JUE 57
E bo jasin fɛ’n e kle sran kwlakwla
-
1. E kunndɛ kpa kɛ é sɔ́nnzɔn Ɲanmiɛn,
É kló sran kwlakwla, kɛ i bɔbɔ sa.
Ɲanmiɛn kunndɛ kɛ ɔ́ dé sran kwlakwla,
Be kwlaa nga be klo i’n, ɔ sɔ be nun.
(I SU SƆLƐ)
Sran kwlakwla nga e to i’n
E nianman lika ng’ɔ fin’n,
E kan Ɲanmiɛn ndɛ nanwlɛ’n e kle i.
Sran’m be ngba be ndɛ lo e,
I ti e se be ngba kɛ:
“Sran kwlakwla kwla kaci Ɲanmiɛn janvuɛ.”
-
2. Lika nga sran nga e to be’n be tran’n
Ɔ nin be sran waka’n timan cinnjin.
Sran’m be awlɛn’n yɛ ɔ ti cinnjin ɔn,
Be awlɛn’n nun yɛ Zoova nian ɔn.
(I SU SƆLƐ)
Sran kwlakwla nga e to i’n
E nianman lika ng’ɔ fin’n,
E kan Ɲanmiɛn ndɛ nanwlɛ’n e kle i.
Sran’m be ngba be ndɛ lo e,
I ti e se be ngba kɛ:
“Sran kwlakwla kwla kaci Ɲanmiɛn janvuɛ.”
-
3. Be kwlaa nga be yaci Satan i mɛn’n
Zoova sɔ be nun i klunklo su.
E klo kɛ é bó su é klé sran mun,
I ti’n e bo jasin fɛ’n kle sran kwlaa.
(I SU SƆLƐ)
Sran kwlakwla nga e to i’n
E nianman lika ng’ɔ fin’n,
E kan Ɲanmiɛn ndɛ nanwlɛ’n e kle i.
Sran’m be ngba be ndɛ lo e,
I ti e se be ngba kɛ:
“Sran kwlakwla kwla kaci Ɲanmiɛn janvuɛ.”
(Nian Zan 12:32; Yol. 10:34; 1 Tim. 4:10; Tit 2:11 nun wie.)
