezɛɛ lɔ’n.+ Ɔ maan andɛ nin andɛ’n, Kanaanfuɛ’m be te tran Efraimunfuɛ’m be afiɛn,+ be miannin be kɛ be di junman man be.+