1. Kan ɔ wun ase su Ɲanmiɛn,

Yo klun ufue, di nanwlɛ.

Mantan Zoova, yɛ kisɛ i su,

Naan i tinmin’n suan ɔ bo.

Nian nun fɛ i Ndɛ’n su kpa titi,

A su mlinman mlɔnmlɔn.

Maan Ɲanmiɛn Kpli kle wɔ atin

Yɛ tie i ndɛ’n naan fa su.

2. Yo sanwun Ɲanmiɛn sulɛ’n nun,

Bu sa kpa’m be akunndan.

Ɔ su sa’n kwlakwla, maan be yo dan sɛ,

Ɔ́ yó maan bé sɔ́n ɔ nun.

Like kwlaa ng’ɔ nin yolɛ fata’n,

Ndɛ kwlaa ng’ɔ ti nanwlɛ’n,

Maan ɔ akunndan tran be su,

Yɛ e Ɲanmiɛn’n jrán ɔ sin.

3. Su Ɲanmiɛn Kpli aklunjuɛ su,

Amun tra janvuɛ titi.

Ninnge kpakpa kwlaa ng’ɔ fa man e’n ti’n,

Tu ɔ klun lɛ i ase.

Maan a nin Ɲanmiɛn nanti titi,

Kle weiin kɛ ɔ klun jɔ.

Ɔ aklunjuɛ’n klé sran’m be kɛ

A ti Zoova i liɛ.