Utu 5-11

ƝANMIƐN NDƐ’N NUN NINNGE KPAKPA WIE MUN

1. Kan Ɲanmiɛn i kwlalɛ’n i ndɛ kle “be nga bé wá jáso su’n”

(Min. 10)

Davidi i kaan nun’n Zoova sɛsɛli i. (Ju 71:5; w99-F 1/9 18 § 17)

Davidi i kpɛnngbɛn nun’n Zoova w’a yimɛn i ase. (Ju 71:9; g04-F 8/10 23 § 3)

Davidi kɛnnin i su ndɛ’n kleli gbanflɛn nin talua mun naan ɔ́ wlá be fanngan. (Ju 71:17, 18; w14 1/1 23 § 4-5)

USA Ɔ WUN KƐ: ‘?E asɔnun’n nun’n aniaan benin yɛ ɔ su Ɲanmiɛn w’a cɛ kpa mɔ e kwla yiɛ i e awlo lɔ Ɲanmiɛn sulɛ’n i bo-ɔ?’

2. Ninnge kpakpa mɔ be o Ɲanmiɛn Ndɛ’n nun’n

(Min. 10)

Ju 72:8—?Wafa sɛ yɛ nda nga Zoova tali Abraamun m’ɔ o Bo Bolɛ 15:18 nun’n ɔ kpɛnnin su Famiɛn Salomɔn i famiɛn dilɛ blɛ nun-ɔn? (it-1-F 825)

Tɛ su wa
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

Tɛ su wa

3. Biblu’n nun kannganlɛ

(Min. 4) Ju 71:1-24 (th like suanlɛ 5)

MIAN Ɔ ƝIN NAAN SI JASIN FƐ’N I BO KPA

4. A nin sran bo yalɛ kokolɛ bo

(Min. 3) AWLOAWLO’M BE NUN. Sɛ a wun kɛ sran’n w’a fa ya’n amun yaci yalɛ kokolɛ. Sanngɛ yo i sɔ’n amanniɛn su. (lmd like suanlɛ 4 ndɛ ja 5)

5. Nian sran osu

(Min. 4) JASIN FƐ BOLƐ NGA B’A SIESIEMAN’N. A nin ɔ osufuɛ kun m’ɔ sisi i bo naan w’a suan Biblu’n nun like’n be koko yalɛ. (lmd like suanlɛ 8 ndɛ ja 4)

6. Yiyi like nga a lafi su’n nun

(Min. 5) Ijɔlɛ. ijwfq 49—Ndɛ nga á yíyí nun’n: ?Ngue ti yɛ Zoova i Lalofuɛ’m be kacili ninnge wie mɔ be lafi su’n niɔn? (th like suanlɛ 17)

LIKE NGA KLISIFUƐ’M BE YO’N

7. Ninnge wie mɔ awlobofuɛ’m be kwla yo be be awlo lɔ Ɲanmiɛn sulɛ nun’n

(Min. 15) Yalɛ kokolɛ.

Awlo lɔ Ɲanmiɛn sulɛ blɛ’n ti blɛ cinnjin kpa kun. Blɛ sɔ nun’n ba’m be kwla si “Zoova i mmla’n nin i afɔtuɛ” mun. (Efɛ 6:4) Ɔ ti su kɛ i sɔ yolɛ timan pɔpɔ. Sanngɛ amun kwla di su aklunjɔɛ. I li kɛ ba’m bé kló Biblu’n nun ndɛ’n be kɔ́’n yɛ amún dí su aklunjɔɛ kpa’n niɔn. (Zan 6:27; 1Pi 2:2) Kan kuku ng’ɔ suan “ Ninnge nga e kwla yo be awlo lɔ Ɲanmiɛn sulɛ nun’n” i ndɛ kan. Kuku sɔ’n kwla uka siɛ nin niɛn mun naan be awlo lɔ Ɲanmiɛn sulɛ’n w’a yo be awlofuɛ’m be ye naan b’a di su aklunjɔɛ. I sin’n usa nzrafuɛ’m be kɛ:

?Ajalɛ sɔ’m be nun benin mun yɛ amun kunndɛ kɛ amún nían su-ɔ?

