JUE 152
Lika kun mɔ i ti’n bé yí wɔ ayɛ’n
(1 Famiɛn Mun 8:27; 1 Be Ɲoliɛ 29:14)
1. E Yifuɛ dan Ɲanmiɛn Kpli Zoova,
A sɔnman ɲanmiɛn’n i su lɔ,
Naan se kɛ á sɔ́n asiɛ’n su wa.
Sanngɛ ɔ wawɛ’n kwla tran wa.
Be nga be nanti ɔ atin’n su’n
Be yo maan ɔ sua’n ɔ ɲan ɲrun.
Ɔ sulɛ’n maan e di aklunjɔɛ.
Kɛ e yo sɔ’n ɔ klun jɔ su.
(I AGUALIƐ)
A yili like kwlaa,
Ninnge’m be ngba be fin wɔ.
Like nga a man e’n,
yɛ e fa wie e man wɔ-ɔ.
(I SU SƆLƐ)
Like nga a yo mannin e’n ti’n
É lá wɔ ase lelele.
Lika nga a fa man e yɛ’n ti’n
Nga e sunnzunnin’n w’a kpɛn su.
2. Ɲanmiɛn Zoova, a si kpa kɛ
E kunndɛ ɔ suwlɛ kpa kun.
Naan ɔ sufuɛ’m b’a kwla su wɔ nun,
Kpɛkun bé úka sran mun wie.
Maan sua nga ti’n ɔ klun sa’n kpɛn su.
Sanngɛ junman ng’ɔ ka’n te sɔn.
Ɔ fata kɛ e bo jasin fɛ’n
Kɛ nga ɔ Wa’n waan e yo’n sa.
(I AGUALIƐ)
Ɔ maan e klunklo su
E fa e wun e man wɔ.
A man e like kwlaa
ti’n é mánmán wɔ titi.
(I SU SƆLƐ)
Like nga a yo mannin e’n ti’n
É lá wɔ ase lelele.
Lika nga a fa man e yɛ’n ti’n
Nga e sunnzunnin’n w’a kpɛn su.
