Mɛ 27–Zuɛn 2
JUE MUN 42–44
Jue 86 yɛ srɛlɛ | Aɲia’n i su fitilɛ (Min. 1)
1. Maan e nian like nga Zoova kle e’n su e nanti
(Min. 10)
Sɛ like fi tanndanman e ɲrun’n, maan e nin aniaan mun e yia e su Zoova likawlɛ. (Ju 42:4, 5; w06 1/7 9 § 4)
Maan e srɛ Ɲanmiɛn ka naan y’a suɛn i nuan Ndɛ’n i nun like. (Ju 42:8; w19.01 18 § 15)
Like kwlaa nga é yó nun’n, maan e nanti Biblu’n nun ndɛ’n su. (Ju 43:3)
Like nga Zoova kle e’n uka e naan y’a jran e su sa’m be ɲrun kekle. Asa’n ɔ uka e naan y’a yia nda nga e tɛli i kɛ é sú i titi’n i nuan.—1Pi 5:10; w16.09 9-10 § 11-12.
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ju 44:19—?Kɛ jue tofuɛ’n se kɛ “kan blo alua’m be tran lɛ’n” atrɛkpa’n ngue ndɛ yɛ i waan ɔ́ kán-ɔn? (it-1-F 417)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 44:1-26 (th like suanlɛ 11)
4. A nin sran bo yalɛ kokolɛ bo
(Min. 4) AWLOAWLO’M BE NUN. Se sran’n kɛ a kunndɛ kɛ á klé i Biblu’n nun like. (lmd like suanlɛ 5 ndɛ ja 5)
5. Nian sran osu
(Min. 5) AWLOAWLO’M BE NUN. Yia sran’n naan ɔ wa tie ndɛ kun mɔ bé wá yíyí nun Fue annzɛ Mɔnnɛn cɛn aɲia’n i bo’n. Yɛ video nga be flɛ i kɛ ?Ngue yɛ be yo i Ɲanmiɛn Sielɛ Sua’n nun lɔ-ɔ? yo kɛ w’a bo w’a kle sran’n sa. kpɛkun amun koko su yalɛ. (lmd like suanlɛ 7 ndɛ ja 5)
6. Ijɔlɛ
(Min. 3) lmd ndɛ uflɛ wie mun 1 ndɛ ja 4—Ndɛ nga á yíyí nun’n: Blɛ kun wá jú’n sran’m be su tɔman tukpacɛ kun. (th like suanlɛ 2)
Jue 21
7. Junman nin suklu dilɛ nun’n, maan e fa ajalɛ ngwlɛlɛ su
(Min. 15) Yalɛ kokolɛ.
?Gbanflɛn nin talua mun, kɛ amún wá wíe suklu’n i dí’n like nga amún yó’n amun a bu i akunndan? Atrɛkpa’n, amun bu junman nga an kwla di naan amun a kaci atin bofuɛ’n i akunndan. Atrɛkpa kusu’n, like nga an kwla yo naan amun a si like wie yo annzɛ amun a ɲan diplɔmun ng’ɔ kwla uka amun naan amun a di junman sɔ’n, amun bu i akunndan wie. Kɛ mɔ an te yo gbanflɛn annzɛ talua’n ti’n, an kwla yo ninnge sunman! Kɛ mɔ ninnge nga amun kwla yo be’n be sɔnnin’n ti’n amun siman kun nga amún yó’n. Annzɛ amun se amun wun kɛ ajalɛ nga amún á fa’n ɔ su yoman sran wie’m be fɛ. ?Ɔ nin i sɔ’n ngba’n, ngue yɛ ɔ kwla uka amun naan amun a fa ajalɛ kpa-ɔ?
An kanngan Matie 6:32, 33 nun. I sin’n usa nzrafuɛ’m be kɛ:
-
?Ngue ti yɛ ka naan y’a fa junman nin suklu dilɛ’n be wun ajalɛ wie mun’n, ɔ fata kɛ e si like trele nga e waan é yó mán Zoova’n niɔn?
-
?Wafa sɛ yɛ siɛ nin niɛn’m be kwla uka be mma mun naan b’a nanti ndɛ ng’ɔ o Matie 6:32, 33 nun’n su-ɔ?—Ju 78:4-7
Ɔ fata kɛ amun nian amun wun su naan ajalɛ nga an fa be’n, b’a kleman kɛ amun kunndɛ kɛ amún ɲán sika kaka annzɛ amún ɲán ɲrun. (1Zn 2:15, 17) Nán amun wla fi su kɛ, kɛ ɔ ko yo naan sran ng’ɔ le sika kaka’n w’a sɔ Ɲanmiɛn Sielɛ’n i jasin fɛ’n nun’n, ɔ kwla yo kekle mɛn i. (Lik 18:24-27) Sran ng’ɔ fa aɲanbeun ninnge’m be kunndɛlɛ’n cici i ti’n, ɔ su ɲanman blɛ naan w’a yo ninnge ng’ɔ fata kɛ ɔ yo be naan ɔ nin Zoova be afiɛn w’a mantan kpa’n.—Mat 6:24; Mar 8:36.
Bo VIDEO nga be flɛ i kɛ Maan e nian e wun su!: Nán e fa e wla e guɛ i sika su. I sin’n usa nzrafuɛ’m be kɛ:
-
?Wafa sɛ yɛ ndɛ ng’ɔ o Ɲanndra Mun 23:4, 5 nun’n, kwla uka amun naan amun a fa ajalɛ kpa-ɔ?
8. Asɔnun’n i Biblu’n nun like suanlɛ
(Min. 30) bt ndɛ tre 10 § 5-12
