Ɔktɔblu 7-13
JUE MUN 92–95
Jue 84 yɛ srɛlɛ | Aɲia’n i su fitilɛ (Min. 1)
1. Zoova i sulɛ’n yɛ ɔ ti like kpafuɛ’n niɔn!
(Min. 10)
Zoova yɛ ɔ fata kɛ e su i-ɔ. (Ju 92:1, 4; w18.04 28 § 5)
Ɔ ukɛ i sufuɛ mun naan be fa ajalɛ kpa naan be di aklunjɔɛ. (Ju 92:5; w18.11 23 § 8)
Ɔ bu i sufuɛ’m be kwlaa be sran, be nga b’a yo oke bɔbɔ’n ɔ bu be sran wie. (Ju 92:12-15; w20.01 19 § 18)
USA Ɔ WUN KƐ: ‘?Ngue ti yɛ n faman min wun manman Ɲanmiɛn naan be yoman min batɛmun-ɔn?’
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ju 92:5—?Wafa sɛ yɛ ndɛ mma nga yi Ɲanmiɛn i ngwlɛlɛ’n i nglo-ɔ? (cl 211 § 18)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 94:1-23 (th like suanlɛ 5)
4. A nin sran bo yalɛ kokolɛ bo
(Min. 4) JASIN FƐ BOLƐ NGA B’A SIESIEMAN’N. Kɛ a nin sran’n bé kókó yalɛ’n kan sran’m be Biblu’n nun like klelɛ junman nga a di’n i ndɛ kle i. (lmd like suanlɛ 5 ndɛ ja 3)
5. Nian sran osu
(Min. 3) JASIN FƐ BOLƐ NGA B’A SIESIEMAN’N. Se sran kun mɔ laa’n w’a kplinman su kɛ ɔ́ súan Biblu’n nun like’n kɛ a klo kɛ á klé i Biblu’n nun like. (lmd like suanlɛ 8 ndɛ ja 4)
6. Yo maan sran’m be kaci Zezi i sɔnnzɔnfuɛ
(Min. 5) A nin sran kun mɔ a kle i Biblu’n nun like m’ɔ kɔmɛn i ɲrun’n be koko yalɛ. (lmd like suanlɛ 12 ndɛ ja 5)
Jue 5
7. Kɛ awlabɔɛ’n tɔ gbanflɛn nin talua’m be su’n
(Min. 15) Yalɛ kokolɛ.
Kannzɛ e ti Zoova i sufuɛ’n, sanngɛ sa wie’m be ti’n ɔ ju wie’n e koko. I wie yɛle Davidi liɛ’n, blɛ wie nun’n sa wie’m be ti’n ɔ kokoli. Andɛ kusu’n, e niaan kpanngban be wun be sɔ wie. (Ju 13:2; 139:23) Gbanflɛn nin talua’m be o sran sɔ’m be nun wie. Ɔ ju wie’n kokolɛ’n ti’n ninnge suman be yolɛ kwla yo kekle man be. I wie yɛle suklu kɔlɛ’n annzɛ aɲia’m be bo kɔlɛ’n. Asa’n kokolɛ’n kwla kaci be wun tukpacɛ. Annzɛ i ti’n, be kwla bu be wun kunlɛ akunndan.
Gbanflɛn nin talua mun, sɛ amun wla bo amun wun’n amun bo su kle amun si nin amun nin annzɛ sran kaklaka kun. Asa’n amun srɛ Zoova naan ɔ uka amun. (Fip 4:6) Sɛ amun yo sɔ’n, ɔ́ úka amun sakpa. (Ju 94:17-19; Eza 41:10) Amun fa amun ɲin sie i sa ng’ɔ juli Sitingi su’n i su.
Bo VIDEO nga be flɛ i kɛ Zoova suannin min bo’n. I sin’n usa nzrafuɛ’m be kɛ:
• ?Biblu’n nun ndɛ mma benin yɛ ɔ ukali Sitingi-ɔ? ?Wafa sɛ yɛ ɔ ukɛli i-ɔ?
• ?Wafa sɛ yɛ Zoova suɛnnin i bo-ɔ?
Siɛ nin niɛn mun, amun kwla uka amun mma mun naan b’a jran be awlabɔɛ’n i ɲrun kekle. I lɛ nun’n amun sie amun su be nuan bo, amun kle kɛ amun klo be yɛ amun uka be naan be fa be wla guɛ i Zoova su. (Tit 2:4; Zak 1:19) Amun fa amun wla guɛ i Zoova su naan ɔ man amun wunmiɛn naan amun a kwla nian amun mma’m be lika.
Kannzɛ asɔnun nun’n e siman be nga be wla bo be wun tratra su’n nin wafa nga be wun yo be’n sanngɛ maan e kle kɛ aniaan’m be kwlaa be ndɛ lo e naan e klo be. Sɛ e yo sɔ’n i sɔ’n úka be kpa.—Ɲan 12:25; Ebr 10:24.
8. Asɔnun’n i Biblu’n nun like suanlɛ
(Min. 30) bt ndɛ tre 16 § 6-9, kuku b. 132
