Marsi 4-10
JUE MUN 16–17
Jue 111 yɛ srɛlɛ | Aɲia’n i su fitilɛ (Min. 1)
1. “Zoova, like kpa kwlaa nga n le i’n, ɔ fin wɔ”
(Min. 10)
Kɛ e nin be nga be su Zoova e tra janvuɛ’n, e di aklunjɔɛ. (Ju 16:2, 3; w18.12 23 § 11)
Kɛ e si kɛ e ti Zoova i janvuɛ’n e klun jɔ. (Ju 16:5, 6; w14-F 15/2 29 § 4)
Kɛ e si kɛ Zoova sasa e i sulɛ nun’n, e wla gua ase. (Ju 16:8, 9; w08 1/2 7 § 2-3)
Like kpa kwlaa nga e le i’n ɔ fin Zoova. Ɔ maan kɛ Davidi sa’n, sɛ e fɛ i sulɛ’n e sie i like kwlaa ɲrun’n, é dí aklunjɔɛ.
USA Ɔ WUN KƐ: ‘?Ngue yɛ ɔ kle kɛ mɛn nga n di i siɛn’n, ɔ ti kpa tra mɛn nga n dili ka naan m’an si ndɛ nanwlɛ’n niɔn?’
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ju 16:2, 4—?Wafa sɛ yɛ Davidi buli Zoova i mmla mun-ɔn? ?Yɛ ngue ti-ɔ? (w18.12 25 § 16)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 17:1-15 (th like suanlɛ 5)
4. A nin sran bo yalɛ kokolɛ bo
(Min. 1) AWLOAWLO’M BE NUN. Fa fluwa nga e fa yia sran mun e Wla Kpɛnlɛ aɲia’n i bo’n man sran kun. (th like suanlɛ 11)
5. A nin sran bo yalɛ kokolɛ bo
(Min. 3) AWLOAWLO’M BE NUN. Fa fluwa nga e fa yia sran mun e Wla Kpɛnlɛ aɲia’n i bo’n man sran kun. Sɛ sran’n kle kɛ ndɛ’n lo i’n, bo video nga be flɛ i kɛ Maan e wla kpɛn Zezi i wie’n su’n kle i yɛ amun koko su yalɛ. (th like suanlɛ 9)
6. A nin sran bo yalɛ kokolɛ bo
(Min. 2) JASIN FƐ BOLƐ NGA B’A SIESIEMAN’N. Fa fluwa nga e fa yia sran mun e Wla Kpɛnlɛ aɲia’n i bo’n man sran kun. (th like suanlɛ 2)
7. Yo maan sran’m be kaci Zezi i sɔnnzɔnfuɛ
Jue 20
8. ?Wafa sɛ yɛ e kwla siesie e wun naan y’a tran e Wla Kpɛnlɛ aɲia’n i bo-ɔ?
(Min. 15) Ijɔlɛ nin nzrafuɛ’m be kosan usalɛ.
Ka naan Zezi w’a wu’n, ɔ kpɛli aɲia kun ba. Yɛ ɔ seli i sɔnnzɔnfuɛ’m be kɛ be yo aɲia sɔ’n titi naan be wla kpɛn i wie’n su. Kɛ mɔ e kunndɛ kɛ é nánti ndɛ sɔ’n su’n ti’n, Mɔnnɛn m’ɔ ti Marsi i le 24 su’n é wá yó aɲia sɔ’n é fá klé kɛ e wla kpɛn Zezi i wie’n su. Afin i wie’n yi klolɛ mɔ Zoova nin i bɔbɔ be klo e’n i nglo. (Lik 22:19; Zan 3:16; 15:13) ?Wafa sɛ yɛ e kwla siesie e wun naan y’a tran aɲia cinnjin sɔ’n i bo-ɔ?
-
Maan e tu e klun e yia sran mun naan be wa tie ijɔlɛ ngunmin kun’n yɛ be tran E Wla Kpɛnlɛ aɲia’n i bo wie. Maan e klɛ be nga e kunndɛ kɛ é yía be’n be dunman fluwa kun su yɛ e yia be. Sɛ sran’n tranman e asa liɛ’n su wa’n, maan e wɔ jw.org su naan e ko kunndɛ dɔ nin lika nga bé yó aɲia’n i asa liɛ’n su lɔ’n.
-
Marsi nin Avrili anglo’n be nun’n, e kwla bo jasin fɛ’n i kpa tra laa’n. Yɛle kɛ e kwla yo cɛn kunngun atin bofuɛ yɛ e kwla di dɔ 15 annzɛ 30.
-
Kɛ ɔ fɛ i Marsi i le 18 su’n, é fá e ɲin é síe i sa nga be juli lemɔcuɛ kasiɛn nga Zezi dili i asiɛ’n su wa nun’n, be su. Ɔ maan a kwla siesie ɔ wun naan w’a kanngan “afuɛ 2024, Biblu’n i bue nga é kánngan nun E Wla Kpɛnlɛ aɲia blɛ’n nun’n” m’ɔ o fluwa nga i bue 6 nin 7 su’n be nun.
-
E Wla Kpɛnlɛ cɛn nun’n, é wá nían Nglɛmun nun Ɲanmiɛn sulɛ ngunmin kun i su video ng’ɔ o jw.org su’n.
-
Maan e sɔ be nga be kpɛ klikli yɛ bé trán E Wla Kpɛnlɛ aɲia’n i bo’n be nun klanman. Asa’n, maan e sɔ jasin fɛ bofuɛ nga b’a jran jasin fɛ bolɛ’n be nun klanman wie. Sɛ aɲia’n wie naan be usa kosan’n, nán e sisi e bo naan y’a tɛ su. Asa’n, maan e flɛ be annzɛ e ko nian be osu naan e yiyi ndɛ’n nun kpa e kle be.
-
Ka naan y’a yo E Wla Kpɛnlɛ aɲia’n, yɛ kɛ e ko wie i yo’n, maan e bu e ti kpɔlɛ tɛ’n i su akunndan.
Bo VIDEO nga be flɛ i kɛ Maan e wla kpɛn Zezi i wie’n su. I sin’n usa nzrafuɛ’m be kɛ:
?Kɛ é yía sran mun e Wla Kpɛnlɛ aɲia’n i bo’n, wafa sɛ yɛ e kwla fa video’n e di junman-ɔn?
9. Asɔnun’n i Biblu’n nun like suanlɛ
(Min. 30) bt ndɛ tre 6 § 18-24, kuku b. 48
