• Ju 36:6—?Kɛ jue tofuɛ’n se kɛ Zoova i sa nuan su sɛsɛ yolɛ’n ɔ ti kɛ “oka mɔ be yo ɲɛnmɛn” [annzɛ “Ɲanmiɛn i oka mun” jnd.] sa’n, atrɛkpa’n ngue ndɛ yɛ i waan ɔ́ kán-ɔn? (it-2-F 341)

  Wafa nga á tɛ́ su’n

• ?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

  Wafa nga á tɛ́ su’n

Andɛ’n, sanvuɛsa mun nin ninnge wie mɔ sran’m be yo be’n ti’n, e niaan’m be wun be ɲrun kpa. (Ju 9:​9, 10) Asa’n “ɲrɛnnɛn’n” kwla tɔ e kwlaa e su blɛ kwlaa nun. Ɔ maan ɔ fata kɛ e siesie e wun e sie naan y’a kwla jran kekle.

I lɛ nun’n e kwla yo ninnge trele wie mun. a Maan e kan ninnge sɔ’m be nun nɲɔn be ndɛ.

• Nán ɔ wla fi ɲrɛnnɛn blɛ’n su: Nán ɔ wla fi su kɛ sanvuɛsa wie kwla fu ɔ nun. Yɛ sɛ i sɔ sa’n wie tɔ ɔ su’n, like nga á yó’n dun mmua bu i akunndan sie. Nán fa ɔ wla guɛ i ɔ aɲanbeun ninnge’m be su. Sɛ a yo sɔ’n, á fá ajalɛ kpa. Yɛle kɛ a su buman like nga a kwla yo naan w’a sasa ɔ sa nun ninnge mun’n i akunndan. Sanngɛ á fá ɔ ɲin síe i like nga a kwla yo naan w’a de ɔ bɔbɔ nin sran uflɛ’n be su. (Bob 19:16; Ju 36:9) Asa’n sɛ ɲrɛnnɛn blɛ’n nun’n, ninnge sɔ’m be fi ɔ sa’n ɔ wla su boman ɔ wun dan.—Ju 37:19

• Maan a nin Zoova amun afiɛn mantan kpa: Maan ɔ tran ɔ klun titi kɛ Zoova kunndɛ kɛ ɔ́ nían ɔ lika yɛ ɔ kwla yo sɔ kusu. (Ju 37:18) Kwlaa naan sanvuɛsa kun w’a ju’n, bu wafa nga Zoova kle i sufuɛ’m be atin yɛ ɔ suan be bo’n be akunndan titi. Sɛ a yo sɔ naan i sɔ sa’n wie ju naan like kwlaa fi ɔ sa naan sɛ é kwlá sé’n ‘ɔ nguan’n i ngunmin yɛ ɔ kali’n,’ á kwlá jrán kekle.—Zer 45:5; Ju 37:​23, 24.

Sɛ e lafi su kɛ Zoova yía nda kwlaa ng’ɔ tali e’n be nuan’n, é fɛ́ i yó e “fiawlɛ ɲrɛnnɛn blɛ nun.”—Ju 37:39.

Bo VIDEO nga be flɛ i kɛ ?Amun kwla jran ɲrɛnnɛn sa’m be ɲrun kekle? I sin’n usa nzrafuɛ’m be kɛ:

• ?Blɛ kekle nun’n, wafa sɛ yɛ Zoova uka e-ɔ?

  Tɛ su wa

• ?Ka naan sanvuɛsa kun w’a ju’n, ngue yɛ e kwla yo fa siesie e wun-ɔn?

  Tɛ su wa

• ?Wafa sɛ yɛ e kwla uka be nga sanvuɛsa ɲannin be’n niɔn?

  Tɛ su wa