Manman Zoova
Fa wie:
1. A le’a wunsu, Miɛn Zoova.
A tran nglonglo mmua kpa lɔ.
Sanngɛ a nian min lika kpa.
A kleli kɛ a klo min kpa.
Abonuan sa nga a yo be’n,
Be kle kɛ a le ɲrun dan.
?Wan yɛle min mɔ i ti yɛ
A yo min ye cɛn kwlakwla-ɔ?
(I SU SƆLƐ)
Ɲanmiɛn Zoova, ń tó jue mánmán wɔ.
Afin a leman wunsu.
A ti Famiɛn, famiɛn mun be famiɛn,
I sɔ’n ti’n ń mánmán wɔ.
A nin manmanlɛ fata.
2. N ti wɔ liɛ, Miɛn Zoova.
Min waan ń yí wɔ ayɛ.
Ń kán wɔ aklunye’n i ndɛ.
Ń bó wɔ aɲrunɲan’n i jɔ.
Kɛ n su wɔ’n, Miɛn Zoova,
N di su aklunjɔɛ dan.
N fa wɔ n di min nuan kpa.
Yaci, kle min atin titi.
(I SU SƆLƐ)
Ɲanmiɛn Zoova, ń tó jue mánmán wɔ.
Afin a leman wunsu.
A ti Famiɛn, famiɛn mun be famiɛn,
I sɔ’n ti’n ń mánmán wɔ.
A nin manmanlɛ fata.
3. Anglo nin wia’n nin nzraama mun,
Kongo, jenvie’n nin bo mun,
Be kle kɛ ɔ tinmin’n cɛnnin.
Yɛ be ti’n n siman wie se.
Ninnge ɲɛnmɛn ng’a yili be’n,
B’a yi asiɛ wunmuan’n piɛ.
?Ɔ maan ɔ́ yó sɛ bɔbɔ cɛ
Naan sran’m b’a yiman wɔ ayɛ?
(I SU SƆLƐ)
Ɲanmiɛn Zoova, ń tó jue mánmán wɔ.
Afin a leman wunsu.
A ti Famiɛn, famiɛn mun be famiɛn,
I sɔ’n ti’n ń mánmán wɔ.
A nin manmanlɛ fata.
(Nian Jue. 96:1-10; 148:3, 7 nun wie.)
