Zozie 21:1-45
21 Levifuɛ’m be si’m be awlobo’m be su kpɛn’m be ko toli Ɲanmiɛn ɲrun jranfuɛ Eleazaa,+ nin Zozie m’ɔ ti Nɛn i wa’n, ɔ nin Izraɛli akpasua’m be si’m be awlobo’m be su kpɛn mun,
2 kpɛkun be kannin ndɛ kleli be Silo+ lɔ, Kanaan mɛn’n nun. Be seli be kɛ: “Zoova seli Moizi kɛ be man e klɔ wie mun naan e tran su, ɔ nin e nnɛn’m be didiwlɛ klɔ sɔ’m be wun lɛ.”+
3 Ɔ maan Izraɛlifuɛ’m be fali klɔ sɔ mun,+ ɔ nin be wun lɛ nnɛn didiwlɛ mun be mannin Levifuɛ mun, kɛ nga Zoova fa kannin’n sa. Be fali be be aja like’n nun yɛ be fa mannin be-ɔ.+
4 Lika nga be tuli i wun fɔtɔ’n, ɔ yoli Keatifuɛ’m+ be awlobo’m be liɛ. Be mannin Levifuɛ mɔ be ti Aarɔn m’ɔ ti Ɲanmiɛn ɲrun jranfuɛ’n i mma’m be lika liɛ. Be fali klɔ blu-nin-nsan (13) Zida+ akpasua’n nin Simeɔn akpasua’n,+ ɔ nin Bɛnzamɛn akpasua’n+ nun mannin be.
5 Keatifuɛ onga’m be liɛ’n, be mannin be* klɔ blu. Be ɲannin klɔ sɔ mun Efraimun akpasua’n+ nun awlobo mun, nin Dan akpasua’n nin Manase akpasua’n i bue kun nunfuɛ’m+ be sa nun.
6 Gɛɛsɔnfuɛ’m+ be liɛ’n, be mannin be klɔ blu-nin-nsan (13). Be ɲannin be klɔ sɔ mun Isakaa akpasua’n nun awlobo mun, nin Azɛɛ akpasua’n nunfuɛ mun, nin Nɛftali akpasua’n nunfuɛ mun, nin Manase akpasua’n i bue kun nunfuɛ nga be o Basan+ lɔ’n be sa nun.
7 Merarifuɛ’m+ be awlobo’m be liɛ’n, be mannin be klɔ blu-nin-nɲɔn (12). Be ɲannin be klɔ sɔ mun Ribɛnin akpasua’n nunfuɛ mun, nin Gadi akpasua’n nunfuɛ mun, ɔ nin Zabilɔn akpasua’n nunfuɛ’m+ be sa nun.
8 Izraɛlifuɛ’m be tuli fɔtɔ be fali klɔ sɔ mun, ɔ nin be wun lɛ nnɛn didiwlɛ mun mannin Levifuɛ mun, kɛ nga Zoova kan kleli Moizi’n sa.+
9 Ɔ maan be fali klɔ nga be o yɛ mun Zida akpasua’n nun, nin Simeɔn akpasua’n nun. Be boli klɔ sɔ’m be dunman.+
10 Be fa mannin Levifuɛ mɔ be ti Aarɔn i mma mun’n, mɔ be ti Keatifuɛ’m be awlobo’m be nunfuɛ’n. Afin lika klikli nga be tuli i wun fɔtɔ’n, ɔ yoli be liɛ.
11 Be fali Kiriati-Aaba,+ yɛle kɛ Ebrɔn+ m’ɔ o Zida okaoka lika’n nun lɔ’n be mannin be, ɔ nin i wun lɛ nnɛn didiwlɛ nga be bo sin yiɛ i’n. (Aaba ti Anaki i si.)
12 Sanngɛ be fali klɔ’n i wun lɛ lika mun ɔ nin klɔ kanngan nga be mɛntɛn i’n, be mannin Kalɛbu m’ɔ ti Zefine i wa’n naan ɔ yo i liɛ.+
13 Be fali klɔ nga mun mannin Aarɔn m’ɔ ti Ɲanmiɛn ɲrun jranfuɛ’n i mma mun:+ Ebrɔn+ ɔ nin i wun lɛ nnɛn didiwlɛ mun, ɔ ti fiawlɛ klɔ, sran ng’ɔ kun sran’n ɔ kwla ko fia lɔ, yɛ Libina+ ɔ nin i wun lɛ nnɛn didiwlɛ mun,
14 Zatii+ ɔ nin i wun lɛ nnɛn didiwlɛ mun, Ɛstemoa+ ɔ nin i wun lɛ nnɛn didiwlɛ mun,
15 Olɔn+ ɔ nin i wun lɛ nnɛn didiwlɛ mun, Debii+ ɔ nin i wun lɛ nnɛn didiwlɛ mun,
16 Ainin+ ɔ nin i wun lɛ nnɛn didiwlɛ mun, Zuta+ ɔ nin i wun lɛ nnɛn didiwlɛ mun, Bɛti-Semɛsi ɔ nin i wun lɛ nnɛn didiwlɛ mun. Be fali akpasua nɲɔn sɔ’m be nun klɔ ngwlan.
