Zozie 19:1-51
19 I sin’n, lika’n i nɲɔn su nga be tuli i wun fɔtɔ’n+ ɔ yoli Simeɔn liɛ, ɔ yoli Simeɔn akpasua’n+ nun awlobo’m be liɛ. Be lika liɛ’n wo Zida lika liɛ’n nun.+
2 Be aja like liɛ’n yɛle Beɛ-Seba+ nin Saba, Molada,+
3 Azaa-Siali,+ Bala, Ezɛmun,+
4 Ɛltoladi,+ Betuli, Ɔɔma,
5 Ziklagi,+ Bɛti-Maakabɔtu, Azaa-Susa,
6 Bɛti-Lebaɔti,+ ɔ nin Saruɛn. Klɔ dandan’m be ti blu-nin-nsan (13), yɛ klɔ kanngan wie’m be mantan be.
7 Ainin, Rimɔn, Etɛɛ, ɔ nin Asan.+ Klɔ dandan’m be ti nnan, yɛ klɔ kanngan wie’m be mantan be,
8 ɔ nin klɔ kanngan kwlaa nga be bo sin yia klɔ dandan sɔ mun’n, lele fa ju Baalati-Beɛɛ, yɛle kɛ Rama m’ɔ o ja ngua lɔ’n su. Simeɔn akpasua’n i aja like liɛ’n yɛ ɔ o lɛ-ɔ, awlobo kun nin i liɛ.
9 Zida i lika liɛ’n i wie yɛ be fa mannin Simeɔn i mma mun-ɔn, afin Zida i lika’n ti dan ngboko. Ɔ maan Simeɔn i mma’m be lika’n wo be liɛ’n nun.+
10 Lika’n i nsan su nga be tuli i wun fɔtɔ’n,+ ɔ yoli Zabilɔn+ i mma’m be awlobo’m be liɛ, be lika’n i awɛ’n kɔ lele ju Saridi.
11 Be awɛ’n fu kɔ wia atɔliɛ lɔ lika’n nun, ɔ kɔ Mareali, ɔ ju Dabesɛti, yɛ ɔ kɔ kongo ng’ɔ o Zɔkuneamun i ɲrun ndɛnman su lɛ’n su lɔ.
12 Ɔ fɛ i Saridi lɛ kɔ wia afiliɛ lɔ, ɔ ju Kislɔtu-Tabɔɔ awɛ’n su lɔ, ɔ bo nun Daberati,+ kpɛkun ɔ fu kɔ Zafia.
13 Ɔ fɛ i lɛ kɔ wia afiliɛ lɔ, ɔ kɔ Gati-Efɛɛ,+ ɔ kɔ Ɛti-Kazinin, ɔ bo nun Rimɔn, yɛ ɔ ju Nea.
14 Ɔ bli kɔ nglo lɔ lika’n nun, ɔ ju Anatɔn, yɛ ɔ wie Iftaɛli-Ɛli Kongo’n su lɔ,
15 ɔ nin Katati, Naalali, Simunrɔn,+ Idala, ɔ nin Bɛtleɛmun.+ Klɔ dandan’m be ti blu-nin-nɲɔn (12), yɛ klɔ kanngan wie’m be mantan be.
16 Zabilɔn i mma’m be aja like liɛ’n yɛ ɔ o lɛ-ɔ, awlobo kun nin i liɛ.+ Be klɔ dandan mun nin klɔ kanngan nga be mantan be’n yɛ be o lɛ-ɔ.
17 Lika’n i nnan su nga be tuli i wun fɔtɔ’n,+ ɔ yoli Isakaa+ i liɛ, ɔ yoli Isakaa i mma’m be awlobo’m be liɛ.
18 Be awɛ’n ju Zizreɛli,+ Kesulɔtu, Sunɛmun,+
19 Afaraimun, Siɔn, Anaarati,
20 Rabiti, Kisiɔn, Ebɛzi,
21 Remɛti, An-Ganimun,+ An-Ada, Bɛti-Pazɛzi.
22 Awɛ’n ju Tabɔɔ+ nin Saazuma, ɔ nin Bɛti-Semɛsi, yɛ be awɛ’n i awieliɛ’n yɛle Zurdɛn’n. Klɔ dandan’m be ti blu-nin-nsiɛn (16), yɛ klɔ kanngan wie’m be mantan be.
23 Isakaa akpasua’n i aja like liɛ’n yɛ ɔ o lɛ-ɔ, awlobo kun nin i liɛ.+ Be klɔ dandan mun nin klɔ kanngan nga be mantan be’n, be yɛ be o lɛ-ɔ.
24 Lika’n i nnun su nga be tuli i wun fɔtɔ’n,+ ɔ yoli Azɛɛ+ akpasua’n nun awlobo’m be liɛ.
25 Be awɛ’n yɛle Ɛlkati,+ Ali, Betɛnin, Akisafu,
26 Alamelɛki, Amadi, ɔ nin Misali. Wia atɔliɛ lika’n nun lɔ’n, ɔ ju Kaamɛli,+ yɛ ɔ ju Siɔɔ-Libinati,
27 yɛ ɔ bli kɔ wia afiliɛ lɔ, Bɛti-Dagɔn i wun lɔ, ɔ ju Zabilɔn nin Iftaɛli-Ɛli Kongo’n nun lɔ nglo lɔ lika’n nun, ɔ kɔ Bɛti-Emɛki nin Neiɛli, kpɛkun ɔ kɔ lele ju Kabulu i bɛ su lɔ,
28 ɔ kɔ Ebrɔn, Reɔbu, Amɔn, ɔ nin Kana lele fa ju Sidɔn+ Dan’n su lɔ.
