Zuie 29–Utu 4
JUE MUN 69
Jue 13 yɛ srɛlɛ | Aɲia’n i su fitilɛ (Min. 1)
1. Zezi i su ndɛ nga Jue Mun 69 kannin’n
(Min. 10)
Sran’m be kpɔli Zezi ngbɛn. (Ju 69:4; Zan 15:24, 25; w11 1/8 13 § 17)
Zezi suli Zoova juejue su. (Ju 69:9; Zan 2:13-17; w10 1/12 16 § 7-8)
Zezi i awlɛn’n kpɔtɔli i klun yɛ be mɛnnin i duvɛn mɔ be guali nun like wiwi’n kɛ ɔ nɔn. (Ju 69:20, 21; Mat 27:34; Lik 22:44; Zan 19:34; g95-F 22/10 31 § 4; it-2-F 600)
BU SU AKUNNDAN: ?Ngue ti yɛ Zoova yoli maan be klɛli Mesi’n i su ndɛ Ɲanmiɛn Ndɛ’n i bue nga be klɛli i Ebre nun’n i nun-ɔn?
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ju 69:30, 31—?Wafa sɛ yɛ ndɛ mma nga’m be kwla uka e naan y’a si Ɲanmiɛn srɛ kpa y’a tra laa-ɔ? (w99-F 15/1 18 § 11)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 69:1-25 (th like suanlɛ 2)
4. Tra ɔ awlɛn—Like nga Zezi yoli’n
(Min. 7) Yalɛ kokolɛ. Bo VIDEO’N, i sin’n an koko lmd like suanlɛ 8 i ndɛ ja 1-2 be su yalɛ.
5. Tra ɔ awlɛn—Sɔnnzɔn Zezi
(Min. 8) An koko lmd like suanlɛ 8 i ndɛ ja 3-5 nin i bue ng’ɔ suan “Nian ndɛ mma nga mun wie” be su yalɛ.
Jue 134
6. Ninnge ng’ɔ fata kɛ asɔnun’n fɛ i ɲin sie be su’n
(Min. 5)
7. Afɔtuɛ wie mɔ be kwla uka awlobo’m be awlo lɔ Ɲanmiɛn sulɛ nun’n
(Min. 10) Yalɛ kokolɛ.
Afuɛ 2009, Zanvie anglo’n nun’n, be kannin Asɔnun’n i Biblu’n nun like suanlɛ aɲia’n nin Ɲanmiɛn junman dilɛ suklu nin Junman dilɛ aɲia’n be boli nun. Ɔ maan lemɔcuɛ afiɛn’n nun’n e yo aɲia kunngba. I ti’n awlobo’m be kwla fa nnɔsua nga e yoman aɲia’n be su Ɲanmiɛn awlo lɔ. Aniaan kpanngban be seli kɛ i sɔ mɔ be yoli’n ti kpa dan. Afin ɔ yoli maan be awlofuɛ’m be afiɛn mantan yɛ be nin Zoova be afiɛn mantan wie.—Mml 6:6, 7.
?Ninnge benin wie mun yɛ be kwla uka awlobo kpɛn mun naan be awlofuɛ’m b’a ɲan awlo lɔ Ɲanmiɛn sulɛ’n i su ye-ɔ?
-
Nán amun kpɛ nun cɛn. Amun kwla sie blɛ trele kun naan lemɔcuɛ kwlaa nun’n, amun a su Ɲanmiɛn awlo lɔ. Asa’n, amun sie cɛn uflɛ ekun. I liɛ’n, sɛ amun a kwlá yomɛn i cɛn klikli nga amun kleli’n amún yó i cɛn sɔ’n nun.
-
Amun siesie amun wun. Amun nin amun yi’m be koko like nga amun kwla yo’n i su yalɛ. Ɔ ju wie’n amun usa amun mma mun naan be kle be liɛ. Ɔ nunman nun kɛ amun fa blɛ kaka be fa siesie be wun. I li sɛ like nga amun klo kɛ amún yó’n amun awlofuɛ’m be klo i yolɛ lemɔcuɛ kwlaa nun’n yɛ ɔ nunman nun kɛ amun yo sɔ’n niɔn.
-
Amun yo ninnge nga be kwla uka amun awlofuɛ mun’n. Kɛ ba’m bé ɲín bé kɔ́’n ninnge nga be mian be wun’n nin nga be kwla yo’n be kaci. Ɔ maan ɔ fata kɛ like nga amun yo’n, ɔ uka amun awlofuɛ’m be tinuntinun naan be nin Zoova be afiɛn mantan kpa.
-
Maan ɔ yo aklunjɔɛ dilɛ blɛ. Sɛ lika’n ti kpa’n, amun kwla ko suan like’n gua su lɔ. Kɛ amún súan like’n, amun kwla jran be lo wunmiɛn kan. Ɔ ti su kɛ ɔ fata kɛ amun koko sa nga be tɔ ba’m be su’n be su yalɛ, sanngɛ nán amun ijɔ be annzɛ amun tu be fɔ blɛ mɔ amún sú Ɲanmiɛn awlo lɔ’n nun.
-
Amun yo ninnge fanunfanun. Amun kwla siesie aɲia kun i bue kan annzɛ amun kwla nian video nga be o jw.org su’n be nun kun annzɛ amun kwla siesie ndɛ nga amún kɛ́n i jasin fɛ bolɛ nun’n. Asa’n amun sie blɛ kan naan amun tinuntinun amun fa suan like.
Usa kosan nga:
-
?Kɛ amún sú Ɲanmiɛn awlo lɔ’n wafa sɛ yɛ amun fali afɔtuɛ nga’m be su-ɔ?
8. Asɔnun’n i Biblu’n nun like suanlɛ
(Min. 30) bt ndɛ tre 13 § 8-16, kuku b. 105