Tɛ su wa
?Amun wunnin like uflɛ m’ɔ kwla uka amun-ɔn?

Tɛ su wa

NINNGE NGA E KWLA YO BE AWLO LƆ ƝANMIƐN SULƐ NUN’N

BIBLU’N:

Biblu’n i bue ng’ɔ fata kɛ e kanngan nun lemɔcuɛ’n nun’n, amun man amun nnɛn’n su be kanngan nun. Awlofuɛ kun kwla ijɔ sran kun mɔ Biblu’n kɛn i ndɛ’n i nuan.
Klɛ Biblu’n i bue ng’ɔ fata kɛ e kanngan nun lemɔcuɛ’n nun’n i su kosan wie mun. Yɛ maan awlofuɛ kun fa kosan kun kpɛkun ɔ kunndɛ i su tɛlɛ’n. I sin’n, maan ɔ yiyi like ng’ɔ wunnin i’n nun.
Amun usa kosan kun annzɛ amun bo sa kun su. Kpɛkun amun fa fluwa Biblu’n nun mmla wie mɔ be uka Klisifuɛ mun’n naan amun kunndɛ Biblu’n nun mmla nga be kwla uka amun’n.
Amun yi Biblu’n i nun ndɛ wie’m be su anɔ.
Amun klɛ Biblu’n nun ndɛ mma wie mun fluwa kanngan wie’m be bue kun su yɛ be bue uflɛ su’n amun klɛ ndɛ mma’m be nun ndɛ mun. Ɔ kwla yo nga be o fluwa pɛplɛpɛ Klo sran mun—Yo maan be kaci Zezi i sɔnnzɔnfuɛ i bue ng’ɔ suan Ndɛ uflɛ wie mun 1 nun’n. Kpɛkun lemɔcuɛ kwlaa nun’n, amun suan ndɛ mma sɔ’m be nun wie mun naan be ka amun klun. Amun flan nga amun suannin be laa’n be nun.
Amun suan fluwa A kwla di aklunjɔɛ tititi! i like suanlɛ kun nun like.
Se awlofuɛ’m be nun kun kɛ ɔ fa ndɛ kun ndɛ akpasua nga be flɛ i kɛ “Biblu’n su kosan’m be su tɛlɛ” nun naan ɔ yiyi nun. Ɔ o jw.org i bue ng’ɔ suan LIKE NGA BIBLU’N KLE’N nun.

AƝIA MUN:

Amun siesie aɲia kun i bue.
Amun kunndɛ kosan’m be su tɛlɛ’n yɛ amun kan flan nun. I sɔ yolɛ nun’n nán amun tra segɔndu 30.
Amun suan jue’m be tolɛ.
Ka naan aɲia ng’ɔ́ bá lɔ’n w’a bo i bo yɛ kɛ ɔ ko wie’n ndɛ nga amun kwla kan fa wla sran kun i fanngan’n amun koko su yalɛ.
Sɛ amun nun kun le junman aɲia’n i bo’n maan ɔ di i amun kwlaa amun ɲrun.

JASIN FƐ BOLƐ:

Amun suan wafa nga amun kwla bo jasin fɛ’n awloawlo’m be nun’n.
Amun suan wafa nga amun kwla ko nian sran’m be osu’n.
Maan amun yo kɛ amun su bo jasin fɛ nga b’a siesieman’n sa. Kpɛkun like nga amun kwla yo naan amun nin sran’n b’a koko yalɛ kɛ sran kun nin i janvuɛ sa’n an kɛn i ndɛ.
Amun koko like nga amun kwla yo naan amun a bo jasin fɛ’n i kpa E Wla Kpɛnlɛ aɲia blɛ nun annzɛ blɛ mɔ amun diman junman’n annzɛ blɛ mɔ ba’m be kɔman suklu’n nun’n i su yalɛ.

