?Sɛ amun waan amún trá sran kun i janvuɛ’n nzuɛn benin yɛ amun kunndɛ kɛ ɔ yi i nglo-ɔ? Atrɛkpa’n, amun kunndɛ kɛ ɔ nin amun nanti klanman titi, ɔ yo klun ufuefuɛ yɛ ɔ yo sran ye. Zoova kusu yi nzuɛn kwlaa sɔ’m be nglo. (Tu 34:6; Yol 14:17) Kɛ e srɛ i’n, ɔ tie. Kpɛkun blɛ kwlaa nga e mian ukalɛ wun’n, ɔ uka e. (Ju 18:20, 36) Ɔ yaci e sa tɛ mun cɛ e. (1Zn 1:9) Nanwlɛ, Zoova ti janvuɛ kpa.

?É yó sɛ naan y’a kaci Zoova i janvuɛ? Maan e kanngan Biblu’n nun naan e si i su ndɛ’n. Maan e kan e klun ndɛ e kle i. (Ju 62:9; 142:3) Maan e kle Zoova kɛ ninnge ng’ɔ ti i cinnjin’n be ti e cinnjin wie. Ninnge sɔ’m be wie yɛle i Wa’n nin i Famiɛn dilɛ’n ɔ nin ninnge kpakpa ng’ɔ́ fá mán e’n. Kpɛkun maan e kan Zoova ndɛ e kle sran mun. (Mml 32:3) Sɛ e mian e ɲin naan e nin Zoova e afiɛn mantan kpa’n, ɔ́ yó e janvuɛ tititi.—Ju 73:25, 26, 28.

AN NIAN VIDEO NGA BE FLƐ I KƐ GBANFLƐN NIN TALUA MUN: ‘AMUN NIAN KƐ ZOOVA TI KPA DAN’N’. I SIN’N, AN TƐ KOSAN NGA’M BE SU:

• ?Ngue yɛ á yó naan w’a kwla fa ɔ wun w’a man Ɲanmiɛn naan b’a yo ɔ batɛmun-ɔn?

• ?Wafa sɛ yɛ asɔnun’n nunfuɛ’m be kwla uka ɔ naan w’a su Zoova-ɔ?

• ?Wafa sɛ yɛ jasin fɛ bolɛ’n uka wɔ naan a nin Zoova amun afiɛn w’a mantan kpa-ɔ?

• ?Ɲanmiɛn junman benin mun yɛ a kwla di-ɔ?

• ?Zoova i nzuɛn benin mun yɛ a klo be-ɔ?