Fevrie 19-25
JUE MUN 8–10
Jue 2 yɛ srɛlɛ | Aɲia’n i su fitilɛ (Min. 1)
1. “Ee Zoova, ń tú min klun ń mánmán wɔ”!
(Min. 10)
Zoova yoli ninnge kpakpa kpanngban mannin e. (Ju 8:3-6; w21.08 3 § 6)
Kɛ e kan ninnge kpakpa nga Zoova yoli be’n be ndɛ e kle sran mun’n, e mɛnmɛn i. (Ju 9:1; w20.05 23 § 10)
Kɛ e tu e klun e to Ɲanmiɛn sulɛ nun jue mun’n, ɔ ti Ɲanmiɛn i manmanlɛ wie. (Ju 9:2; w22.04 7 § 13)
USA Ɔ WUN KƐ: ‘?Like uflɛ benin yɛ n kwla yo n fa manman Zoova-ɔ?’
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ju 8:3—?Ngue yɛ jue tofuɛ’n flɛ i Ɲanmiɛn i sa’n niɔn? (it-1-F 663)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 10:1-18 (th like suanlɛ 11)
4. A nin sran bo yalɛ kokolɛ bo
(Min. 3) AWLOAWLO’M BE NUN. Sran’n se ɔ kɛ ɔ lafiman Ɲanmiɛn su. (lmd like suanlɛ 5 ndɛ ja 4)
5. Nian sran osu
(Min. 4) JASIN FƐ BOLƐ NGA B’A SIESIEMAN’N. Cɛn kun’n kɛ a nin sran’n be kokoli yalɛ’n ɔ seli wɔ kɛ ɔ lafiman Ɲanmiɛn su. Sanngɛ ɔ kunndɛ kɛ a kle i kɛ Ɲanmiɛn o lɛ sakpa. (th like suanlɛ 7)
6. Ijɔlɛ
(Min. 5) w21.06 6-7 § 15-18—Ndɛ nga á yíyí nun’n: Uka be nga a kle be Biblu’n nun like’n naan be manman Zoova. (th like suanlɛ 10)
Jue 10
7. Wafa nga e kwla bo jasin fɛ nga b’a siesieman’n kɛ ng’ɔ nin i fata’n sa’n
(Min. 10) Ijɔlɛ nin nzrafuɛ’m be kosan usalɛ.
Like kun ekun mɔ e kwla yo e fa manman Zoova kpa’n, yɛle kɛ aliɛ ba kwlaa nun kɛ é yó e ninnge mun’n, sɛ e ɲɛn i wun atin’n maan e bo jasin fɛ’n e kle sran mun. (Ju 35:28) Jasin fɛ bolɛ wafa sɔ’n kwla kun e nun wie mun e srɛ. Sanngɛ sɛ e suan wafa nga e nin sran mun e kwla bo yalɛ kokolɛ bo’n ɔ nin wafa nga e nin be e kwla koko yalɛ kɔ e ɲrun’n, e sa tɔ́ i sɔ yolɛ nun kpa kpɛkun é dí su aklunjɔɛ.
Bo VIDEO nga be flɛ i kɛ Maan e buabua e wun naan e bo ‘alaje’n i su jasin fɛ’n’—Maan e fa ajalɛ. I sin’n usa nzrafuɛ’m be kɛ:
?Video nga nun’n ngue yɛ amun wunnin i m’ɔ kwla uka amun naan amun a bo jasin fɛ nga b’a siesieman’n i kpa-ɔ?
Ninnge nga’m be kwla uka wɔ naan a nin sran b’a bo yalɛ kokolɛ bo:
-
Blɛ kwlaa nga a fite’n, fa ɔ ɲin sie i sa kwlaa nga be kwla uka wɔ naan w’a bo jasin fɛ’n w’a kle sran kun’n be su. Kɛ ɔ ko yo naan w’a kwla yo sɔ’n, srɛ Ɲanmiɛn kɛ ɔ uka ɔ. Asa ekun’n srɛ i naan ɔ yo maan a nin sran kun m’ɔ klo kɛ ɔ́ síe i su ɔ nuan bo’n be yia.
-
A nin sran’m be koko yalɛ kɛ amun si amun wun laa sa yɛ kle kɛ be ndɛ lo wɔ. Kɛ a nin sran kun bé kókó yalɛ’n fa ɔ ɲin sie i ninnge nga be kwla uka wɔ naan w’a wun Biblu’n nun ndɛ ng’ɔ kwla uka sran’n i kpa’n be su.
-
Sɛ ɔ nin i fata’n fa sran’n i nimielo’n yɛ fa ɔ liɛ’n mɛn i.
-
Sɛ w’a kwlá boman jasin fɛ’n ka naan amun a wie yalɛ koko’n nán ɔ sa sin bubu wɔ.
-
Kɛ amun ko wie yalɛ koko bɔbɔ’n nán ɔ wla fi sran’n i su. Sɛ a wun Biblu’n nun ndɛ wie annzɛ ndɛ wie m’ɔ o jw.org su’n fa ko mɛn i. Sɛ a yo sɔ’n, á klé kɛ i ndɛ lo wɔ.
Yo nga nian: Sran kun kwla usa wɔ kɛ: ‘?Fue cɛn nin Mɔnnɛn cɛn’n ngue yɛ a yoli-ɔ?’ I lɛ nun’n, a kan like kun mɔ a suɛnnin i aɲia’n bo lɔ’n annzɛ jasin fɛ bolɛ junman nga a di’n i ndɛ kle i.
8. Ninnge ng’ɔ fata kɛ asɔnun’n fɛ i ɲin sie be su’n
(Min. 5)
9. Asɔnun’n i Biblu’n nun like suanlɛ
(Min. 30) bt ndɛ tre 6 § 1-8 nin akpasua 2 su’n i su fitilɛ’n
