Zanvie 8-14
ZƆBU 34–35
Jue 30 yɛ srɛlɛ | Aɲia’n i su fitilɛ (Min. 1)
1. Kɛ ɔ yo e kɛ sran kpa’m be ngunmin be su yɛ sa tɛtɛ’m be tɔ sa’n
(Min. 10)
Nán e wla fi su kɛ Zoova yo sa’n i nuan su titi. (Zɔb 34:10; wp19.1 8 § 2)
Ɔ kwla yo e kɛ sa fi tɔman klunwifuɛ’m be su le sa. Sanngɛ Zoova wun ninnge kwlaa nga be yo be’n. (Zɔb 34:21-26; w17.04 11 § 5)
Like kpa nga e kwla yo e fa uka be nga be bu be lufle’n, yɛle kɛ e kan Zoova i su ndɛ nanwlɛ’n e kle be. (Zɔb 35:9, 10; Mat 28:19, 20; w21.05 7 § 19-20)
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Zɔb 35:7—?Kɛ Elii seli Zɔbu kɛ ‘ngue yɛ [Ɲanmiɛn] ɲɛn i i sa nun’n,’ ngue ndɛ yɛ i waan ɔ́ kán-ɔn? (w17.04 28 § 3)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Zɔb 35:1-16 (th like suanlɛ 10)
4. A nin sran bo yalɛ kokolɛ bo
(Min. 3) AWLOAWLO’M BE NUN. Se sran’n kɛ a klo kɛ á klé i Biblu’n nun like. (lmd like suanlɛ 10 ndɛ ja 3)
5. A nin sran bo yalɛ kokolɛ bo
(Min. 4) JASIN FƐ BOLƐ NGA B’A SIESIEMAN’N. Kle sran kun m’ɔ le ba’n wafa ng’ɔ kwla kunndɛ ninnge wie mɔ be kwla ukɛ i jw.org su’n. (lmd like suanlɛ 1 ndɛ ja 4)
6. Yo maan sran’m be kaci Zezi i sɔnnzɔnfuɛ
Jue 58
7. ?A kunndɛ kpa kɛ á ‘bó jasin fɛ’ nga b’a siesieman’n?
(Min. 15) Ijɔlɛ nin nzrafuɛ’m be kosan usalɛ.
Pɔlu seli Timote kɛ: “Bo jasin fɛ’n. Sɛ lika’n ti kpa-o, sɛ ɔ timan kpa-o, nán jrɛnjrɛn i wun.” (2Ti 4:2) Glɛki nun ndɛ nga be kacili i Wawle nun kɛ “nán jrɛnjrɛn i wun’n,” kpɛ sunman’n be fa kan sonja annzɛ gladi difuɛ mɔ be sisiman be bo naan b’a yo like nga be se be kɛ be yo’n be ndɛ. E kusu blɛ kwlaa nga e nin sran mun é kókó e yalɛ mɔ e ɲan jasin fɛ bolɛ’n i wun atin’n, e sisiman e bo naan y’a bo.
E klo Zoova yɛ e si ninnge ng’ɔ yo mannin e’n be su ye. I ti’n, e kɛn i ndɛ e kle e wiengu mun.
An kanngan Jue Mun 71:8 nun. I sin’n usa nzrafuɛ’m be kɛ:
?Zoova i su ndɛ fɛ benin yɛ a kunndɛ kɛ á kán klé sran mun-ɔn?
Klolɛ mɔ e klo sran mun’n ti yɛ e bo jasin fɛ nga b’a siesieman’n niɔn.
Bo VIDEO nga be flɛ i kɛ Sran kɔe akpi be kunndɛli kɛ bé súan Biblu’n nun like. I sin’n usa nzrafuɛ’m be kɛ:
-
?Wafa sɛ yɛ jasin fɛ nga b’a siesieman’n ukali sran kpanngban naan b’a suan Biblu’n nun like-ɔ?
-
?Kɛ sran sɔ’m be suannin Biblu’n nun like’n i su ye benin yɛ be ɲɛnnin i-ɔ?
-
?Ngue ti yɛ e kwla se kɛ klolɛ mɔ e klo sran mun ti yɛ e bo jasin fɛ nga b’a siesieman’n niɔn?
-
?Ngue ti yɛ a kwla se kɛ jasin fɛ nga b’a siesieman i bolɛ’n, ɔ ti jasin fɛ bolɛ wafa kun m’ɔ kwla uka sran mun naan b’a si Zoova-ɔ?
8. Asɔnun’n i Biblu’n nun like suanlɛ
(Min. 30) bt ndɛ tre 4, kuku b. 33