17 Bɛnzamɛn akpasua’n nun’n, be fali Gabaɔn+ ɔ nin i wun lɛ nnɛn didiwlɛ mun, Geba ɔ nin i wun lɛ nnɛn didiwlɛ mun,+
18 Anatɔtu+ ɔ nin i wun lɛ nnɛn didiwlɛ mun, Almɔn ɔ nin i wun lɛ nnɛn didiwlɛ mun. Klɔ’m be ti nnan.
19 Klɔ nga be fa mannin Aarɔn i mma mɔ be ti Ɲanmiɛn ɲrun jranfuɛ’n, i kwlaa yoli klɔ blu-nin-nsan (13), ɔ nin be wun lɛ nnɛn didiwlɛ mun.+
20 Be tuli fɔtɔ be fali Efraimun akpasua’n nun klɔ wie mun be mannin Keatifuɛ’m be awlobo nga be kali lɛ mɔ be o Levifuɛ’m be nun’n.
21 Be fali klɔ nga mun mannin be:+ Sisɛmun+ m’ɔ ti fiawlɛ klɔ’n ɔ nin i wun lɛ nnɛn didiwlɛ mun, sran ng’ɔ kun sran’n ɔ kwla ko fia lɔ, ɔ o Efraimun okaoka lika’n nun lɔ, yɛ Gezɛɛ+ ɔ nin i wun lɛ nnɛn didiwlɛ mun,
22 Kibizaimun ɔ nin i wun lɛ nnɛn didiwlɛ mun, Bɛti-Orɔn+ ɔ nin i wun lɛ nnɛn didiwlɛ mun. Klɔ’m be ti nnan.
23 Dan akpasua’n nun’n, be fali Ɛlteke ɔ nin i wun lɛ nnɛn didiwlɛ mun, Gibetɔn ɔ nin i wun lɛ nnɛn didiwlɛ mun,
24 Azalɔn+ ɔ nin i wun lɛ nnɛn didiwlɛ mun, Gati-Rimɔn ɔ nin i wun lɛ nnɛn didiwlɛ mun. Klɔ’m be ti nnan.
25 Manase akpasua’n i bue kun’n nun’n, be fali Tanaki+ ɔ nin i wun lɛ nnɛn didiwlɛ mun, Gati-Rimɔn ɔ nin i wun lɛ nnɛn didiwlɛ mun. Klɔ’m be ti nɲɔn.
26 Klɔ mun ɔ nin be wun lɛ nnɛn didiwlɛ nga Keatifuɛ’m be awlobo onga mun be ɲɛnnin i’n, i kwlaa yoli klɔ blu.
27 Be fali Manase akpasua’n i bue kun nunfuɛ’m be klɔ wie mun mannin Gɛɛsɔnfuɛ+ mɔ be o Levifuɛ’m be awlobo’m be nun’n. Klɔ sɔ mun yɛ: Golan+ m’ɔ ti fiawlɛ klɔ’n ɔ nin i wun lɛ nnɛn didiwlɛ mun, sran ng’ɔ kun sran’n ɔ kwla ko fia lɔ, ɔ o Basan. Yɛ Beɛstera ɔ nin i wun lɛ nnɛn didiwlɛ mun. Klɔ’m be ti nɲɔn.
28 Isakaa akpasua’n nun’n,+ be fali Kisiɔn ɔ nin i wun lɛ nnɛn didiwlɛ mun, Daberati+ ɔ nin i wun lɛ nnɛn didiwlɛ mun,
29 Zaamiti ɔ nin i wun lɛ nnɛn didiwlɛ mun, An-Ganimun ɔ nin i wun lɛ nnɛn didiwlɛ mun. Klɔ’m be ti nnan.
30 Azɛɛ akpasua’n nun’n,+ be fali Misali ɔ nin i wun lɛ nnɛn didiwlɛ mun, Abdɔn ɔ nin i wun lɛ nnɛn didiwlɛ mun,
31 Ɛlkati+ ɔ nin i wun lɛ nnɛn didiwlɛ mun, Reɔbu+ ɔ nin i wun lɛ nnɛn didiwlɛ mun. Klɔ’m be ti nnan.
