1. Ɲanmiɛn Ndɛ’n nin i kasiɛ’m be

Ti e tra e awlɛn.

E klo like nga e suan’n kpa,

Be lafi su ɔ yo ye.

Maan e lafi Ɲanmiɛn su kpa,

Nán e wla fi i cɛn’n su.

Maan e jran kpa, e nanti seiin,

Sa nianlɛ’n ti’n é yó kpa.

2. Klo Ɲanmiɛn titi kɛ laa’n sa,

Afin klolɛ’n kwla wie.

Kannzɛ afɛ’n tɔ e su sɛ’n,

Nán e kpɔnzɔ, e jran kpa.

Kannzɛ e su sa’n ti sɛ o,

Nán maan srɛ kun e mlɔnmlɔn.

Zoova yó maan é fíte nun,

Yɛ ɔ nin e trán titi.

 3. Be nga mɔ be jran kekle kpa’n,

Yɛ bé fíte nun ɔn.

Be dunman’n trán nguan fluwa’n nun,

Ɔ su kwlá nunnunman le.

I ti maan e tra e awlɛn.

Maan e yo sɔ cɛn kwlakwla.

Zoova klun wá jɔ́ e wun.

E aklunjuɛ’n su wie’a le.