JUE 44
Afɛfuɛ’n i Ɲanmiɛn srɛlɛ
-
1. Ɲanmiɛn Zoova, n kpan flɛ wɔ, yaci:
“Tie min srɛlɛ’n.”
Klunngbɔ ng’ɔ o min klun’n cɛnnin,
min trɔ’n yo nɔnnin dan.
Min wla m’ɔ bo min wun dan’n ti’n
n leman wunmiɛn kun.
Ɲanmiɛn m’ɔ si aunvuɛ, fɔnvɔ min,
yaci yo min ye.
(I SU SƆLƐ)
Uka min maan n jran kekle.
Sɛ min wla bo’n, wla min yakpa.
Kɛ min wla bo’n, n talo wɔ.
Ɲanmiɛn Zoova, man min wunmiɛn.
-
2. Kɛ wunmiɛn ko wie min nun’n,
ɔ Ndɛ’n ɔ fɔnvɔ min kpa.
Wafa nga ɔ wla min fanngan’n,
ɔ ti abonuan dan.
Yo maan ɔ Ndɛ’n wluwlu min
wun naan n lafi ɔ su.
Uka min maan n wun kɛ
ɔ sran klolɛ’n cɛnnin kpa.
(I SU SƆLƐ)
Uka min maan n jran kekle.
Sɛ min wla bo’n wla min yakpa.
Kɛ min wla bo’n, n talo wɔ.
Ɲanmiɛn Zoova, man min wunmiɛn.
(Nian Jue. 42:7; 119:28; Rɔm. 8:26; 2 Kor. 4:16; 1 Zan 3:20 nun wie.)