NINNGE NGA AWLOFUƐ’M BE MIAN BE WUN’N:

Amun koko sa wie m’ɔ juli annzɛ sa wie m’ɔ kwla ju’n i su yalɛ. Ɔ kwla yo e wun mɔ e fa wlɛmɛn i mɛn’n nun ninnge’m be nun’n annzɛ ba mɔ be wiengu suklu ba’m be kle be yalɛ’n annzɛ soman bolɛ’n annzɛ kusu cɛn dilɛ mun.
Ɔ ju wie’n, maan siɛ nin niɛn’m be yo kɛ be yɛ be ti ba mun sa yɛ ba’m be kusu be yo kɛ be yɛ be ti siɛ nin niɛn mun sa. Maan ba’m be kunndɛ sa kun su like naan be nin be si nin be nin’m be koko su yalɛ.

NINNGE UFLƐ WIE MUN EKUN:

Amun nian JW televiziɔn^® yɛ amun koko su yalɛ.
Amun kanngan ndɛ kun m’ɔ o jw.org su’n nun annzɛ amun niɛn i su video kun yɛ an koko su yalɛ.
Amun koko ndɛ kun m’ɔ o ndɛ akpasua ng’ɔ suan “Gbanflɛn nin talua mun” annzɛ “Ba kanngan mun” i su yalɛ. Ndɛ akpasua sɔ’m be o jw.org i bue ng’ɔ suan LIKE NGA BIBLU’N KLE’N su.
Amun koko nvle kun aɲia’n annzɛ akpasua kun aɲia’n i su ndɛ nga amun klɛ sieli’n i su yalɛ.
Amun fa amun ɲin sie i ninnge nga Ɲanmiɛn yili be’n be su annzɛ amun kunndɛ be su like. Yɛ Zoova i su like ng’ɔ kle amun’n, amun koko su yalɛ.
Ɔ ju wie’n, amun yia aniaan kun yɛ amun nin i koko yalɛ.
Amun fa ninnge wie mun sie amun ɲrun kɛ amún yó be Ɲanmiɛn sulɛ’n nun. Yɛ amun koko wafa nga amun kwla yo ninnge sɔ mun’n be su yalɛ.
Amun yo like kun likawlɛ. Ɔ kwla yo Nowe i mmeli’n i wunsu kan bobolɛ, annzɛ lika’m be jajalɛ nga be o Mɛn Uflɛ Biblu’n nin e fluwa’m be nun’n annzɛ be nun kuku wie’m be su like suanlɛ.

Bo VIDEO nga be flɛ i kɛ Amun yo naan amun ɲan awlo lɔ Ɲanmiɛn sulɛ’n i su ye kpa’n. I sin’n usa nzrafuɛ’m be kɛ:

?Sɛ ba nunman awlo’n nun’n ngue yɛ yasua’n kwla yo naan awlo lɔ Ɲanmiɛn sulɛ’n w’a yo bla’n i fɛ-ɔ?

Tɛ su wa

8. Asɔnun’n i Biblu’n nun like suanlɛ

(Min. 30) bt ndɛ tre 13 § 17-24

Aɲia’n i atabo (Min. 3) | Jue 123 yɛ srɛlɛ

KLISIFUƐ MUN NIN BE JUNMAN’N—AƝIA FLUWA

Afuɛ 2024, Utu 5-11 nun Klisifuɛ mun nin be junman’n aɲia’n i siesielɛ

Wawle

Afuɛ 2024, Utu 5-11 nun Klisifuɛ mun nin be junman’n aɲia’n i siesielɛ

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Zuie b. 10-16

Zoova i Lalofuɛ mun

Utu 5-11

JUE MUN 70–72

Jue 59 yɛ srɛlɛ | Aɲia’n i su fitilɛ (Min. 1)

ƝANMIƐN NDƐ’N NUN NINNGE KPAKPA WIE MUN

1. Kan Ɲanmiɛn i kwlalɛ’n i ndɛ kle “be nga bé wá jáso su’n”