• Ju 23:3—?Ngue yɛle ‘sa nuan su sɛsɛ yolɛ’n i atin mun’? ?Yɛ ngue yɛ ɔ kwla uka e naan y’a ka atin sɔ’m be su titi-ɔ? (w11 1/2 24 § 1-3)

  Wafa nga á tɛ́ su’n

• ?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

  Wafa nga á tɛ́ su’n

Bua’m be si be tafuɛ’n i nɛn’n yɛ be su i su. Sanngɛ kɛ be ti sran nga be simɛn i’n i nɛn’n, be wanndi. (Zan 10:5) I wafa kunngba’n, e tie Zoova nin Zezi mɔ sɛ é kwlá sé’n be ti e tafuɛ’n be nɛn’n yɛ e lafi be su. (Ju 23:1; Zan 10:11) Sanngɛ e tieman be nga be waan ‘bé kán ndɛ fá laka e’ naan e yaci Ɲanmiɛn su lafilɛ’n be nɛn’n. Afin be ti kɛ aofuɛ sa e ɲrun yɛ e siman be.—2Pi 2:​1, 3.

Bo bolɛ ndɛ tre nsan’n kan kpɛ klikli nga be tili sran m’ɔ ti kɛ aofuɛ sa’n i nɛn’n i ndɛ. Sran sɔ’n yɛle Satan. Satan w’a yimɛn i wun nglo weiin w’a kleman Ɛvu, sanngɛ ɔ sinnin wuo kun i lika yɛ ɔ nin i be ijɔli-ɔ. I lɛ nun’n ɔ lɛkɛli i. Ɔ yoli kɛ ɔ ti Ɛvu i janvuɛ sa yɛ ɔ kpɛli ndɛ nga Zoova kannin’n i wun kpɛkun ɔ buali Zoova i su ato. I ng’ɔ yo ɲrɛnnɛn’n yɛle kɛ Ɛvu fali ndɛ nga Satan kannin’n su. I sɔ m’ɔ yoli’n kpɛli ɲrɛnnɛn yili i bɔbɔ nin i awlobo nunfuɛ’m be su.

Andɛ’n, Satan kunndɛ kɛ ɔ́ yó naan e akunndan’n yo nɲɔnnɲɔn Zoova nin i anuannzɛ’n be su. I sɔ yolɛ nun’n, ɔ yo maan sran’m be kan be ndɛ tɛtɛ, be kpɛ be su ndɛ nanwlɛ’n i wun yɛ wie liɛ’n be bua be su ato. Sɛ e ti sran kun m’ɔ ti kɛ aofuɛ sa’n i nɛn’n, ɔ fata kɛ e wanndi! Sɛ e tie i ndɛ’n i kaan sa bɔbɔ’n, i bo kwla gua tɛ kpa. I sɔ yɛ Satan yoli-ɔ. Kɛ ɔ́ láka Ɛvu’n w’a kanman ndɛ kaka. (Bob 3:​1, 4, 5) ?Yɛ sɛ sran kun mɔ e si i’n, m’ɔ klo e’n, ɔ kan Zoova i anuannzɛ’n i wun ndɛ tɛtɛ kle e’n nin? ?Ngue yɛ é yó-ɔ?

Bo VIDEO nga be flɛ i kɛ Maan e kpalo “aofuɛ’m be nɛn’n.” I sin’n, usa nzrafuɛ’m be kɛ:

Jadi i manmin m’ɔ suman Zoova’n kunndɛli kɛ ɔ́ kán Zoova i anuannzɛ’n i su ndɛ tɛtɛ wie mun klé Jadi. ?Ngue yɛ like nga Jadi yoli’n kle e-ɔ?