• Zɔb 37:20—?Laa nun’n kɛ sran’m be waan bé bó jasin mun annzɛ bé kán ndɛ uflɛ wie mun’n wafa sɛ yɛ be yo-ɔ? (it-1-F 503)

  Wafa nga á tɛ́ su’n

• ?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

  Wafa nga á tɛ́ su’n

Zoova i anuannzɛ’n man e ninnge wie mun naan sɛ mmoja ndɛ tɔ’n, y’a kwla nanti Ɲanmiɛn i mmla’m be su titi. (Yol 15:​28, 29) ?A si wafa nga a kwla fa ninnge sɔ mun ti ɔ wun ɲanman nun’n?

Fluwa Instructions médicales/Désignation d’une personne de confiance (DPA) nin fluwa Attestation individuelle (carte ic): Sɛ mmoja ndɛ tɛ sran kun i ayre yolɛ’n nun’n fluwa sɔ’m be kle like nga sran sɔ’n kunndɛ kɛ be yo’n. Aniaan nga b’a yo be batɛmun’n be kwla wun aniaan ng’ɔ niaan fluwa’m be su’n i wun naan ɔ fa fluwa DPA man be. Fluwa Attestation individuelle ti ba kanngan’m be liɛ. Ɔ fataman kɛ fluwa sɔ’m be tu e sa nun. Sɛ ɔ fata kɛ amun klɛ kun su annzɛ amun kaci i nun ndɛ’n, nán amun sisi amun bo.

Fluwa Informations pour les femmes enceintes (S-401) nin fluwa Informations pour les patients qui doivent subir une opération chirurgicale ou une chimiothérapie (S-407): Sɛ ɔ fata kɛ be yo e ayre annzɛ opele naan mmoja ndɛ kwla tɛ nun’n, fluwa sɔ’m be uka e naan y’a siesie e wun. Kɛ ɔ ko yo naan sa nga be nun’n mmoja ndɛ kwla ba nun’n b’a ɲanman e’n, fluwa sɔ’m be kle e like ng’ɔ fata kɛ e yo’n. Sɛ a ti wunnzɛfuɛ annzɛ ɔ fata kɛ be yo wɔ opele’n annzɛ kusu sɛ ɔ fata kɛ be yo wɔ kansɛli ayre’n, se asɔnun kpɛnngbɛn’m be kɛ be man ɔ fluwa ng’ɔ nin i fata’n.

Komite ng’ɔ nin dɔɔtrɔfuɛ’m be di junman’n (CLH): Asɔnun kpɛnngbɛn nga be o komite sɔ’n nun’n, be kleli be like naan b’a kwla di junman sɔ’n i kpa. Yɛle kɛ be yiyi mmoja’n i su ndɛ wie’m be nun be kle dɔɔtrɔ mun nin jasin bofuɛ mun. Be nin dɔɔtrɔ nga bé wá yó wɔ ayre’n be kwla koko ayre nga i yolɛ nun’n be faman mmoja’n i su yalɛ. Sɛ ɔ nin i fata’n be kwla kle wɔ dɔɔtrɔ kun m’ɔ kwla yo wɔ ayre kɛ nga a klo’n sa. Blɛ kwlaa nga ɔ sa mian’n, a kwla flɛ be. Yɛ sɛ ɔ fata kɛ be la wɔ dɔɔtrɔ’n annzɛ be yo wɔ opele annzɛ kansɛli wie ti’n be yo wɔ ayre’n, nán sisi ɔ bo naan w’a flɛ be. Kannzɛ bɔbɔ a bu i kɛ mmoja ndɛ su baman nun’n, sanngɛ flɛ be. Like kunngba’n yɛ ɔ fata kɛ bla wunnzɛfuɛ’m be yo-ɔ. Sɛ a mian ukalɛ wun’n se asɔnun kpɛnngbɛn kun kɛ ɔ fa aniaan sɔ’m be nun kun i nimielo’n man wɔ.

Bo VIDEO nga be flɛ i kɛ ?Wafa sɛ yɛ Komite ng’ɔ nin dɔɔtrɔ’m be di junman’n uka e-ɔ? I sin’n usa nzrafuɛ’m be kɛ:

?Sɛ a kpinndinman’n annzɛ sɛ ɔ fata kɛ be yo wɔ opele’n wafa sɛ yɛ Komite ng’ɔ nin dɔɔtrɔ’m be di junman’n ɔ kwla uka-ɔ?