29 Awɛ’n bli kɔ Rama lele fa ju Tir+ klɔ mɔ i wun ti sisiwa’n su lɔ. Awɛ’n bli kɔ Osa, kpɛkun ɔ wie jenvie’n su lɔ, Akizibu,
30 nin Uma, nin Afɛki,+ ɔ nin Reɔbu+ be asa’n su lɔ. Klɔ dandan’m be ti ablaɔn-nin-nɲɔn (22), yɛ klɔ kanngan wie’m be mantan be.
31 Azɛɛ akpasua’n i aja like liɛ’n yɛ ɔ o lɛ-ɔ, awlobo kun nin i liɛ.+ Klɔ dandan mun nin klɔ kanngan nga be mantan be’n, be yɛ be o lɛ-ɔ.
32 Lika’n i nsiɛn su nga be tuli i wun fɔtɔ’n,+ ɔ yoli Nɛftali i mma’m be liɛ, ɔ yoli Nɛftali i mma’m be awlobo’m be liɛ.
33 Be awɛ’n fɛ i Elɛfu lɛ, ɔ fɛ i Zaanannimun+ waka dan’n i wun lɛ kɔ Adami-Nekɛbu nin Zabneɛli, lele fa ju Lakumun. Yɛ ɔ wie Zurdɛn’n su lɔ.
34 Awɛ’n bli kɔ wia atɔliɛ lɔ, ɔ kɔ Aznɔti-Tabɔɔ, yɛ ɔ fɛ i lɛ kɔ Ikɔku, ɔ ju Zabilɔn i ngua lɔ lika’n nun, ɔ kɔ Azɛɛ m’ɔ o wia atɔliɛ lɔ’n su lɔ, yɛ ɔ kɔ lele ju Zida lɔ, Zurdɛn’n i wia afiliɛ lɔ.
35 Klɔ nga be wun ti sisiwa’n be yɛle Zidimun, Zɛɛ, Amati,+ Rakati, Kinerɛti,
36 Adama, Rama, Azɔɔ,+
37 Kedɛsi,+ Edrei, An-Azɔɔ,
38 Zirɔn, Migdali-Ɛli, Orɛmun, Bɛti-Anati, ɔ nin Bɛti-Semɛsi.+ Klɔ dandan’m be ti blu-nin-ngwlan (19), yɛ klɔ kanngan wie’m be mantan be.
39 Nɛftali akpasua’n i aja like liɛ’n yɛ ɔ o lɛ-ɔ, awlobo kun nin i liɛ.+ Be klɔ dandan mun nin klɔ kanngan nga be mantan be’n, be yɛ be o lɛ-ɔ.
40 Lika’n i nso su nga be tuli i wun fɔtɔ’n,+ ɔ yoli Dan+ akpasua’n nun awlobo’m be liɛ.
41 Be lika’n i awɛ’n yɛle Zora,+ Ɛstaɔlu, Iri-Semɛsi,
42 Salabinin,+ Azalɔn,+ Itla,
43 Elɔn, Timina,+ Ekrɔn,+
44 Ɛlteke, Gibetɔn,+ Baalati,
45 Zeidi, Bene-Beraki, Gati-Rimɔn,+
46 Me-Zarkɔn, ɔ nin Rakɔn. Awɛ’n sin Zope+ i ɲrun ndɛnman su lɛ.
47 Sanngɛ Danfuɛ’m be lika liɛ’n ti kaan dan, ɔ juman be.+ Ɔ maan be nin Lesɛmunfuɛ’m be ko kunnin alɛ,+ be fali klɔ’n kpɛkun be fali tokofi kunnin i nunfuɛ mun. I sin’n, be fali klɔ’n yoli be liɛ, yɛ be trannin nun. Be kacili Lesɛmun i dunman’n, be flɛli i Dan. Be nannan i dunman’n+ yɛ be fa tɔnnin i-ɔ.
48 Dan akpasua’n i aja like liɛ’n yɛ ɔ o lɛ-ɔ, awlobo kun nin i liɛ. Be klɔ dandan mun nin klɔ kanngan nga be mantan be’n yɛ be o lɛ-ɔ.
49 Kɛ be kpɛkpɛli mɛn’n nun kɛ ngalɛ’n sa yɛ be fa yoli be aja like-ɔ. I sin’n, Izraɛlifuɛ’m be mannin Nɛn i wa Zozie i aja like liɛ be afiɛn.
50 Be mɛnnin i klɔ ng’ɔ seli kɛ be fa mɛn i’n, kɛ nga Zoova fa kannin’n sa. Klɔ sɔ’n yɛle Timnati-Sera,+ ɔ o Efraimun okaoka lika’n nun lɔ. Ɔ maan ɔ kplannin klɔ’n i uflɛ kpɛkun ɔ trannin nun.
51 Lika nga Eleazaa m’ɔ ti Ɲanmiɛn ɲrun jranfuɛ’n, ɔ nin Zozie m’ɔ ti Nɛn i wa’n, ɔ nin Izraɛli akpasua’m be si’m be awlobo kpɛn’m be tuli fɔtɔ be cɛcɛli nun+ Zoova ɲrun Silo+ lɔ’n, tannin sua mɔ Ɲanmiɛn yi i wun nglo nun’n+ i anuan’n nun lɛ’n yɛ ɔ o lɛ-ɔ. Kɛ be wieli mɛn’n i nun cɛcɛ kɛ ngalɛ’n sa.