32 Nɛftali akpasua’n nun’n, be fali Kedɛsi+ m’ɔ o Galile lɔ’n, ɔ nin i wun lɛ nnɛn didiwlɛ mun, ɔ ti fiawlɛ klɔ,+ sran ng’ɔ kun sran’n ɔ kwla ko fia lɔ, nin Amɔti-Dɔɔ ɔ nin i wun lɛ nnɛn didiwlɛ mun, yɛ Kaatanin ɔ nin i wun lɛ nnɛn didiwlɛ mun. Klɔ’m be ti nsan.
33 Gɛɛsɔnfuɛ’m be awlobo’m be klɔ’m be kwlaa be ti klɔ blu-nin-nsan (13), ɔ nin be wun lɛ nnɛn didiwlɛ mun.
34 Be fali Zabilɔn akpasua’n+ nun klɔ wie mun mannin Merarifuɛ’m+ be awlobo mun, yɛle kɛ Levifuɛ onga mun. Klɔ sɔ mun yɛ: Zɔkuneamun+ ɔ nin i wun lɛ nnɛn didiwlɛ mun, Kaata ɔ nin i wun lɛ nnɛn didiwlɛ mun,
35 Dimna ɔ nin i wun lɛ nnɛn didiwlɛ mun, Naalali+ ɔ nin i wun lɛ nnɛn didiwlɛ mun. Klɔ’m be ti nnan.
36 Ribɛnin akpasua’n nun’n, be fali Bezɛɛ+ ɔ nin i wun lɛ nnɛn didiwlɛ mun, Zaazi ɔ nin i wun lɛ nnɛn didiwlɛ mun,+
37 Kedemɔti ɔ nin i wun lɛ nnɛn didiwlɛ mun, Mefaati ɔ nin i wun lɛ nnɛn didiwlɛ mun. Klɔ’m be ti nnan.
38 Gadi akpasua’n nun’n,+ be fali Ramɔtu m’ɔ o Galaadi lɔ’n,+ ɔ nin i wun lɛ nnɛn didiwlɛ mun, ɔ ti fiawlɛ klɔ, sran ng’ɔ kun sran’n ɔ kwla ko fia lɔ, yɛ Maanaimun+ ɔ nin i wun lɛ nnɛn didiwlɛ mun,
39 Ɛsbɔn+ ɔ nin i wun lɛ nnɛn didiwlɛ mun, Zazɛɛ+ ɔ nin i wun lɛ nnɛn didiwlɛ mun. Klɔ’m be kwlaa be ti nnan.
40 Klɔ nga be fa mannin Merarifuɛ’m be awlobo mun’n, yɛle kɛ Levifuɛ onga’m be awlobo mun’n, i kwlaa ti klɔ blu-nin-nɲɔn (12).
41 Levifuɛ’m be klɔ nga be ɲɛnnin i Izraɛlifuɛ’m be lika’m be nun’n, i kwlaa ti klɔ ablanan-nin-mɔcuɛ (48), ɔ nin be wun lɛ nnɛn didiwlɛ mun.+
42 Nnɛn didiwlɛ’m be bo sin yia klɔ sɔ’m be kwlaa. Kɛ klɔ’m be kwlaa be ti sɔ-ɔ.
43 Ɔ maan Zoova fali mɛn ng’ɔ tali Izraɛlifuɛ’m be nannan’m be nda kɛ ɔ́ fá mán be’n, ɔ fa mannin be.+ Be fali mɛn’n yɛ be trannin nun.+
44 Zoova yoli maan be mɛn’n i bue kwlaa su tɔli fɔuun, kɛ ng’ɔ fa tali be nannan’m be nda’n sa.+ Yɛ be kpɔfuɛ’m be nun wie fi w’a kwlá jranman be ɲrun.+ Zoova fali be kpɔfuɛ’m be kwlaa wlali be sa nun.+
45 Ninnge kpakpa kwlaa nga Zoova seli Izraɛlifuɛ’m be kɛ ɔ́ yó mán be’n, ɔ leman kun sa m’ɔ kpili ase-ɔ. I kwlaa’n kpɛnnin su kpan.+
Ja ngua lɔ ndɛ mun
^ Annzɛ “be tuli i wun fɔtɔ be mannin be.”
