Avrili 29–Mɛ 5
JUE MUN 34–35
Jue 10 yɛ srɛlɛ | Aɲia’n i su fitilɛ (Min. 1)
1. ‘Manman Zoova blɛ kwlaa nun’
(Min. 10)
Kannzɛ sa tɔli Davidi su’n sanngɛ ɔ manmannin Zoova. (Ju 34:1; w07 1/3 25 § 11)
Davidi w’a faman ninnge ng’ɔ yoli be’n w’a dimɛn i nuan, Zoova yɛ ɔ fa dili i nuan-ɔn. (Ju 34:2-4; w07 1/3 26 § 13)
Kɛ Davidi mánmán Zoova’n ndɛ ng’ɔ kannin’n, ɔ wlɛli i janvuɛ’m be fanngan. (Ju 34:5; w07 1/3 26-27 § 15)
Kɛ Davidi ɲɛnnin i ti Abimelɛki sa nun’n, yasua ya nnan (400) mɔ be klun jɔman Saili wun’n be toli Davidi awlɛ flɛnnɛn’n nun lɔ. (1Sa 22:1, 2) Atrɛkpa’n sran sɔ mun yɛ Davidi kannin be ndɛ Jue nga nun-ɔn.—Ju 34 nin i su fitilɛ’n.
USA Ɔ WUN KƐ: ‘?Cɛn uflɛ’n kɛ e nin sran kun é wá kókó yalɛ aɲia bo lɔ’n, wafa sɛ yɛ n kwla manman Zoova-ɔ?’
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ju 35:19—?Kɛ Davidi srɛli Ɲanmiɛn kɛ nán ɔ yaci be mɔ be kpɔ i’n be lɛ naan be ‘kpɛ i kannglɛ’n’ ngue ndɛ yɛ i waan ɔ́ kán-ɔn? (w06 1/6 31 § 11)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 34:1-22 (th like suanlɛ 5)
4. A nin sran bo yalɛ kokolɛ bo
(Min. 2) JASIN FƐ BOLƐ NGA B’A SIESIEMAN’N. A nin sran’n be koko yalɛ, sanngɛ i agualiɛ su’n w’a kwlá boman jasin fɛ’n w’a klemɛn i. (lmd like suanlɛ 1 ndɛ ja 4)
5. Nian sran osu
(Min. 4) JASIN FƐ BOLƐ NGA B’A SIESIEMAN’N. (lmd like suanlɛ 2 ndɛ ja 4)
6. Yiyi like nga a lafi su’n nun
(Min. 5) Ninnge’m be nglo yilɛ. ijwfq 59—Ndɛ nga amún kókó su yalɛ’n: ?Wafa sɛ yɛ Zoova i Lalofuɛ’m be si kɛ cɛn wie o lɛ’n, ɔ fataman kɛ be di i-ɔ? (th like suanlɛ 17)
Jue 59
7. Ninnge nsan mɔ be yolɛ nun’n e kwla manman Zoova’n
(Min. 15) Ijɔlɛ nin nzrafuɛ’m be kosan usalɛ.
Aɲia’m be bo’n e kwla manman Zoova ninnge sunman be yolɛ nun. É wá fá e ɲin é síe i be nun nsan be su.
Yalɛ kokolɛ nun: Kɛ e nin sran mun é kókó yalɛ’n, e kwla kan Zoova i kpa m’ɔ ti’n i ndɛ. (Ju 145:1, 7) ?A tili ndɛ wie annzɛ a kanngannin ndɛ wie m’ɔ ukali wɔ kpa-ɔ? ?Kɛ á bó jasin fɛ’n sa wie juli m’ɔ yoli ɔ fɛ kpa-ɔ? ?Sran wie kannin ndɛ annzɛ ɔ yoli like wie m’ɔ wlali ɔ fanngan-ɔn? ?Ninnge nga Ɲanmiɛn yili be’n be nun kun yo ɔ klanman kpa? Ninnge kwlaa sɔ’m be fin Zoova. Ɔ maan e nin e wiengu mun e kwla koko be su yalɛ. (Zak 1:17) Sɛ e ba aɲia’m be bo dɔ su’n yɛ é kwlá yó sɔ kpa-ɔ.
Kosan su tɛlɛ nun: Aɲia’m be kwlaa be bo’n, mian ɔ ɲin naan tɛ kosan kun su. (Ju 26:12) A kwla tɛ kosan nga be usali’n su trele annzɛ a kwla kan ndɛ uflɛ uka su. Asa’n, a kwla yiyi Biblu’n nun ndɛ mma kun nun annzɛ a kwla kan foto’n i ndɛ. Asa kusu’n, a kwla kan wafa nga e kwla nanti ndɛ kun su’n i ndɛ. Kɛ mɔ sran kaka be kunndɛ kɛ bé tɛ́ kosan su wie’n ti’n, kunndɛ kosan kaka be su tɛlɛ’n sie. Kɛ á tɛ́ kosan su’n nán ɔ tra segɔndu 30. Sɛ a yo sɔ’n, sran kaka ‘kwlá mánmán Ɲanmiɛn titi.’—Ebr 13:15.
Jue tolɛ nun: Maan e tu e klun e to Ɲanmiɛn manmanlɛ jue mun. (Ju 147:1) E su kwlá tɛman kosan su aɲia’m be kwlaa be bo. I li sɛ e o asɔnun bo kun mɔ i nunfuɛ’m be sɔnnin’n nun’n yɛ i sɔ yolɛ kwla yo kekle kpa’n niɔn. Sanngɛ jue tolɛ liɛ’n aɲia kwlaa bo’n e kwla to wie. Kannzɛ e bu i kɛ e nuan nun yoman fɛ’n, sanngɛ maan e tu e klun e to jue’n wie. Sɛ e yo sɔ’n Zoova i klun jɔ́! (2Ko 8:12) I lɛ nun’n, e kwla suan jue’m be tolɛ awlo lɔ.
Bo VIDEO nga be flɛ i kɛ E su ndɛ wie mun: Ɲanmiɛn manmanlɛ jue’m be ti e cenjele like (bue 1). I sin’n usa nzrafuɛ’m be kɛ:
?I bo bolɛ nun’n, wafa sɛ yɛ anuannzɛ’n kleli kɛ Zoova i manmanlɛ jue’m be ti cinnjin-ɔn?
8. Asɔnun’n i Biblu’n nun like suanlɛ
(Min. 30) bt ndɛ tre 9 § 1-7, akpasua nsan su’n i su fitilɛ nin kuku b. 70
